اوّلین نامَه تَسالونیکی کلیسا را 5:12 - کتاب مقدس به زبان تالشی شمالی

¹² حِسَه اِی بِرااِن، شِمَه کا پیستِمَه، کَسونی که شِمَه دیلَه کا زحمت کَشِن و خِداوندی کا شِمَه رهبری نَه، و شِمَه پَند و اندَرز بَداین، حُرمت اِحترام بِکَرَه،

کتاب مقدس به زبان تالشي - گویش مرکزی

¹² اَی برا اِن ایسَه، شمَکا خاشتو خازِمه اَیِنی کن شمَه دلَکا زَمَت بَکشتین و خداوندیکا شمه رهبرینه و بشمَه اَندَرز بَکن، ایحترام بنَرَ،

اوّلین نامَه تَسالونیکی کلیسا را 5:12 Iomraidhean Croise

انجیل لوقا 10:7

هَ کَ کا بومونَه و هر چیی که شِمَه ناری کا بَناین، بَره و بِنجَه، چوم کاریگری مُزد چَیی حقَّه. کَ بِه کَ مَگردَه.

یوحنا 4:38

اَز شِمَه ویسا آکَردِمَه تا محصولی دِرو بِکَره که اَیی را زحمتی کَشَه رون نییَه. خَلک زحمت کَشَشونَه و شِمَه چَوون زحمتی مَنفعتی کا شریک بَییرونَه.»

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

رَسولون اَعمال 20:35

هَمَه جورَه شِمَه نیشون دوعَمَه که بَسی اِنتَه بَرک کار بِکَرَم تا بِشایَم ضعیفون دَسی بِگِرَم و عیسایِ خِداوندی گفون ویری کا بِدارَه که چِنتَه اَ اِشتَن واتَشه: ”آدوعِه، ویگِتِه کا چاکترَه.“‌»

رومی کلیسارا نامه 16:12

تْریفینا و تْریفوسا، اَ خادِمونی که خِداوندی خِدمتی کا زحمت بَکَشدین سلام آرِساوونه و پِرسیس که چِمِن اَ ایلَه عزیزگِرامی یَه رفِقَه که خِداوندی کا وِر زحمت بَکَشدی، سلام آرِساوونه.

رومی کلیسارا نامه 16:6

مریمی را نی که شِمَه را وِرَه زحمت کَشِشه، سلام آرِساوونه.

اوّلین نامَه قورَنتیانیرا 12:28

خِدا کلیسا دیلَه کا، اوّل رسولون، دوّم پِیغمبرون، سوّم معلّمون؛ دومله معجزه اَنجام دوعِه قدرت، چَیی بِه دومله شفا دوعِه عطیه اِن و کمک کَردِه و مدیر بییِه و جور بَه جورَه زَوونون نَه گف ژَندِه، تعیین کَردِشَه.

اوّلین نامَه قورَنتیانیرا 15:10

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

اوّلین نامَه قورَنتیانیرا 16:16

اِنتَه رَه کسون طابع بِبییَه و هِنتَه نی هَرکسی طابِع که اِم خدمتی کا همکاری بَکَردی و زحمت بَکَشدی.

اوّلین نامَه قورَنتیانیرا 16:18

چوم که اَوِن چِمِن روح و شِمَه روح، تازه آکَردِشونه. اِنتَه رَه کسون حُرمت بِکَرَه.

اوّلین نامَه قورَنتیانیرا 3:9

چوم که اَمَه خِدا همکارونیمونه. شِمَه خِدا کِشت و کارَه زمین و خِدا عِمارتی رونه.

دوومین نامه قرنتیانیرا 11:23

اَوِن مسیح نوکَری نَه؟ از اَوون کا وِرتَریمَه، تورون شیوار گَف ژَنِم! گِردی کا سختتَر کار کَردَمَه، وِرتَر زندان شَه ایمَه، گِردی کا وِرتَر لِس هَردَمَه، وِر مرگی مَزَه چَشَمَه.

دوومین نامه قرنتیانیرا 5:9

بَس چِه بَدنی کا زِندگی بِکَرَم و چِه اَیی کا دور بِبییَم، چَمَه نیّت اِمَه که اَیی راضی آکَرَم.

دوومین نامه قرنتیانیرا 6:1

بَس اَ چیونی کا که خِدا همکارونیمونه، شِمَه کا خواهیشت بَکَردیمون که خِدا فیضی بیخودی بِه دَس مَواَرَه.

نامه غلاطیَه کلیسارا 4:11

تَرسِم که مَکَرِه زَحمتونی که شِمَه را کَشَمَه هَدَر شَه بِبو.

نامَه فیلیپی کلیسا را 2:16

زِندگی کلامی مُحکم غَم بَرَه تا مسیح آگَردِستَه روزی کا فَخر بِکَرِم که بیخودی ویریتَه نیمَه و بیخودی زحمت کَشَه نیمَه.

نامَه فیلیپی کلیسا را 2:19

خِداوند عیسی کا اُمید هِستِمه که هِم زودییون تیموتائوسی ویسا آکَرِم شِمَه وَر تا شِمَه اَحوالاتی کا خَوَر دار بِبوم و چِمِن دیل‌ شاد آبو.

نامَه کُولُسی کلیسا را 1:29

اِمی واسی یَه که اَز زَحمت بَکَشتیم و تَمون چِمِن قوّتی نَه چَیی واسطه نَه که چِمِن دیلَه کا قوّتی نَه کار بَکَردی، تَقَّلا بَکَردیم.

اوّلین نامَه تَسالونیکی کلیسا را 2:9

چوم شِمَه اِی بِرااِن، چَمَه زحمت و کار کَردِه شِمَه ویری کایَه: که شَواَندَه روز کار بَکَردیمون تا وختی که خِدا اِنجیلی شِمَه را اِعلام بَکَردیمون، هیچکسی سَربار مَبییَم.

اوّلین نامَه تَسالونیکی کلیسا را 4:1

آخِرسَر بَس، اِی بِرااِن، اَمَه خِداوند عیسی کا شِمَه کا پیستِمونَه و مِنت بَکَردیمون، هَتَه که اَمَه کا شِمَه را آرَستَه که چِنتَه بَسی زِندگی بِکَرَه و خِدا راضی آکَرَه، هَتَه که کارا اَنجام بَدایرون، اِم کاری وِرتَر و وِرتَر بِکَرَه.

اوّلین نامَه تَسالونیکی کلیسا را 5:14

اِی بِرااِن، شِمَه کا خواهیشت بَکَردیم که تَنبلون نصیحت بِکَرَه؛ تَرسو اون تشویق بِکَرَه؛ ضَعیفون کمک بِکَرَه؛ گِردی نَه صبور بِبییَه.

اوّلین نامَه تیموتائوسیرا 5:1

پیرَه مِردَکی سَرکوفت مَژَن، بَلکَم اَیی اِشتِه دَده شیوار تشویق بِکَه، و جَوونون نی اِشتِه بِرااون شیوار،

اوّلین نامَه تیموتائوسیرا 5:20

کسونی که گناه کا پافشاری بَکَردین، گِردی پیشی کا توبیخ بِکَه تا بقیه بِتَرسِن.

دِوُّمین نامَه تیموتائوسیرا 2:6

اَ کشاورزی که بَرک کار بَکَردی بَسی اوّلین کسی بِبو که اِشتَن مَحصولی کا بَهره بَبَردی.

نامَه تیتوسیرا 1:3

و مناسبَ وختی کا اَ وَعده آشکار آبَه، اَ کلامی نَه که چَیی اِعلام چَمَه نِجات​دهندۀ خِدا حُکمی نَه، بَه مِن دَسپَرده بَه.

نامَه تیتوسیرا 1:5

اِمی واسی تِه نومَه کْرِتی جَزیرَه دیلَه کا تا نصف نیمَه کارون سَر و سامون بِدَی و هَتَه که تِه نَه واتِمَه، هَر شهری کا شیخونی اِنتخاب بِکَری.

نامَه تیتوسیرا 2:15

اِم چییون اِعلام بِکَه؛ و تَمون اِقتداری نَه تشویق و توبیخ بِکَه. و مَرزِن کسی تِه ندیدَه بِگِرِه.

نامَه، عِبرانیه نَتاجَه مسیحیونرا 13:17

شِمَه رهبرون کا اِطاعَت بِکَرَه و چَوون تسلیم بِبییَه؛ چوم اَوِن شِمَه جانون کا محافظت بَکَردین و بَسی حِساب پَس آدَن. بِدارَه اِشتَن کاری شادی نَه بِکَرِن نِه آه و ناله نَه، چوم شِمَه نفع نییَه.

نامَه، عِبرانیه نَتاجَه مسیحیونرا 13:7

شِمَه رهبرون ویر بواَرَه، اَوِن که خِدا کلامی شِمَه را واتَشونَه. چَوون زندگی رَوِشی عاقِبتی دَیِسَه و چَوون ایمانی کا سَرمشق بِگِرَه.

یوحنا موکاشیفَه 1:20

اَ هفت گِله ستاره، که چِمِن راستَه دَسی کا ویندِرَه و اَ هفت گِله طِلا چِراپوعَه سِرّ اِمَه: اَ هفت گِله ستاره، اَ هفت گِله کلیسا ملائیکه اِنی نَه، و اَ هفت گِله چراپوعَه، هَ هفت گِله کلیسا.

یوحنا موکاشیفَه 2:12

«پِرگامومی کلیسا ملائیکه را بینیویس: «اَ که دِ دَمَه تیجَه شمشیری هِستِشَه، اِنتَه بَواتی:

یوحنا موکاشیفَه 2:18

«تیاتیرا کلیسا ملائیکه را بینیویس: خِدا زوعَه، که چَیی چِمِن آتَشی شعله شیواری نَه و چَیی پا اِن شَفق ژَنَه مَفرقی شیوار، اِنتَه بواتی:

یوحنا موکاشیفَه 2:3

بَزنیم که چِمِن نومی واسی صَبری نَه تاو وَردَرَه و تحمّل کَردرَه و خسته آبَه نیشَه.

یوحنا موکاشیفَه 2:8

«اِسمیرنا کلیسا ملائیکه را بینیویس: «اَ که اوّلَ و اَ که آخِرَه، اَ که مَردَه و زِندَه آبَه، اِنتَه بَواتی:

یوحنا موکاشیفَه 3:1

«ساردِسی کلیسا ملائیکه را بینیویس: «اَ که خِدا هفت گِله روح و هفت گِله ستاره هِستِشَه، اِنتَه بَواتی: اِشتِه کارون کا خَوَرداریمَه. اِمی واسی سَرشِناسیش که زِندَه ایش، امّا مَردَه ایش.

یوحنا موکاشیفَه 3:14

«لائودیکیه کلیسا ملائیکه را بینیویس: «اَ که آمین اِستَه، اَ که وفادارَه و حقیقی یَه شاهِدَه، اَ که خِدا خِلقتی سَرچِشمَه یَه، اِنتَه بَواتی:

یوحنا موکاشیفَه 3:7

«فیلادِلفیَه کلیسا ملائیکه را بینیویس: «اَ که قدّوسَه، اَ که حَقَّ، اَ که داوودی اَچَری هِستِشَه، اَ که آکَرِه و هیچکس نیمَشا دَوِندِه، و اَ که دَوِندِه و هیچکس نیمَشا آکَرِه، اِنتَه بَواتی: