اوّلین نامَه تَسالونیکی کلیسا را 3:3 - کتاب مقدس به زبان تالشی شمالی

³ تا هیچ‌کس اِم سختیون واسی سُست آمَبو، چوم شِمَه اِشتَن چاک بَزنیرون که اَمَه اِمی واسی تعیین بَیمونَه.

کتاب مقدس به زبان تالشي - گویش مرکزی

³ تا هیچ کِرَمی شمَکا اِم سختیون خونه سِست آنِبو، چون کن شمَه چاک بَموستیرون کن اَمه هِمیرا تَیین بَه ایمون.

اوّلین نامَه تَسالونیکی کلیسا را 3:3 Iomraidhean Croise

انجیل لوقا 21:12

امّا گِردِ اِم چییون اِتِفاق دَلَکِه پیش، شِمَه دَستگیر بَکَردین و اَذیت آزار بَکَردین. شِمَه عبادتگاه اون و زندانون تحویل بَداین. و چِمِن نومی واسی، شِمَه بَبَردین پاُتشا اون و فَرماندارون وَر.

یوحنا 16:2

شِمَه عبادتگاه اون کا بَرکَرِن. حقیقتن موقعی آرَستِه که هَر کی شِمَه بِکِشه، خَیال بَکَردی که خِدا خدمت کَردَشه.

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

رَسولون اَعمال 14:22

اَ شَهرون کا شاگِردون جانی قوّت دوشونَه، و اَوون تَشویق کَردِشونَه که اِشتَن ایمانی کا بومونِن و اَوون نصیحت کَردِشونَه که: «بَسی بَرکَ سختیون تاو بواَرَم تا خِدا پاُتشایی دیلَه دَشییَم.»

رَسولون اَعمال 2:25

هَتَه که داوود پاُتشا عیسی درباره بَواتی که: «”همیشه خِداوندی چِمِن، چِمی پیشی کا ویندَمَه، چوم اَ چِمِن راستَ دَسی کا یَه تا مَلَرزِم.

رَسولون اَعمال 21:11

اَ اومَه چَمه وَر و پولسی کَمَردَوِندی ویگِتِشه، اِشتَن دَسون و پا اون اَیی نَه دَوَستِشه و واتِشه: «روح القدس بَواتی: ”اورشلیمی یهودییِن، اِم کَمَردَوِندی صاحابی اِنتَه دَوِندِن و اَیی آدَن غیریهودیون دَس.“‌»

رَسولون اَعمال 21:13

امّا پولس جَواو دوشَه: «اِم چِه کاری یَه که بَکَردیرون؟ چیرا شِمَه داد کَردِه نَه چِمِن دیلی چاکِنَه؟ اَز حاضِریمه عیسایِ خِداوندی نومی واسی، نِه فقط بِشوم رومی زندان، بَلکَم اورشلیمی کا نی بِمِرِم.»

رَسولون اَعمال 9:16

چوم که اَز بَیی نیشون بَدایم که چِمِن نومی واسی چِه عذابی بَسی بِکَشه.»

رومی کلیسارا نامه 5:3

نِه فقط اِم، بَلکَم سختییون کا نی شادی بَکَردیمون، چوم بَزنیمون که اِم سختی اِن صبر بِه بار بواَردین

اوّلین نامَه قورَنتیانیرا 15:58

بَس، چِمِن عَزیزَه بِرااِن، پابَرجا و بَرقرار بِبییَه، همیشه خِداوندی کاری وِرتَر و وِرتَر اَنجام بِدییَه، چوم که بَزنیرون خِداوندی کا شِمَه زحمت کَشِه اَلَکی نییَه.

اوّلین نامَه قورَنتیانیرا 4:9

چوم که از فیکر بَکَردیم خِدا، اَمَه، رسولون گِردی آخِری کا بِه تماشا نوعَشه. کسونی شیوار که مرگی را محکوم بَیینه؛ چوم که اَمَه دنیا، آدَمون و ملائیکه اون را تماشاخانه بَییمونه.

نامَه اَفسوسی کلیسارا 3:13

بَس شِمَه کا خواهیشت بَکَردیم، اَ رَنجونی واسی که شِمَه را کارا کَشِم، دیلسَرد مَبییه، چوم که اَوِن شِمَه اِفتخاری باعیثی نه.

نامَه فیلیپی کلیسا را 1:28

و هیچ چی کا کَسونی کا که شِمَه ضِد اینه تَرسی نیرونَه. اِم چَوون را ایلَه آشکارَه نیشونه ای یَه هَلاکَتی را، امّا شِمَه را نجاتی نیشونه، و اِم خِداکا یَه.

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.

اوّلین نامَه تَسالونیکی کلیسا را 5:9

چوم خِدا اَمَه غَضَبی را تعیین نِکَردِشَه، بَلکَم نِجاتی بِه دَس وَردِه را، چَمَه خِداوند عیسایِ مسیح واسطه نَه، تعیین کَردِشه.

دوّمین نامَه تَسالونیکی کلیسا را 1:4

اِمی واسی، اَمَه اِشتَن خِدا کلیسااون کا شِمَه را اِفتخار بَکَردیمون، شِمَه پایداری و ایمانی واسی، که تمون اَذیت آزارون و عذابون کا تاو وَردِرونه.

دِوُّمین نامَه تیموتائوسیرا 1:8

بَس، اِمی واسی که چَمَه خِداوندی را شهادتی بِدَی یا از که چَیی واسی زِندانی کا دَلَکیمَه، عار مَدا، بَلکم تِه نی خِدا قوّتی نَه اِنجیلی واسی عذاب کَشِه کا شریک بِبَش.

پطروسی اوّلین نامَه 2:21

چوم، شمه اِمی واسی دَعوت بَییرونه، چوم مسیح نی شِمَه را عذاب کَشِشَه و ایلَه سَرمشقی شِمَه را نوشَه تا هَ رایی که اَ شَه شِمَه نی بِشییَه .

یوحنا موکاشیفَه 2:10

اَ عذابونی کا که هِم زودیون کَشی، مَتَرس. دَیِس، هِم زودیون اِبلیس شِمَه کا بعضیون زندانی کا دَرَفَنِه تا آزمایش بِبییَه و دَه روز عذاب بِکَشَه. تِه تا مرگ وفادار بومون،که از زِندگی تاجی آدَم بَه تِن.

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.