پطروسی اوّلین نامَه 5:9 - کتاب مقدس به زبان تالشی شمالی

⁹ ایمانی کا پابَرجا بِبییَه و چَیی پیشی کا بومونَه، چوم بَزنیرون که شِمَه بِرااِن دنیا کا هِم عذابون نَه دیمادیس بَبین.

کتاب مقدس به زبان تالشي - گویش مرکزی

⁹ ایمانیکا آمبَست ببه و چَی رودَکَر بومونه، چون بَموستیرون کن دِنیا دِلکا شمه بِرااِن، هِم عذابونَّه سَراسَر آبین.

پطروسی اوّلین نامَه 5:9 Iomraidhean Croise

انجیل لوقا 22:32

امّا اَز بَه تِرا دعا کَردِمه تا اِشتِه ایمان اَز بین مَشو. وختی هَنی آگَردِستیش اِشتِه بِرا اون قوّت بِدَه.»

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

رَسولون اَعمال 14:22

اَ شَهرون کا شاگِردون جانی قوّت دوشونَه، و اَوون تَشویق کَردِشونَه که اِشتَن ایمانی کا بومونِن و اَوون نصیحت کَردِشونَه که: «بَسی بَرکَ سختیون تاو بواَرَم تا خِدا پاُتشایی دیلَه دَشییَم.»

اوّلین نامَه قورَنتیانیرا 10:13

هیچ آزمایشی شِمَه را اومَه نییَه که اَلباقی مردمی را اومَه مَبو. خِدا وفادارَه؛ اَ نییَرزِه که شِمَه تَوانی کا وِرتَر آزمایش بِبییَه، بَلکَم آزمایشی موقع نی، ایلَه راهی دَوَشته را بَنای تا شِمَه چَیی تاو و تحملی بِدارَه.

نامَه اَفسوسی کلیسارا 4:27

و اِبلیسی مُهلت مَدییَه.

نامَه اَفسوسی کلیسارا 6:16

هَر وضعی کا، ایمانی سِپَری پِگِرَه، تا بِشایَه اَیی نَه، اَ شریری گِردِ آتشینَ تیرون دَکِشه.

نامَه کُولُسی کلیسا را 2:5

چوم هَر چَن جِسمَن شِمَه وَری کا نیمَه، امّا روح کا شِمَه نَه ایمَه و شِمَه نظم و قُرصَ ایمانی که بِه مسیح هِستِرونه بَویندیم، شادیمَه.

اوّلین نامَه تَسالونیکی کلیسا را 3:3

تا هیچ‌کس اِم سختیون واسی سُست آمَبو، چوم شِمَه اِشتَن چاک بَزنیرون که اَمَه اِمی واسی تعیین بَیمونَه.

اوّلین نامَه تیموتائوسیرا 6:12

ایمانی چاکَه جنگی کا بِجَنگ. دَچیک اَ اَبَدی یَه زِندگی که اَیی را دَعوت بیشه و اَیی، وِرَه شاهِدون پیشی کا اِعتراف کَردِرَه.

دِوُّمین نامَه تیموتائوسیرا 3:12

راس راسی، کَسونی که پیستِشونَه مسیحْ عیسی کا دینداری نَه زِندگی بِکَرِن، عذاب کَشِن؛

دِوُّمین نامَه تیموتائوسیرا 4:7

از چاکَه جنگی کا جَنگِستَه ایمَه، چِمِن مسابقه تمون آکَردَمه و چِمِن ایمانی حفظ کَردَمه.

نامَه، عِبرانیه نَتاجَه مسیحیونرا 11:33

که ایمانی نَه مَملیکتون فتح کَردِشونَه، عِدالتی بَرقَرار کَردِشونَه، و وعده‌ اون بِه‌ دَس وَردِشونَه؛ شیرون گَ دَوَستِشونَه،

نامَه، عِبرانیه نَتاجَه مسیحیونرا 12:8

اَگم شِمَه تربیت مَبیرون، در حالی که گِرد اَیی کا سهم هِستِرونَه، بَس شِمَه حَرومزادَه‌ ایرونَه، نِه حقیقی یَه زوعَه اِن.

یعقوبی نامَه 4:7

بَس اِشتَن خِدا تسلیم بِکَرَه. اِبلیسی پیشی کا مقاومت بِکَرَه، که اَ شِمَه کا دَوَزِه.

پطروسی اوّلین نامَه 1:6

و اِمی واسی وِر شادی رونَه هَر چَن که حِسَه روکتِه زمان، اَگم لازم بِبو جور بَه جوره آزمایشون کا غمگین بَییرونَه،

پطروسی اوّلین نامَه 2:21

چوم، شمه اِمی واسی دَعوت بَییرونه، چوم مسیح نی شِمَه را عذاب کَشِشَه و ایلَه سَرمشقی شِمَه را نوشَه تا هَ رایی که اَ شَه شِمَه نی بِشییَه .

پطروسی اوّلین نامَه 3:14

امّا حتی اَگم صالِح بییِه را عذاب بِکَشَه، برَکت بَگَتیرون. «اَ چیی کا که اَوِن تَرسِن، شِمَه مَترسَه و نیگران مَبییَه.»

پطروسی اوّلین نامَه 4:13

بَلکَم شاد بِبییَه اِمی واسی که مَسیح رنجون کا شَریک بِبییَه، تا اَ موقع که چَیی جلال آشکار آبو، شِمَه نی شادی بِکَرَه و وَشت واز بِکَرَه.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 6:11

و هَر کمیله اَوون کا، ایسبی یَه اَبایی آدوعَه بَه و اَوون نَه واتَه بَه که تِلی وِرتَر آروم بِگِرِن تا چَوون هَمخدمتیون و بِرا اون تعداد که بَسی چَوون شیوار کِشتَه بِبون، کامل آبو.

یوحنا موکاشیفَه 7:14

از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.