اوّلین نامَه تَسالونیکی کلیسا را 4:3 - کتاب مقدس به زبان تالشی شمالی

³ چوم که خِدا اِراده اِمَه یعنی شِمَه مقدّس بِبییَه: که اِشتَن بی‌عفتی کا دور غَم بَرَه؛

کتاب مقدس به زبان تالشي - گویش مرکزی

³ چون خدا ایرادَ اِمه، یعنی شمَه موقدَّس بِه: بَشتن بی عیفتیکا رَت آکَرَ؛

اوّلین نامَه تَسالونیکی کلیسا را 4:3 Iomraidhean Croise

مَتّی 12:50

چوم هَر کسی که چِمِن آسِمونی یَه دَده اِراده اَنجام بِده، چِمِن بِرا، چِمِن خالا و چِمِن نَنه یَه.»

مَتّی 15:19

چوم دیلی کا، پلیده فیکرِن، قَتل، زِنا، بی عفتی، دِزدی، دورعَه شهادتی و بُختون بِرون بومَی.

مَتّی 5:32

امّا اَز شِمَه نَه بَواتیم، هَر کسی اِشتَن ژِنی، زِنا غِیراز، چیی واسی طلاق بِدَه، چَیی زِناکاری باعیث بَبی و هَر کسی طلاق ویگِتَه ژِنی بِبَره، زِنا بَکَردی.

مَتّی 7:21

«اِنتَه نییَه که هَر کسی مِن ’خِداوندا، خِداوندا‘ دَخونِه آسِمونی پاُتشایی دیلَه دَشو، بَلكَم کسی‌ کِه چِمِن آسِمونی یَه دَده اِراده اَنجام بِدَه آسِمونی پاُتشایی دیلَه دَشو.

مَرقُس 3:35

چوم هَر کسی که خِدا اِراده اَنجام بِده، چِمِن بِرا و چِمِن خالا و چِمِن نَنه یَه.»

یوحنا 4:34

عیسی اَوون نَه واتِشه: «چِمِن غذا اِمَه که چِمِن ویسا آکَردَه اِراده اَنجام بِدم و چَیی کاری تَمون آکَرِم.

یوحنا 7:17

اَگم کسی پیستِشَه خِدا اِراده اَنجام بِدَه، بَزنی که اِم تعلیم خِدا کایَه یا اَز اِشتَن کا بَواتیم.

رَسولون اَعمال 15:20

امّا بَسی ایلَه نامه‌ای دیلَه کا اَوون کا بِپییَم که خوراکی کا که بُتون را قِربونی بییَه، زِنا کا، خفه بییَه حَیوونون گوشت و خونی کا دوری بِکَرِن.

رَسولون اَعمال 15:29

بُتون قِربونی یَه خوراکی کا و خفه بییَه حَیوونون خون و گوشت و زِنا کا دوری بِکَرَه. اَگم اِمون کا دوری بِکَرَه، چاک بَکَردیرون. وَسّلام.»

رَسولون اَعمال 20:32

«حِسَه از شِمَه دَسپارِم بِه خِدا و چَیی فیض بَخشَ کلامی که بَشای شِمَه بَنا بِکَرِه و گِردِ کَسونی دیلَه کا که تَقدیس بَیینَه، اِرث آدَه.

رَسولون اَعمال 26:18

تا چَوون چِمون آکَری، جوری که تاریکی کا نوری را، و شیطانی قدرتی کا آگَردِن خِدا طرف، تا چَوون گناه اِن بَخشِسته بِبون، و اَ ایمانی واسی که بَه مِن هِستِشونَه، کسونی دیلَه کا که مقدّس بَیینه، جِگا بِدارِن.“

رومی کلیسارا نامه 1:29

اَوِن هَر جورَه نادُرستی، شِرارت، طَمع و بَدخواهی نَه پُوری نَه. اَوِن هَر جورَه حَسودی، قَتل، دعوا، حُقَّه و بَدخواهی‌ نَه پُوری نَه. اَوِن پِشتِ سَر گف ژَن،

رومی کلیسارا نامه 12:2

و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

رومی کلیسارا نامه 6:22

امّا حِسَه که شِمَه گناه کا آزاد آبَییرونه و خِدا نوکرون بَییرونه؛ چَیی ثَمر شِمَه را تقدیس بییِه یَه که آخِرسَر اَبَدی یَه زِندگی را خَتم بَبی.

اوّلین نامَه قورَنتیانیرا 1:30

چَیی واسی یَه که شِمَه مسیحْ عیسی کا ایرونه. اَ مسیحْ عیسی که خِدا طرفی کا اَمَه را حِکمت بییَه، یعنی صالحی، قدّوسیت و آزادی.

اوّلین نامَه قورَنتیانیرا 7:2

امّا اَ بی‌عفتیون وسوسه واسی که اِستَه، هَر مِردی بَسی اِشتَن ژِنی بِدارِه، و هَر ژِنی اِشتَن شو.

دوومین نامه قرنتیانیرا 12:21

و اِمی کا تَرسِم که وختی هَنی بام شِمَه وَر، چِمِن خِدا شِمَه پیشی کا مِن فروتن بِکَرِه و از مجبور بِبوم بَعضیون واسی که قبلا گناه کَردَشونه و اِشتَن ناپاکی، و بی عفتی و عیاشی کا توبه کَردَه نیشونه، عزاداری بِکَرِم.

نامه غلاطیَه کلیسارا 5:19

حِسَه جِسمی اَعمالِن معلومَی نه: بی‌عفتی، ناپاکی، و هَرزَگی؛

نامَه اَفسوسی کلیسارا 5:17

بَس نادون مَبییَه، بَلکَم بِفهمَه که خِداوندی اِراده چَه.

نامَه اَفسوسی کلیسارا 6:6

و اِم نی، نِه فقط اَ وختی که کارا شِمَه دَیِسِن، اَ کسونی شیوار که چِمی دومله اینه که آدَمی راضی آکَرِن، بَلکَم مسیح نوکرون شیوار که خِدا اِراده جان و دیلی نَه اَنجام بِدییَه.

نامَه کُولُسی کلیسا را 1:9

اِمی واسی، اَمَه نی اَ روزی نَه که اِمی دَرَسِمونه، شِمَه را دعا کَردِه کا دَس نِپِگتَمونه، بَلکَم هَمیشه خِدا کا پیستِمونَه تا چَیی اِرادَه آزونستِه نَه، هَر حِکمت و روحانی یَه فهمی کا پور بِبییَه؛

نامَه کُولُسی کلیسا را 3:5

بَس، هَر چیی که شِمَه وجودی کا زَمینی یَه، بِکِشَه، یعنی بی‌عفتی، ناپاکی، هَواهَوس، بَدَه پیستَه اون و طمع که هَ بُت‌پرستی یَه.

نامَه کُولُسی کلیسا را 4:12

اِپافْراس که ایلَه شِمَه کا و مسیحْ عیسی خادِمَه، شِمَه را سلام آرِساوونِه. اَ خِدا کا پیستِشَه که شِمَه یالَ آدَمون و خاطر جمعون شیوار پابَرجابومونه، و خِدا اِرادَه کاملا اِطاعت بِکَرَه.

اوّلین نامَه تَسالونیکی کلیسا را 4:2

چوم شِمَه بَزنیرون که عیسایِ خِداوندی واسطه نَه، چِه حُکمونی شِمَه را آدوعَمونه.

اوّلین نامَه تَسالونیکی کلیسا را 4:4

تا شِمَه کا هَر کَمیله بِزونَه که چِنتَه اِشتَن بَدَنی مقدّس بییِه و عزّتی کا غَم بَرِه،

اوّلین نامَه تَسالونیکی کلیسا را 5:18

هَر وضعیتی کا شُکر بِکَرَه، چوم خِدا پیستَه شِمَه را، مسیحْ عیسی کا، اِمَه.

اوّلین نامَه تَسالونیکی کلیسا را 5:23

حِسَه، خِدای صُلح و سلامتی، اِشتَن شِمَه تمام کمال تقدیس بِکَرِه، و شِمَه روح و جان و بَدَن تا چَمَه خِداوند عیسایِ مسیح اومِه موقع، بی‌عیب بومونِه.

دوّمین نامَه تَسالونیکی کلیسا را 2:13

امّا اِی بِرااِنی که خِدا را عزیز گِرامی ایرونه، اَمَه بَسی همیشه خِدا شِمَه واسی شُکر بِکَرَم، چوم خِدا شِمَه نوبری شیوار اِنتخاب کَردِشه که نجات پیدا بِکَرَه، اَ تقدیسی واسطه نَه که خِدا روح نَه اَنجام بَبی و حقیقتی ایمان داشتِه نَه.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه، عِبرانیه نَتاجَه مسیحیونرا 10:36

چوم که شِمَه اِحتیاج دارَه تاو بواَرَه، تا اَ موقع که خِدا پیستَه اَنجام بِدییَه، اَ چیی که وعده دوعَه بَه، بِه دَس بواَرَه.

نامَه، عِبرانیه نَتاجَه مسیحیونرا 12:16

تا هیچ کس عیسو شیوار بی عفت و نامقدس مَبو، اَ که ایی کاسه‌ آشی را، اِشتَن اوّلین خِردَن بییِه حقی خِرَتِشه.

نامَه، عِبرانیه نَتاجَه مسیحیونرا 13:21

هَ خِدا شِمَه هَر چاکَه چیی نَه مجهز بِکَرِه تا چَیی اِراده اَنجام بِدییَه. تا اَ چیی نَه که خِدا راضی آکَرِه، عیسایِ مسیح واسطه نَه چَمَه دیلَه کا بِه کار بِگِرِه، هَ عیسایِ مسیح که تا اَبَد و تا اَبَد جلال اَیی نَه بِبو. آمین.

نامَه، عِبرانیه نَتاجَه مسیحیونرا 13:4

بِدارَه اِزدواج گِردی دیلَه کا اِحترام بِدارِه و ژِن و شو رابطه پاک بِبو، چوم خِدا زناکارون و بی عفتون داوری بَکَردی.

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 4:2

و باقی عُمری جِسمی کا، نِه آدَمی هَواهَوسی نَه، بَلکَم خِدا اراده کا زندگی بَکَردی.

یوحنا اوّلین نامَه 2:17

دنیا و چَیی هوا هَوَسِن دَوییَرِن، امّا اَ کسی که خِدا اِراده اَنجام بَدای، تا اَبَد باقی بَمَندی.

یوحنا موکاشیفَه 21:8

ولی تَرسو اِن و بی ایمانِن و فاسِدِن و آدَمکِشِن و زِنا کارِن و جادوگرِن و بُت‌پرستِن و گِردِ دروعَه واجِن، چَوون گِردی سهم، دریاچه ای بَبی که گوگِرد و آتشی نَه وَش گِتَشه. اِم دوّمین مَرگَه.»

یوحنا موکاشیفَه 22:15

اِسبَه اِن و جادوگرِن و زنا کارِن و آدَمکِشِن و بُت‌پرستِن و گِردِ کسونی که دوروع نَه خِشی نَه و اَیی انجام بَداین، شهری بِرونی کا بَمَندین.