اوّلین نامَه تَسالونیکی کلیسا را 2:13 - کتاب مقدس به زبان تالشی شمالی

¹³ اَمَه همیشه اِمی واسی خِدا شُکور بَکَردیمون که اَ موقعی که شِمَه خِدا کلامی قبول کَردِرونه، اِم کلام که اَمَه کا دَرَسِرونه، اَیی نِه اِنسانی کلامی شیوار، بَلکَم خِدا کلامی شیوار قبول کَردِرونه، جوری که حقیقت نی اِستَه، که شِمَه ایماندارون دیلَه کا کار بَکَردی.

کتاب مقدس به زبان تالشي - گویش مرکزی

¹³ اَمه یَژَن خدا شکر بَکمون اَموقه کن شمه خدا کلامی قِبولِرون کردَ، اَی اَمَکا درَستِرون، اَرون نِه هنته اینسانی گَفی شیوار، بَسکم هنته خدا کلامی شیوار قبول کردرون، هته کن حَییقتا هِستَه؛ کن شمَه ایماندارون دلَکا، کار بَکَی.

اوّلین نامَه تَسالونیکی کلیسا را 2:13 Iomraidhean Croise

مَتّی 10:20

چوم شِمَه نیرونَه که گف ژَنَه، بَلكَم شِمَه آسِمونی یَه دَده روح اِستَه كه شِمَه زَوونی نَه گَف ژَنِه.

مَتّی 10:40

«هَر کسی شِمَه قبول بِکَرِه، مِن قبول کَردَشه و کسی که مِن قبول بِکَرِه، اَ کسی که مِن ویسا آکَردَشَه قبول بَکَردی.

انجیل لوقا 11:28

امّا عیسی جواو دوشَه: «خَسَه بِبو اَ کَسونی که خِدا کلامی دَرَسِن و اَیی انجام بَداین.»

انجیل لوقا 5:1

ایی روز که عیسی جِنیسارِتی دریاچه وَری کا مَندَه بَه و مردم هَر طرفی نه بَیی هجوم بواَردین تا خِدا کلامی دَرَسِن،

انجیل لوقا 8:11

«اِم مَثَّلی مَعنی اِمَه: دونه، خِدا کلامَه.

انجیل لوقا 8:21

ولی عیسی جَواو دوشَه: «چِمِن نَنه و بِرا اِن کسوِنی اِستینَه که خِدا کلامی دَرَسِن و اَیی اَنجام بَداین.»

یوحنا 15:3

شِمَه حِسَه اَ کلامی واسی که شِمَه نَه واتَمه، پاکی رونَه.

یوحنا 17:17

اَوون حقیقتی کا تَقدیس بِکَه؛ اِشتِه کلام حقیقتَه.

یوحنا 17:19

اَز اِشتَن چَوون واسی وقف بَکَردیم، تا اَوِن نی اِشتَن حقیقتی کا وقف بِبون.

رَسولون اَعمال 10:33

بَس اَلبَحَل اِشتِه دومله وَیسا آکَردِمَه و تِه نی لطف کَردِرِه و اومیشه. حِسَه گِردِ اَمَه خِدا پیشی کا حاضِریمونَه تا هَر چِه خِداوند بَه تِن دستور دوعَشَه، دَرَسَم.»

رَسولون اَعمال 13:48

وختی غِیریهودیِن اِمی دَرَسِشونَه، شاد آبینَه و خِداوندی کلامی حُرمت کَردِشونَه؛ و کسونی که اَبَدی یَه زندگی را مُقَدر بَه بینَه، ایمان وَردِشونَه.

رَسولون اَعمال 16:14

چَوون دیلَه کا ایلَه ژِنی خِداپرست، تیاتیرا شهری کا اِستبَه که چَمَه گفون گوش بَدای. چَیی نوم لیدیَه بَه و اَرغوانَ پارچه اون فروشنده بَه که وِر گِرون بینَه. خِداوند چَیی دیلی آکَردِشه تا پولسی پَیغومی گوش بِدَه.

رَسولون اَعمال 17:11

اِم یهودییِن اَ یَهودیونی کا که تَسالونیکی شهری کا بینَه، نَجیبتَر بینَه، اَوِن شور و شوقی نَه پیغومی قَبول کَردِشونَه و هَر روز مقدّس نیویشته اون خونین تا بِوینِن که پولس و سیلاسی گف خِدا کلامی شیوارَه یا نِه.

رَسولون اَعمال 17:32

وختی اَوِن مَردَه اون زِندَه آبییِه درباره دَرَسِشونَه، بعضی ریشخند ژَندِشونَه، امّا بَقیه واتِشونَه: «اَمَه پیستِمونَه اِم چییون درباره، هَنی تِه کا دَرَسَم.»

رَسولون اَعمال 2:41

بَس کسونی که پطرسی پیغومی قبول کَردِشونَه، غسل تعمید گِتِشونَه. هَ روزی کا تَقریبا سِه هَزار نفر اَوون مُلحَق بینَه.

رَسولون اَعمال 8:14

وختی رسولِن اورشلیمی کا خَوَردار بینَه که سامِرَه اَهالی خِدا کلامی قبول کَردَشونَه، پطرس و یوحنا ویسا آکَردِشونَه چَوون وَر.

رومی کلیسارا نامه 10:17

بَس ایمان پَیغومی دَرَسِه کا بومَی و پَیغومی دَرَسِه، مسیح کلامی واسطه نَه بومَی.

دوومین نامه قرنتیانیرا 3:18

و گِردِ اَمَه که بی نِقابَ دیمی نَه، خِداوندی جَلالی، ایلَه آواینه شیوار دَیِسَم، هَ شِکلی شیوار، جلالی کا بِه ایلَه جلالی که وِرتَرَه عوض آبییَم؛ و اِم خِداوندی کا شروع بَبی که، روح اِستَه.

نامه غلاطیَه کلیسارا 4:14

امّا هَر چَن چِمِن وضع و اوضاع، شِمَه را ایلَه آزمایشی بَه، امّا مِن بی حُرمت یا روک نِکَردِرونه. بَلکَم مِن خِدا ملائیکه شیوار قبول کَردِرونه اِنگاری که مسیح عیسی قبول کَردِرونه.

نامَه کُولُسی کلیسا را 1:6

اِنجیلی که شِمَه آرَستَه، هَتَه که دنیا سَرتاسَری کا نی آرَستَه، ثَمره بَدای و وِر آبو، هَتَه که شِمَه دیلَه کا نی، اَ روزی نَه که اَیی دَرَسِرونه و خِدا فیضی حقیقتی کا فَهمِستَرونه، کار کَردَشَه.

نامَه، عِبرانیه نَتاجَه مسیحیونرا 4:12

چوم خِدا کلام، زِنده یَه و کار بَکَردی، و هَر دِ دَمَه شَمشیری کا تیجتَرَه، و جوری دَوِرِه که نفس و روح، و مَفصلون و مَزگ و اَستَه نی جِدا آکَرِه، و دیلی نیّتون و فیکرون تشخیص بَدای.

نامَه، عِبرانیه نَتاجَه مسیحیونرا 4:2

چوم بَمون را نی چَوون شیوار خوشَ خَوَر آرَستَه. امّا پِیغومی که اَوِن دَرَسِشونَه، چَوون را منفعتیشی نِبَه، چوم وختی که اَیی دَرَسِشونَه ایمانی نَه گوش نِدوشونَه.

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

پطروسی اوّلین نامَه 1:23

چوم شِمَه هَنی از نو دُنیا اومَیرونه نِه اَ تُخمی نَه که از بِین بَشی بَلکم اَ تُخمی نَه که از بِین نِشو، یعنی خِدا کلامی واسطه نَه که زِنده یَه و تا اَبَد باقی بَمَندی.

پطروسی اوّلین نامَه 1:25

امّا خِداوندی کلام تا اَبَد بَمَندی.» و اِم کلام، اَ خوشَ خَوری یَه که شِمَه را اِعلام بَه.

پطروسی اوّلین نامَه 2:2

و تَرَه خِردَنون شیوار، پاکَه روحانی یَه شِتی ذوقی بِدارَه تا چَیی واسطه نَه شِمَه نجاتی کا رُشد بِکَرَه،

پطروسی دومین نامه 3:2

تا اَ کلامی که مقدّس پِیغمبرِن پیشتَری واتَشون بَه و خِداوند و چَمَه نجات‌دهندۀ حُکمی که رسولون واسطه نَه شِمَه آدوشَه، ویر بواَرَه.

یوحنا اوّلین نامَه 3:3

هَر کسی که اَیی، اِنتَه رَه امیدی اِستِشَه، اِشتَن پاک بَکَردی، هَتَه که اَ پاک اِستَه.