اوّلین نامَه تَسالونیکی کلیسا را 1:5 - کتاب مقدس به زبان تالشی شمالی

⁵ چوم که چَمَه اِنجیل فقط گفی نَه آنِرَسته بِه شِمَه، بَلکَم قوّتی نَه و روح القدسی نَه و کاملَ اِطمینانی نَه آرَستَه بِه شِمَه؛ هَتَه که بَزنیرون شِمَه واسی چِنتَه شِمَه دیلَه کا رفتار کَردِمونه.

کتاب مقدس به زبان تالشي - گویش مرکزی

⁵ اِمی خونه کن چَمَه اِنجیل تاکَه گَفینَه نِه، بَسکم زبقینَه و خدا موقدسَه روح نَه و کامیله ایطمینانینَه بَشِمَه آرَستَه، هته کن چاک بموستیرون شمه خونه چنترَ شمه دلَکا رفتار کردِمون.

اوّلین نامَه تَسالونیکی کلیسا را 1:5 Iomraidhean Croise

مَرقُس 16:20

شاگِردِن نی شینَه بِرون، گِرد جِگا کا تعلیم بَداین. خِداوند چَوون همراه کار بَکَردی و علامت و معجزه اونی نَه که شاگِردِن بَکَردین، چَوون پَیغومی تصدیق بَکَردی.

انجیل لوقا 1:1

تِئوفیلوس خان، دا حِسَه وِر اَوَنِویسِن چییونی که چَمَه دیلَه کا اِتِفاق دَلَکه

رَسولون اَعمال 11:21

خِداوندی دَس نی اَوون نَه بَه و وِر کَسِن نی ایمان وَردِشونَه و خِداوندی مُلحق بینَه.

رَسولون اَعمال 16:14

چَوون دیلَه کا ایلَه ژِنی خِداپرست، تیاتیرا شهری کا اِستبَه که چَمَه گفون گوش بَدای. چَیی نوم لیدیَه بَه و اَرغوانَ پارچه اون فروشنده بَه که وِر گِرون بینَه. خِداوند چَیی دیلی آکَردِشه تا پولسی پَیغومی گوش بِدَه.

رَسولون اَعمال 2:33

عیسی بَردَه بَه کَفا خِدا راستَ دَسی را و آسِمونی یَه دَده کا، روح‌ القدسِ موعودی ویگِتِشه و ویکَردِشه چَمَه سَری کا، اِمی که حِسَه بَویندیرون و دَرَسَه.

رومی کلیسارا نامه 1:16

چوم از اِنجیلی کا عار نِدارِم، چیرا که اِنجیل خِدا قوّتَه، هَر کسی نجاتی را که ایمان بواَرِه، اوّل یَهود و دومله غِیریَهود.

رومی کلیسارا نامه 15:13

بِبو، خِدایی که اُمید بَدای، شِمَه شادی و صُلح و سلامتی کاملی نَه که ایمانی کایَه، پُور آکَرِه، جوری که روح القدسی قدرتی نَه، اُمیدی کا لِبالِب پُور بِبییَه.

رومی کلیسارا نامه 2:16

اِم، اَ روزی کا اِتِفاق دَلکِه که خِدا بینا‌ بَر اَ اِنجیلی که اَز اِعلام بَکَردیم، اِنسانون سِرّون، مسیح عیسی واسطه نَه داوری بِکَرِه.

اوّلین نامَه قورَنتیانیرا 1:24

امّا دعوت بییَه اون را، چِه یهودی و چِه یونانی، مسیحْ، خِدا قدرت و خِدا حکمتَه.

اوّلین نامَه قورَنتیانیرا 10:33

هَتَه که از تَقَّلا بَکَردیم تا گِردی هَر کاری دیلَه کا که بَکَردیم راضی آکَرِم. چوم که چِمِن مَنفعتی دومله نیمَه، بَلکَم وِر کَسون مَنفعتی دومله کا ایمَه، تا نِجات پیدا بِکَرِن.

اوّلین نامَه قورَنتیانیرا 3:16

مَگم نیمَزنه که شِمَه خِدا مَعبدیرونه و خِدا روح شِمَه دیلَه کا مَندَه؟

اوّلین نامَه قورَنتیانیرا 3:6

از دونه کاشتِمَه و آپولُس اَیی آو دوشَه، امّا خِدا بَه که اَیی سَوز آکَردِشه.

اوّلین نامَه قورَنتیانیرا 4:20

چوم خِدا پاُتشایی، گفی نَه، نییَه بَلکَم قدرتی کایَه.

اوّلین نامَه قورَنتیانیرا 9:14

اِنتَه نی، خِداوند حُکم کَردَشَه کسونی که اِنجیلی اِعلام بَکَردین، بَسی اِشتَن روزی، اِنجیلی کا بِه دَس بواَرِن.

دوومین نامه قرنتیانیرا 3:6

خِدا بَه که اَمَه لیاقت آدوشَه تا تازَه عهدی خِدمتکارون بِبییَم- عَهدی که خِدا روح سَری کا پابَرجایَه، نِه اَ چیی سَری کا که فقط ایلَه نِیوشتَیَه. چوم ’نیوشتَه‘ بَکِشتی، امّا خِدا روحْ، زِندگی بَبَخشِستی.

نامه غلاطیَه کلیسارا 2:2

از ایلَه مکاشفه واسی بَه که شیمَه. و اِنجیلی که غیریهودیون دیلَه کا موعظه بَکَردیم اَوون نه در میون نومَه؛ البته خَلوَتَکی، و فقط کسونی را واتِمَه که چِمِن نظر با نفوذ بینَه، چوم نگران بیمَه که نَبادا بیخودی بیوریجِم.

نامه غلاطیَه کلیسارا 5:5

چوم که اَمَه خِدا روح واسطه نَه، ایمانی نَه، اَ صالِحی مُنتظریمونه که چَمَه اُمیدَه.

نامَه اَفسوسی کلیسارا 2:10

چوم اَمَه خِدا دَسی کاریمونه، و مسیحْ عیسی کا خلق بَیمونه تا چاکَه کارون اَنجام بِدییَم، اَ کارونی که خِدا پیشتَری کا آمادَه آکَردِشه تا چَوون دیلَه کا قدم پِگِرَم.

نامَه اَفسوسی کلیسارا 3:20

حِسَه، جلال بَر خِدایی بِبو که بَشای اَ قدرتی واسطه نَه که چَمَه دیلَه کا کار بَکَردی، بَرک وِرتَر اَ چیی کا که اَمَه خَیال بَکَردیمون یا بِپییَم، عمل بِکَردی،

نامَه فیلیپی کلیسا را 2:13

چوم خِدایَه که شِمَه دیلَه کا اِشتَن خشنودی را کار بَکَردی، هَم اِراده کا هَم عَملکردی کا.

نامَه فیلیپی کلیسا را 4:9

اَ چیی که بَه مِن کا آموتَه رونَه و بِه دَس وَردَرونَه، دَرَسَرونَه و بَه مِن کا ویندَرونَه، هَیی اَنجام بِدییَه، که خدا صُلح و سلامتی شِمَه نَه بَمَندی.

نامَه کُولُسی کلیسا را 2:2

تا دیلگرم بِبون، و هَتَه که مُحبتی کا یَندی نَه متحدی نَه و اَ کاملَ اِطمینان و بی حد و اندازه پُوری کا، که فهمی کا بِه دَس بومَی بهره بِبَرَه و هِم راه کا، خِدا سِرّی، یعنی مَسیح آزونِن،

اوّلین نامَه تَسالونیکی کلیسا را 2:13

اَمَه همیشه اِمی واسی خِدا شُکور بَکَردیمون که اَ موقعی که شِمَه خِدا کلامی قبول کَردِرونه، اِم کلام که اَمَه کا دَرَسِرونه، اَیی نِه اِنسانی کلامی شیوار، بَلکَم خِدا کلامی شیوار قبول کَردِرونه، جوری که حقیقت نی اِستَه، که شِمَه ایماندارون دیلَه کا کار بَکَردی.

دوّمین نامَه تَسالونیکی کلیسا را 2:14

اِنتَه بَه که اَ شِمَه، چَمَه اِنجیلی واسطه نَه دعوت کَردِشه، تا چَمَه خِداوند عیسایِ مسیح جلال شِمَه نصیب بِبو.

دِوُّمین نامَه تیموتائوسیرا 2:10

اِمی واسی از گِردِ چییون، اِنتخاب بییَه اون واسی تاو بواَردیم، تا اَوِن نی اَ نجاتی که مسیحْ عیسی کایَه، اَبَدی یَه جلالی نَه بِه دَس بواَرِن.

دِوُّمین نامَه تیموتائوسیرا 2:8

عیسایِ مسیح ویر بوعَه که داوود پاُتشا نسلی کا بَه و مَردَه اون دیلَه کا زندَه آبَه، اِنجیلی که از اِعلام بَکَردیم اِمَه،

نامَه، عِبرانیه نَتاجَه مسیحیونرا 10:22

بایَه صِدق دیلی نَه و کاملَه ایمانی نَه بِه خِدا نِزدیک آبییَم، و چَمَه دیلون بَدَه وِجدانی کا پاک آکَرَم و چَمَه بَدنی پاکَ آوی نَه بوشورَم.

نامَه، عِبرانیه نَتاجَه مسیحیونرا 6:11

چَمَه آرزو اِمَه که هَر‌ کمیله شِمَه کا تا آخِر هَ غیرتی نیشون بِدییَه تا شِمَه اُمید تمام کمال آشکار آبو.

پطروسی اوّلین نامَه 1:12

اَوون را آشکار آبَه که نِه اِشتَن، بَلکَم شِمَه را خدمَت بَکَردین، اَ موقع که اَ چییونی درباره گَف ژَنین که حِسَه اَیی اِنجیلی پیغوم آوَرون کا دَرَسَه. اَوونی کا که روح القدسی واسطه نَه که آسِمونی نَه ویسا آبَه، اَ خوشَ خَوَری شِمَه را بَداین. حتی ملائیکَه اِن نی آرزو دارِن اَ چییون بِوینِن.

پطروسی اوّلین نامَه 1:3

مُتوارک بِبو خِدا و چَمَه خِداوند عیسایِ مَسیح دَده که اِشتَنش بَرک رَحمتی نَه، عیسایِ مَسیح زِندَه آبییِه واسطه نَه مَردَه اون دیلَه کا، ایلَه تازه تولدی اَمَه بَخشِستِشه، زِنده اُمیدی را

پطروسی اوّلین نامَه 5:3

نِه اِمکه اَ کسونی را که شِمَه دَس دَسپارده بَیینَه آقایی بِکَرَه، بَلکَم اَ رَمه را نِمونه بِبییَه،

پطروسی دومین نامه 1:10

بَس اِی بِرااِن، وِرتَر تَقَّلا بِکَرَه تا شِمَه دعوت و اِنتخاب بییِه ثابت بِکَرَه، چوم اَگم اِم صِفَتون بِه کار بِگِرَه هرگز نِبَلَکَه.

پطروسی دومین نامه 1:19

و اَمَه، پِیغَمبرون گفون هِستِمونَه که بَبی اَوون اِطمینان بِکَرَم، که چاکَه شِمَه ویری کا بمونِه، ایلَه چِرایی شیوار که ظُلماتی دیلَه کا دَتاوه تا اَ موقع که صِبی سَر آبو و صِبی سِتاره شِمَه دیلون روشن آکَرِه.