اوّلین نامَه تَسالونیکی کلیسا را 1:10 - کتاب مقدس به زبان تالشی شمالی

¹⁰ و تا آسِمونی کا خِدا زوعَه اومِه منتظر بِبییَه، که خِدا اَیی مَردَه اون دیلَه کا زِنده آکَردِشه، یعنی عیسی، که اَمَه اَ غضبی کا که در پیشَه رهایی بَدای.

کتاب مقدس به زبان تالشي - گویش مرکزی

¹⁰ و تا خدا زوعَه آستامونیکا آمِه اینتیظاریکا ببَه، کن خدا بَی مردَ اونکا زندَ آکَردِشه، یعنی عیسی، کن اَمَش آیَندَ غَضَّبیکا بَرَخامونِستی.

اوّلین نامَه تَسالونیکی کلیسا را 1:10 Iomraidhean Croise

مَتّی 1:21

مریم ایلَه زوعَه ایی دنیا بواَردی و تِه چَیی نومی عیسی پِنَی، چوم اَ اِشتَن قومی چَوون گناه اون کا نجات بَدای.»

مَتّی 16:27

چوم اِنسانی زوعَه، اِشتَن دَده شکوه و جَلالی کا اِشتَن ملائیکه اون نَه بومَی و اَ موقع هَر کسی طبق چَیی اَعمال، عوض بَدای.

مَتّی 16:28

حقیقتن شِمَه نَه بَواتیم، بعضی اِن اییا کا مَندینَه که تا اِنسانی زوعَه مَوینِن که اِشتَن پاُتشایی کا بومَی، نِمِرِن.»

مَتّی 3:7

ولی وختی یحیی ویندِشَه وِر کَسِن، فریسیون فِرقه عُلما و صَدّوقیون فِرقه عُلما کا، کارا بومَین یحیی وَر تا غسل تعمید بِگِرِن، اَوون نَه واتِشه: «اِی اَفعی کِتَه اِن! کی شِمَه هشدار دوعَشَه تا غَضبی کا که کارا بومَی، دَوَزَه؟

انجیل لوقا 2:25

اَ زمانی کا، اورشلیمی شهری کا ایلَه مِردی زندگی بَکَردی که چَیی نوم شمعون بَه. اَ صالِح و خِدا ترس بَه و اَ کسی مُنتظر بَه که قوم اِسرائیلی آزاد آکَرِه. شمعون روح القدسی کا پور بَه.

انجیل لوقا 3:7

یحیی، اَ جماعتی نَه که بومَین چَیی وَر تا غسل تعمید بِگِرِن، بَواتی: «اِی اَفعی کِتَه اِن، کی شِمَه هشدار دوعَشَه تا غَضبی کا که کارا بومَی دَوَزَه؟

رَسولون اَعمال 1:11

و واتِشونَه: «اِی جلیلی یَه مِردَکِن، چیرا اییا کا مَندیرونَه آسِمونی زول ژَندَرونَه؟ هِم عیسی که شِمَه دیلَه کا آسِمونی را کَفا بَردَه بَه، هَنی آگَردِه، هَتَه که ویندِرونَه شَه آسِمونی را.»

رَسولون اَعمال 17:31

چوم اَ، ایی روز تعیین کَردِشه که اَیی کا توسط اَ مِردی که مُعیین کَردَشه، عدالتی نَه دنیا داوری بَکَردی، و چَیی زِنده آکَردِه نَه مَردَه اون دیلَه کا، گِردی اِم ماجرا کا خاطِر جَمع کَردَشه.»

رَسولون اَعمال 2:24

خِدا اَیی مرگی عذابون کا نِجات دوشَه، اَیی زِندَه آکَردِشه، چوم مَحال بَه که مرگ بِشای اَیی اِشتَن چَنگی کا غَم بَری.

رَسولون اَعمال 2:32

خِدا هِم عیسی زِنده آکَردِشه و اَمَه گِرد چَیی شاهِدیمونَه.

رَسولون اَعمال 3:15

شِمَه، اَ کسی که زندگی سرچشمۀ بَه کِشتِرونَه، امّا خِدا اَیی مَردَه اون دیلَه کا زِنده آکَردِشه و اَمَه چَیی شاهِدونی مونَه،

رَسولون اَعمال 3:21

که آسِمون بَسی اَیی قبول بِکَری تا روزونی که گِردِ چییِن طبق اَ چیی که خِدا قَدیمی کا گِردِ اِشتَن مقدّس پیغمبرون زوونی نَه واتَشه، اِتِفاق دَلَکِن.

رَسولون اَعمال 4:10

بَس شِمَه گِرد و یهودی مردم گِرد، بِزونَه که عیسایِ مسیحِ ناصری نومی نَه یَه که اِم مِرد شِمَه پیشی کا سَق و سلامت مَندَه، هَ کسی نومی نَه که شِمَه، صلیبی سَری کا اَیی کِشتِرونَه امّا خِدا اَیی مَردَه اون دیلَه کا زِنده آکَردِشه.

رومی کلیسارا نامه 1:4

و از لحاظ روح قدوسیت، اِشتَن زِنده آبییِه نَه مَردَه اون دیلَه کا، قوتی نَه اِعلام بَه که خِدا زوعَه یَه، یعنی چَمَه خِداوند عیسایِ مسیح.

رومی کلیسارا نامه 2:7

خِدا، اَبَدی یَه زندگی کَسونی آدَه که صبری نَه چاکه کارون اَنجام دوعِه کا، جلال و حُرمت و اَبَدی یَه زندگی دومله اینه؛

رومی کلیسارا نامه 4:25

اَ که چَمَه گناه اون واسی مرگی تسلیم بَه و چَمَه صالِح حساب بییِه واسی، مَردَه اون دیلَه کا زِنده آبَه.

رومی کلیسارا نامه 8:34

کییَه که اَوون محکوم بِکَرِه؟ مسیحْ عیسی که مَردَه، اَیی کا وِرتَر مَردَه اون دیلَه کا نی زِنده آبَه و خِدا راست دَسی کا نِشتَه، اَ اِستَه که راس راسی اَمَه را شفاعت بَکَردی!

اوّلین نامَه قورَنتیانیرا 1:7

هَتَه که شِمَه، چَمَه خِداوند عیسایِ مسیح آگردِستِه مُنتظِریرونه، هیچ هدیه ای کا بی نصیب نیرونه.

نامه غلاطیَه کلیسارا 3:13

چَمَه عَوض مَسیح لعنت بَه و اِنتَه اَمَه شریعتی لعنتی جیری کا آزاد آکَردِشه، چوم توراتی کا نیویشتَه بییَه که: «هَر کسی که دار ژَندَه بِبو مَلعونَه.»

نامَه فیلیپی کلیسا را 3:20

حِسَه اَمَه آسِمونی شِنیمونه و خِداوند عیسایِ مسیح مُنتظریمونه که ایلَه نجات دَهنده یَه.

نامَه کُولُسی کلیسا را 1:18

اَ بَدنی را سَرَه، یعنی کلیسا را. اَ شروع و اوّلین نفرَه که مَردَه اون دیلَه کا زِنده آبَه، تا گِردِ چییون کا، اَ سَر بِبو.

اوّلین نامَه تَسالونیکی کلیسا را 1:7

اِنتَه شِمَه مقدونیه و اَخائیه گِردِ ایماندارون را سرمشق بیرونَه.

اوّلین نامَه تَسالونیکی کلیسا را 2:16

و نییَرزِن اَمَه غیر یهودیون نَه گف بِژَنَم تا نجات پیدا بِکَرِن- اِنتَه همیشه اِشتَن گناه اون پیمونه لِبآلِب پُور بَکَردین. امّا آخِرسَر خِدا غَضب، چَوون سَر بومَی.

اوّلین نامَه تَسالونیکی کلیسا را 2:7

امّا اَمَه شِمَه نَه ملایم رفتار کَردِمونه، ایلَه نَنه ایی شیوار که اِشتَن خِردَنی تر و خشک بَکَردی.

اوّلین نامَه تَسالونیکی کلیسا را 5:9

چوم خِدا اَمَه غَضَبی را تعیین نِکَردِشَه، بَلکَم نِجاتی بِه دَس وَردِه را، چَمَه خِداوند عیسایِ مسیح واسطه نَه، تعیین کَردِشه.

دِوُّمین نامَه تیموتائوسیرا 4:1

از، خِدا و مسیحْ عیسی پیشی کا که زِنده اون و مَردَه اون داوری بَکَردی، و چَیی اومِه و پاُتشایی واسی، بَه تِن سفارش بَکَردیم که،

نامَه تیتوسیرا 2:13

و چَمَه اَ مِوارکَه اُمیدی مُنتظِر بومونَم، یعنی چَمَه خِدای عظیم و چَمَه نجات دَهنده عیسایِ مسیح جلالی آشکار آبییِه،

نامَه، عِبرانیه نَتاجَه مسیحیونرا 10:27

ولی اَ چیی که باقی بَمَندی، تَرسی نَه منتظر بییِه، مجازات و ایلَه بَرکَ آتشی که خِدا دِشمَنون ویبَره.

نامَه، عِبرانیه نَتاجَه مسیحیونرا 9:28

بَس مسیح نی که ایی کَرَه قِربونی بَه تا وِر کسون گناه اون از بِین بِبَرِه، دوّمین کَرَه نی بومَی، ولی نِه گناه اون از بِین بَردِه را، بَلکَم تا کسونی نجات دوعِه را که ذوق و شوقی نَه چَیی چِم بِه رایی نَه.

پطروسی اوّلین نامَه 1:21

شِمَه که چَیی واسطه نَه بِه خِدا ایمان وَردَرونه، اَ خِدایی که اَیی مَردَه اون دیلَه کا زِنده آکَردِشه و جلال دوشَه، تا شِمَه ایمان و امید بِه خِدا بِبو.

پطروسی اوّلین نامَه 1:3

مُتوارک بِبو خِدا و چَمَه خِداوند عیسایِ مَسیح دَده که اِشتَنش بَرک رَحمتی نَه، عیسایِ مَسیح زِندَه آبییِه واسطه نَه مَردَه اون دیلَه کا، ایلَه تازه تولدی اَمَه بَخشِستِشه، زِنده اُمیدی را

پطروسی اوّلین نامَه 2:21

چوم، شمه اِمی واسی دَعوت بَییرونه، چوم مسیح نی شِمَه را عذاب کَشِشَه و ایلَه سَرمشقی شِمَه را نوشَه تا هَ رایی که اَ شَه شِمَه نی بِشییَه .

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

پطروسی دومین نامه 3:12

خِدا روزی را چِم بِه راه بِبییَه و اِمی واسی که خِدا روز زودتَر با تَقَّلا بِکَرَه. اَ روزی کا که آسِمونِن آتش بَگَتین و نابود بَبین و آسِمونِن، ستاره اون آتَشی گرمی کا ذوب آبون.

پطروسی دومین نامه 3:14

بَس اِی عَزیزِن، حِسَه که اِم چییون مُنتظریرونه، تَقَّلا بِکَرَه تا چَیی نظری کا بی لَکه و بی عیب بِبییَه و صُلح و سلامتی کا بومونَه.

یوحنا موکاشیفَه 1:18

از که زِندَه ایمَه. مَردیمَه، و دَیِس، تا اَبَد زِنده ایمَه و مرگ و مَردَه اون دنیا اَچَرِن چِمِن دَسی کا اینَه.

یوحنا موکاشیفَه 1:7

دَیِسَه: اَ، خِرِون نَه بومَی، هَر چِمی اَیی بَویندی، حتی کسونی که اَیی نِیزَه ژَندَشونَه؛ و زمینی گِردِ طایفه اِن، چَیی واسی شیون بَکَردین. راس راسی که اِنتَه بَبی. آمین.