اوّلین نامَه تَسالونیکی کلیسا را 1:1 - کتاب مقدس به زبان تالشی شمالی

¹ پولُس و سیلاس و تیموتائوسی طرفی کا، تَسالونیکی شهری کلیسا را که خِدای دَده و چَمَه خِداوندْ عیسای مسیح کا اِستینه: فیض و صُلح و سلامتی شِمَه را با.

کتاب مقدس به زبان تالشي - گویش مرکزی

¹ پولوس و سیلاس و تیموتائوسی طرَفیکا، شهر تِسالونیکی کلیسارا، کن خدای دَدَ وچمه خداوند عیسی مسیح دلَکا اینه: فیض و صلح و سلامتی شِمرا ببو.

اوّلین نامَه تَسالونیکی کلیسا را 1:1 Iomraidhean Croise

رَسولون اَعمال 15:22

بَس رسولِن و مَشایخ، گِردِ کلیسا نَه تَصمیم گِتِشونَه اِشتَن دیلَه کا مِردَکونی اِنتخاب بِکَرِن و اَوون پولس و بَرنابا همراه ویسا آکَرِن اَنطاکیَه شهری را. بَس یهودایِ معروف بِه بَرسابا و سیلاسی، که بِرا اون دیلَه کا رَهبر بینَه، اِنتخاب کَردِشونَه.

رَسولون اَعمال 15:27

بَس یهودا و سیلاسی ویسا آکَردِمونَه تا اِشتَن گفون نَه، شِمَه اِم کارون کا خَوَر دار بِکَرِن.

رَسولون اَعمال 15:40

امّا پولس، سیلاسی پِگِتِشه و بِرا اون نَه دَس آدوشَه، خِداوندی فیضی نَه سَفری را رایی بَه.

رَسولون اَعمال 16:19

ولی اَ خاتَکی اَربابِن وختی ویندِشونَه چَوون کار و کاسِبی بِه وا شَه، پولس و سیلاسی گِتِشونَه و اَوون ویسویِه ویسویِه نَه بَردِشونَه شهری میدونی دیلَه رئیسون وَر.

رَسولون اَعمال 16:25

نِصب شَو، پولس و سیلاس دَمنده بینَه دعا کَردِه و سرود خَنده نَه خِدا پرستش بَکَردین و بقیه زِندونی اِن نی اَوون گوش بَداین

رَسولون اَعمال 16:29

زِندانبان ایلَه چِرایی پیستِشَه و هول و وَلا نَه دَشَه زندانی دیلَه و هَتَه که تَرسی کا لَرزی پولس و سیلاسی پا دَلَکه.

رَسولون اَعمال 17:11

اِم یهودییِن اَ یَهودیونی کا که تَسالونیکی شهری کا بینَه، نَجیبتَر بینَه، اَوِن شور و شوقی نَه پیغومی قَبول کَردِشونَه و هَر روز مقدّس نیویشته اون خونین تا بِوینِن که پولس و سیلاسی گف خِدا کلامی شیوارَه یا نِه.

رَسولون اَعمال 18:5

وختی سیلاس و تیموتائوس مقدونیَه منطقه کا اومینَه، پولس اِشتَن گِردِ وختی، خِدا کلامی را نوعَش بَه، و یَهودییون را شهادتی بَدای که مسیح موعود هَ عیسی یَه.

رَسولون اَعمال 19:22

دومله دِ نفر اِشتَن همکارون کا، تیموتائوس و اِراستوسی وَیسا آکَردِشه مقدونیَه را و اِشتَن چَن وخت آسیا ایالتی کا مَندَه.

رَسولون اَعمال 20:4

پولسی هَمراه اِن اِمِن بینَه، سوپاتِر، پیرروسی زوعَه که بیریَه مردمی کا بَه، آریستارخوس و سِکوندوس که تَسالونیکی مردمی کا بینَه، گایوس و تیموتائوس که دِربِه مردمی کا بینَه، تیخیکوس و تْروفیموس که آسیا مردمی کا بینَه.

رومی کلیسارا نامه 1:7

گِردِ کسونی را که رومی شهری کا اینه که خِدا اَوون نه خِشَه و دعوت بَیینه تا مقدّسون کا بِبون: فیض و صُلح و سلامتی چَمَه دَدَه، خِدا و عیسایِ مسیحِ خِداوندی طرفی کا، شِمَه را با.

اوّلین نامَه قورَنتیانیرا 1:2

خِدا کلیسا را که قُرِنتُسی شهری کایَه، و کسونی که مسیحْ عیسی کا تقدیس بَیینه و دَعوت بَیینه تا یَندی نَه مقدّس بِبون، گِردِ کَسونی همراه که هَر جِگایی کا چَمَه خِداوند مسیحِ عیسی نومی دَخونِن، که چَمَه خِداوند و چَوون خِداوندَه:

دوومین نامه قرنتیانیرا 1:1

پولُسی طرفی کا که خِدا پیسته نَه، مسیح عیسی رسولَه، و چَمَه بِرا کا تیموتائوس، خِدا کلیسا را قُرِنتُسی شهری کا، و گِردِ مقدسون را، اَخائیه ولایتی سَرتاسری کا:

دوومین نامه قرنتیانیرا 1:19

چوم که خِدا زوعَه، عیسایِ مسیح، که از و سیلاس و تیموتائوس اَیی شِمَه دیلَه کا اِعلام کَردِمونه، ’ها‘ و ’نِه‘ نِبَه، بَلکَم اَیی کا همیشه ’ها‘ یَه.

نامه غلاطیَه کلیسارا 1:2

و هِنتَه نی گِردِ بِرااونی که مِنه اینه، غَلاطیه کلیسا اوون را:

نامه غلاطیَه کلیسارا 1:22

یهودیَه ولایتی کلیسااِن که مسیح کا اِستینه، حَلا چِمِن قیافه آنِزونین.

نامَه اَفسوسی کلیسارا 1:2

فیض و صُلح و سلامتی خِدا طرفی کا، چَمَه دَده، و خِداوندْ عیسایِ مسیح، شِمَه را با.

نامَه فیلیپی کلیسا را 1:1

پولُس و تیموتائوسی طرفی کا، که مسیحْ عیسی نوکری نَه: گِردِ مقدّسون را مسیحْ عیسی کا که فیلیپی شهری کا اینه، ناظِرِن و شَماسِن:

نامَه کُولُسی کلیسا را 1:1

پولُسی طرفی کا که خِدا پیستَه نَه مسیحْ عیسی، رسول اِستَه، و چَمَه بِرا، تیموتائوسی طرفی کا،

دوّمین نامَه تَسالونیکی کلیسا را 1:1

پولُس و سیلاس و تیموتائوسی طرفی کا، تَسالونیکی شهری کلیسا را، که چَمَه دَده خِدا و خِداوندْ عیسایِ مسیح کا اِستینَه:

اوّلین نامَه تیموتائوسیرا 1:2

تیموتائوسی را، چِمِن حقیقی یَه زوعَه ایمانی کا: فیض و رَحمت و صُلح و سلامتی خِدای دَده طرفی کا و چَمَه خِداوند مسیحْ عیسی کا شِمه را با.

دِوُّمین نامَه تیموتائوسیرا 1:2

چِمِن عزیزَه زوعَه، تیموتائوسی را: فیض و رحمت و صُلح و سلامتی خِدای دَده طرفی کا و چَمَه خِداوند مسیحْ عیسی کا بَه تِرا با.

نامَه، عِبرانیه نَتاجَه مسیحیونرا 13:23

بِزونَه که چَمَه بِرا تیموتائوس آزاد آبییَه. اَگم اَ، زو با، اَیی نَه بومَیم و شِمَه بَویندیم.

پطروسی اوّلین نامَه 5:12

سیلاسی واسطه نَه که اَیی ایلَه وفادارَه بِرایی بَزنیم، شِمَه را مُختصر نیویشتِمَه تا شِمَه سفارش بِکَرِم و شِمَه را اِعلام بِکَرِم که اِمَه خِدا اَ حقیقی یَه فیض، اَیی کا پابَرجا بومونَه.

یوحنا اوّلین نامَه 1:3

اَمَه اَ کلامی که ویندَمونه و دَرَسَمونه شِمَه را نی اِعلام بَکَردیمون تا شِمَه نی اَمَه نَه رَفاقَت بِکَرَه؛ حقیقتن نی که چَمَه رَفاقَت دَده و چَیی زوعَه نَه، عیسایِ مسیح نَه یَه.

یهودا نامه 1:1

یهودا طرفی کا، عیسی مسیح نوکر و یعقوبی بِرا، کسونی را که دعوت بَیینه و خِدای دَده کا عزیزگِرامی اینه، و کسونی که عیسایِ مسیح واسی حفظ بَیینه: