اوّلین نامَه تَسالونیکی کلیسا را 2:4 - کتاب مقدس به زبان تالشی شمالی

⁴ بَلکَم هَتَه که خِدا اَمَه تصدیق کَردِشه تا اِنجیلی کاری اَنجام بِدییَم، بَس چَمَه گف ژَندِه، آدَمون راضی آکَردِه واسی نییَه، بَلکَم خِدا راضی آکَردِه واسی یَه، که چَمَه دیلون آزمایش بَکَردی.

کتاب مقدس به زبان تالشي - گویش مرکزی

⁴ بَسکم هَتَه کن خدا اَمَش تَایید کردِشَه تا اِنجیلی کاری اَنجوم بدَرَم، پس چَمه گَف ژِ آدَمون راضی دَروَردِرا نییَه، بَسکَم خدا راضی آکردِرا اَ، کن چَمه دِلون وَرداورد بَکی.

اوّلین نامَه تَسالونیکی کلیسا را 2:4 Iomraidhean Croise

انجیل لوقا 12:42

عیسایِ خِداوند واتِشه: «بس اَ وَفادار و عقلمندَه مِتِر کییَه که چَیی اَرباب اَیی اِشتَن کَ نوکَرون سَرپرست بِکَرِه تا چَوون غذا سهمی موقع نَه اَوون آدَه؟

انجیل لوقا 16:11

بَس اَگم شِمَه اِم فاسدَه دنیا مالی کا امّانتدار مَبییَه، کی اَ حَقیقی یَه ثِروَتی دَسپارِه شِمَه؟

یوحنا 21:17

سوّمین کَرَه عیسی، شمعون پطرسی نَه واتِشه: «اِی شمعون، یوحنا زوعَه، مِنَه خِشیش؟» پطرس اِمی واسی که عیسی سِه کَرَه اَیی کا دَفَرسِشه، «مِنَه خِشیش؟» ناراحت آبَه و واتِشه: «آقا، تِه گِردِ چییون کا خَوَرِر هِستَه؛ تِه بَزنیش که تِنَه خِشیمَه.» عیسی واتِشه: «چِمِن گوسَندون خوراک بِدَه.

رومی کلیسارا نامه 8:27

و اَ که دیلون دیلَه بَگردِستی، روح فیکری بَزنی، چوم که روح، مطابق خِدا پیستَه، مقدّسون را شفاعت بَکَردی.

اوّلین نامَه قورَنتیانیرا 7:25

و امّا اَذَبون درباره، خِداوندی کا حُکمی نیمَه؛ ولی کسی جایگاه کا که خِداوندی رَحمتی واسطه نَه مورد اِعتمادَه، چِمِن گفی ژَنِم.

اوّلین نامَه قورَنتیانیرا 9:17

چوم اَگم چِمِن مِیلی نَه اِم کاری اَنجام بَدایم، چِمِن پاداشی ویگِرِم؛ ولی اَگم چِمِن مِیلی نَه مَبو، فقط چِمِن وظیفه اَنجام بَدایم.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

دوومین نامه قرنتیانیرا 5:11

بَس چوم خِداوندی تَرسی معنی بَزنیمون، مردمی قانع بَکَردیمون. ولی اَ چیی که اِستیمونَه خِدا را آشکارَه و اُمیدوارمَه شِمَه وجدانی را نی آشکار بِبو.

دوومین نامه قرنتیانیرا 5:16

بَس، چِمی پَش دِ اَمَه آدَمون هیچکسی مطابق جِسم آنِزونَم. هَر چَن پیشتری جِسمی مطابق مسیح آزونیمون، حِسَه دِ اِنتَه نییَه.

نامه غلاطیَه کلیسارا 1:10

یعنی حِسَه از مردمی تائیدی دومله کاایمَه یا خِدا تائید؟ یا تَقَّلا بَکَردیم که مردمی راضی آکَرِم؟ اَگم هِنتَه مردمی راضی آکَردِه دومله کا بیمَه، مَسیح خادم نِبیم.

نامه غلاطیَه کلیسارا 2:7

بَلکَم بَر عکس، اَوِن زونِستشونَه که اِنجیلی خوشَ خَوری اِعلام کَردِه، غیریهودیون را بَه مِن دَسپاردَه بییَه بَه، هَتَه که اِنجیلی خوشَ خَوری اِعلام کَردِه یهودیون را دسپاردَه بییَه بَه پِطرسی.

نامَه اَفسوسی کلیسارا 3:8

هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

نامَه اَفسوسی کلیسارا 6:6

و اِم نی، نِه فقط اَ وختی که کارا شِمَه دَیِسِن، اَ کسونی شیوار که چِمی دومله اینه که آدَمی راضی آکَرِن، بَلکَم مسیح نوکرون شیوار که خِدا اِراده جان و دیلی نَه اَنجام بِدییَه.

نامَه کُولُسی کلیسا را 3:22

اِی نوکَرِن، هَر چیی کا شِمَه زمینی یَه اَربابون کا اِطاعَت بِکَرَه، نِه فقط اَ موقع که شِمَه دَیِسِن، اَ آدَمونی شیوار که چِمی دومله اینه که مردمی راضی آکَرِن، بَلکَم پاکَه دیلی نَه و خِداوندی تَرسی نَه.

اوّلین نامَه تیموتائوسیرا 6:20

اِی تیموتائوس، اَ، اَمانتی که بَه تِن دَسپَرده بییَه، حِفظ بِکَه. مِفتَه گفون کا و مخالف فیکرونی کا که اِشتباهی معرفت بَواتین، دوری بِکَه؛

دِوُّمین نامَه تیموتائوسیرا 1:14

روح القدسی واسطه نَه که چَمَه دیلَه کا یَه، اَ چاکَه اَمانتی کا که بَه تِن دَسپارده بییَه، محافظت بِکَه.

دِوُّمین نامَه تیموتائوسیرا 2:2

و اَ چیونی که وِرَه شاهِدون حضوری کا بَه مِن کا دَرَسِرَه، دَسپار وفادارَه آدَمون که بَشاین بقیه نی باموجِن.

نامَه تیتوسیرا 1:3

و مناسبَ وختی کا اَ وَعده آشکار آبَه، اَ کلامی نَه که چَیی اِعلام چَمَه نِجات​دهندۀ خِدا حُکمی نَه، بَه مِن دَسپَرده بَه.

نامَه، عِبرانیه نَتاجَه مسیحیونرا 4:13

هیچ چیی خِلقتی کا خِدا چِمون کا نِین نییَه، بَلکَم گِرد چَیی چِمون پیشی کایَه، که اَمَه بَسی اَیی حِساب پَس آدییَم، لُخت و سوخت و آشکارَه.

پطروسی اوّلین نامَه 4:11

هَر کسی که گَف ژَنِه، خِداوندی شیوار گف بِژَنه؛ و هَر کسی که خدمت بَکَردی، اَ قدرتی نَه که خِدا آدوعَشَه خدمت بِکَرِه، تا گِردِ چییون کا، خِدا، عیسایِ مَسیح واسطه نَه جلال بِگِرِه. جلال و سلطنت تا اَبَد و تا اَبَد اَیی نَه بِبو. آمین.

یوحنا موکاشیفَه 2:23

و چَیی خِردَنون نی هلاک بَکَردیم. اَ موقع گِردِ کلیسا اِن بَزنین که از اَ کسی ایمَه که دیلون و فیکرون گَردِم و شِمَه هَر کمیلَه را طبق شِمَه کارون، عَوض آدَم.