اوّلین نامَه تَسالونیکی کلیسا را 1:8 - کتاب مقدس به زبان تالشی شمالی

⁸ چوم که نِه فقط خِداوندی کلام شِمَه واسطه نَه مقدونیه و اَخائیه منطقه اون کا دَپیچِستشه، بَلکَم شِمَه ایمان بِه خِدا، زَوونون سَر دَلَکه، جوری که دِ لازِم نییَه اَمَه چیی بوآجَم.

کتاب مقدس به زبان تالشي - گویش مرکزی

⁸ اِمی خونه کن شمه واسیطَنه خداوندی کلام تاکَه مقدونیَه و اَخائیَه کا نَژَنینَه، بَسکم گِرد جگااونکا شمه ایمانیکا کن خدارا دارَ، گَه بَه گَه بَبی، اَنه کن دِ لازم نییَه اَمه چیی ایی بواجم.

اوّلین نامَه تَسالونیکی کلیسا را 1:8 Iomraidhean Croise

رَسولون اَعمال 18:12

امّا اَ موقع که گالیو، اَخائیه ولایتی حاکم بَه، یَهودییِن هَمدَس بینَه، ویبینَه پولسی سَر اَیی وَردِشونَه مَحکمه را.

رومی کلیسارا نامه 1:8

اَولاً که، چِمِن خِدا، عیسایِ مسیح واسطه نَه، شِمَه گِردِی واسی شُکر بَکَردیم، چوم که شِمَه ایمانی خَوَر گِردِ دنیا کا چُو دَلَکه.

رومی کلیسارا نامه 15:26

چوم مقدونیه و اَخائیه کلیسااِن پیستِشونَه که اورشلیمی فقیرَه مقدسون را کمک مالی جَمع آکَرِن.

رومی کلیسارا نامه 16:19

شِمَه اِطاعت کَردِه گف گِردی دیلَه کا چُو دَلَکَه؛ و شِمَه واسی وِر ذوق بَکَردیم. امّا شِمَه کا پیستِمَه که، اَ چیی پیشی کا که چاکَه، دانا، و اَ چیی پیشی کا بَدَه، سادَه بِبییَه.

اوّلین نامَه قورَنتیانیرا 14:36

مَگم خِدا کلام شِمَه کا اومَه؟ یا فقط بِه شِمَه آرَستَه؟

دوومین نامه قرنتیانیرا 2:14

امّا خِدا را شُکر که، همیشه مسیح کا، اَ اِشتَن پیروزی کا اَمَه راهنمایی بَکَردی و چَیی دانای یَه عطری چَمَه واسطه نَه گِردِ جِگاکا پخش آکَرِه.

دوومین نامه قرنتیانیرا 3:4

مسیح واسی یَه که اَمَه اِنتَه رَه اِطمینانی خِدا حضوری کا هِستِمونَه.

نامَه کُولُسی کلیسا را 3:16

مَسیح کلام، فَت و فراوون شِمَه دیلَه کا بومونِه؛ تَمون حِکمتی نَه یَندی پَند و تعلیم بِدییَه، مزامیر، سرودون و آوازونی نَه که خِدا روح کا یَه، شُکرکَردِه نَه و صِدق دیلی نَه خِدا را بوخونَه.

دوّمین نامَه تَسالونیکی کلیسا را 1:4

اِمی واسی، اَمَه اِشتَن خِدا کلیسااون کا شِمَه را اِفتخار بَکَردیمون، شِمَه پایداری و ایمانی واسی، که تمون اَذیت آزارون و عذابون کا تاو وَردِرونه.

دوّمین نامَه تَسالونیکی کلیسا را 3:1

آخِرسَر، اِی بِرااِن، اَمَه را دعا بِکَرَه تا خِداوندی کلام تُند پیش بِشو و چَیی اِحترامی غَم بَرَه، هَتَه که شِمَه دیلَه کا هِنتَه بَه،

اوّلین نامَه تیموتائوسیرا 2:8

بَس چِمِن آرزو اِمَه که مِردَکِن گِردِ جِگا کا، دعا بِکَرِن و مقدّس دَسون بی خَشم و دعوا مُرافه راست آکَرِن؛

دِوُّمین نامَه تیموتائوسیرا 2:9

چِمی واسی یَه که ایلَه جِنایتکاری شیوار زنجیری کا ایمَه و کارا عذاب کَشِم، امّا خِدا کلام زنجیری کا نییَه.

یوحنا سوّمین نامَه 1:12

گِرد دیمیتریوسی درباره چاک شهادتی بَداین، حتی حقیقت اِشتَن. اَمَه نی اِنتَه شهادتی بَدایمون و بَزنیش که چَمَه شهادتی راستَه.

یوحنا موکاشیفَه 14:6

دومله ایلَه دییَر ملائیکه ای ویندِمَه که آسمونی کا پرواز بَکَردی و اَبَدی یَه اِنجیلی اِشتَن همراه داری تا اَیی کسونی را که زمینی سَری کا اینَه، و هَر ملّت و طایفه و زَوون و قومی را اِعلام بِکَرِه.

یوحنا موکاشیفَه 22:17

خِدا روح و وَیو بَواتین: «بِری!» هَر کسی که اِمی دَرَسِه بوآجِه: «بِری!» هَر کسی که تِشی یَه با؛ و هَر کسی که پیستِشَه زندگی بَخشَ آوی کا مِفتَه ویگِرِه.