اوّلین نامَه تَسالونیکی کلیسا را 5:15 - کتاب مقدس به زبان تالشی شمالی

¹⁵ ویرا بِبییَه، کسی بَدی، بَدی نَه جَواو مَدییَه، بَلکَم همیشه چِمی دومله بِبییَه که یَندی را و مردمی را چاکی بِکَرَه.

کتاب مقدس به زبان تالشي - گویش مرکزی

¹⁵ هوش ببَه، هیچ کَسی، بَدی بَدینه جواب نِدَرِ، بَسکم یَژَن یَندِ سَر و گِردِ آدَمون سَردِرِ چاکی کردِ دوملَه ببه.

اوّلین نامَه تَسالونیکی کلیسا را 5:15 Iomraidhean Croise

مَتّی 5:39

امّا از شِمَه نَه بَواتیم، شَرورَه آدَمی پیشی کا، مقاومت مَکَرَه. و اَگم کسی اِشتِه راستَ دیمی سیله ژَنه، اِشتِه دیمی اَ وَری نی آگاردِن چَیی طرف تا بِژَنه.

انجیل لوقا 6:35

امّا شِمَه، شِمَه دِشمَنون محبت بِکَرَه و اَوون را چاکی بِکَرَه و بیدون اِمکه پَس ویگِته فکری بِکَرَه، اَوون قَرض آدییَه، که شِمَه پاداش یال بَبی و خِدای متعالی خِردَنون بَبیرون، چوم خِدا، ناشُکرون و بَدکارون نَه میهرَوونَه.

رَسولون اَعمال 16:28

امّا پولس بِلنده سَسی نَه خِلع ژَندِشَه، واتِشه: «اِشتَن صَدَمَه مَژَن که اَمَه گِرد اییاکا ایمونَه!»

رومی کلیسارا نامه 12:9

محبت بَسی خالِص بِبو. بَدی کا دوری بِکَرَه و مُحکم دَچیکَه اَ چیی که چاکَه.

رومی کلیسارا نامه 14:19

بَس بایَه اَ چیی دومله بِبییَم که صُلح و سلامتی باعیث بَبی و یَندی ایمانی تقویتی باعیث بَبی.

اوّلین نامَه قورَنتیانیرا 14:1

محبتی دومله بِبییَه و غِیرتی نه روحانی یَه عطیَه اون بِپییَه، مخصوصاً اِم که نبوّت بِکَرَه.

اوّلین نامَه قورَنتیانیرا 16:10

وختی تیموتائوس اومَه، اَیینه جوری رفتار بِکَرَه که شِمَه دیلَه کا هیچ نِگرانی مَدارِه. چوم که اَ نی چِمِن شیوار خِداوندی کاری اَنجام بَدای؛

اوّلین نامَه قورَنتیانیرا 6:7

اَصلاً اِنتَه رَه دعوا مُرافه شِمَه دیلَه کا، اِشتَن شِمَه را سَرشِکَستگی یَه. چیرا نِپیسترونه اَ بَدی قَبول بِکَرَه؟ چیرا حاضر نیرونه ضَرر بِکَرَه؟

نامه غلاطیَه کلیسارا 6:10

بَس تا فرصت هِستِمونه گِردِ مردمی را چاکی بِکَرَم، اَلَلخصوص کَسونی را که بِه مسیح ایمان هِستِشونه.

نامَه اَفسوسی کلیسارا 5:15

بَس، شِمَه هَواس وِر جمع بِبو که چِنتَه رفتار بَکَردیرون، دانایون شیوار رفتار بِکَرَه نِه نادونون شیوار.

نامَه اَفسوسی کلیسارا 5:33

خُلاصه اِم که، هَر کمیله شِمَه کا نی بَسی اِشتَن ژِنی نَه اِشتَن جانی شیوار خِش بِبو، و ژِنی هَواس نی بَسی جمع بِبو که اِشتَن شو حُرمت اِحترام بِکَرِه.

اوّلین نامَه تَسالونیکی کلیسا را 2:12

اَمَه هَر کمیله شِمَه، ایلَه ایلَه تشویق کَردِمونه و تَسلی دومونه و سفارش کَردِمونه تا اَتَه که خِدا شئنی کایَه زِندگی بِکَرَه، که شِمَه دعوت بَکَردی اِشتنِش پاُتشایی و جلالی را.

اوّلین نامَه تَسالونیکی کلیسا را 5:21

بَلکَم گِردِ چییون آزمایش بِکَرَه؛ و اَ چیی که چاکَه، محکم دَچیکه.

اوّلین نامَه تیموتائوسیرا 6:11

امّا تِه که مِردِ خِدا ایش، اِم چییون کا دَوَز، و صالحی، دینداری، ایمان، مُحبت، پابَرجایی و ملایمتی دومله بِبَش.

دِوُّمین نامَه تیموتائوسیرا 2:24

خِداوندی نوکر نَبی دعوامُرافه بِکَرِه، بَلکَم بَسی گِردی نَه میهروون بِبو، بِشا تعلیم بِدَه و بَدی اون کا صبری نَه تاو بواَرِه.

نامَه تیتوسیرا 3:2

هیچکسی بَدی مَواجِن، دعوا مَکَرِن، آروم بِبون و گِردِ مردمی نه اَدبی نَه رفتار بِکَرِن.

نامَه، عِبرانیه نَتاجَه مسیحیونرا 12:14

تَقَّلا بِکَرَه گِردِ مردمی نَه صُلح و سلامتی کا بِبییَه و مقدّس بِبییَه، چوم که بیدون قدّوسیت هیچکس خِداوَندی نِوینِه.

پطروسی اوّلین نامَه 1:22

حِسَه که حقیقتی کا اِطاعت کَردِه نَه، شِمَه جانون پاک آکَردَرونه، تا بی ریایَه بِرااون نَه محبت بِدارَه، یَندی نَه خالِص و پاکَ دیلی نَه خِش بِبییَه.

پطروسی اوّلین نامَه 2:17

گِردی حُرمَت بِکَرَه. بِرااون مُحبت بِکَرَه. خِداتَرس بِبییَه. پاُتشا اِحترام بِکَرَه.

پطروسی اوّلین نامَه 3:9

بَدی، بَدی نَه و فَشی، فَشی نَه جَواو مَدییَه، بَلکَم چَیی عوض بَرَکت طلب بِکَرَه، چوم اِمی واسی دَعوت بَییرونَه تا بَرکت بِه دَس بواَرَه.

یوحنا سوّمین نامَه 1:11

اِی عزیز، بَدی اِشتِه سَرمشق مَکَه، بَلکَم چاکی کا سرمشق بِگِه؛ چوم کسی که چاکه کارون بَکَردی خِدا کا یَه، امّا کسی که بَدَه کارون بَکَردی خِدا ویندَه نیشَه.

یوحنا موکاشیفَه 19:10

دومله چَیی پا پیشی کا بَلَکیمَه تا اَئی پرستش بِکَرِم. امّا اَ مِنَه واتِشه: «اِنتَه مَکَه! چوم که از، تِه و اِشتِه بِرااون نَه که عیسی شهادتی دوعِه مُحکم دَچیکَه ای نَه، هَم خِدمَتی ایمَه. خِدا پرستش بِکَه!» چوم عیسی شهادتی دوعِه، نبوّتی روحَه.

یوحنا موکاشیفَه 22:9

امّا ملائیکه مِنَه واتِشه: «اَتَه مَکَه! از نی اِشتِه شیوار و اِشتِه بِرا اون شیوار، یعنی پیغمبرون، و کسونی که اِم کتابی کلامی انجام بَداین، همخِدمتیمَه. خِدا پرستِش بِکَه.»