پطروسی اوّلین نامَه 5:8 - کتاب مقدس به زبان تالشی شمالی

⁸ ویرا بِبیَه، شِمَه هَواس جمع بِبو، شِمه دِشمِن اِبلیس ایلَه شیری شیوار غُرِش بَکَردی و هَر طرفی را کارا بَگردِستی، ایی نفری بِتلَفِه که اَیی ویبَرِه.

کتاب مقدس به زبان تالشي - گویش مرکزی

⁸ هواسِرون اِشتَنکا ببو و هوش ببَه، اِمی خونه کن شمه غَنیم ابلیس، هنتَه شیری شیوار غورش بَکی و هر طرفیرا کا گردِسته تا ایی نفری پیدا بکرِ بَی ویبَرِ.

پطروسی اوّلین نامَه 5:8 Iomraidhean Croise

مَتّی 13:39

دِشمِنی كه واشون بَکاشتی، اِبلیسَه. دِرو فصل، آخِر زمانَه؛ و دِروگرِن ملائیکه اِن اینَه.

مَتّی 24:42

بَس آگا بِبییَه، چوم نیمَزنَه شِمَه خِداوند چِه روزی کا بومَی.

مَتّی 25:41

«دومله پاُتشا کسونی نَه كه چَیی چَپ طرفی کا مَندینَه بَواتی: ”اِی مَلعونِن، بَه مِن کا دور آبییَه و اَ اَبَدی یَه آتشی دیلَه بِشییَه که اِبلیس و چَیی ملائیکه اون را آمادَه آبَه،

مَتّی 4:1

اَ موقع خِدا روح، عیسی هدایت کَردِشَه ویاوونی را، تا اِبلیس اَئی اِمتحان بِکَرِه.

مَتّی 4:11

اَ موقع اِبلیس عیسی وِل آکَردِشَه و ملائیکه اِن اومینَه، عیسی خِدمت کَردِشونَه.

مَرقُس 4:15

بعضی مردم، اَ دونه اونی شیواری نَه که راه کا ویبینَه، اوآ که خِدا کلام کاشته بَبی؛ وختی که اَوِن خِدا کلامی دَرَسِن، اَلبَحل شیطان بومَی و کلامی که چَوون دیلَه کا کاشته بییَه، دِزدِه.

انجیل لوقا 21:34

«ویرا بِبییَه، نَبادا، عیش و نوش و مَستی و زندگی نِگرانی اِن شِمَه دیلی سَنگین آکَرِن، و اَ روز ایلَه تَلَه ایی شیوار ایی دفعه شِمَه گیر دَرَفَنه.

انجیل لوقا 21:36

بَس هَمیشه ویرا بِبییَه و دعا بِکَرَه که قدرت بِدارَه تا گِرد اِم چییون کا که هِم زودییون پیش بومَین، بِشایَه دَوَزَه و اِنسانی زوعَه حضوری کا بومونَه.»

انجیل لوقا 22:31

«اِی شمعون، اِی شمعون، دَیِس شیطان پیستِشَه تِه اِشتَه را جِدا آکَرَه هَتَه که گَندِمی چَیی پوشه کا جِدا آکَرِن.

یوحنا 8:44

شِمَه، شِمَه دَده اِبلیسی شِنیرونَه و چَیی پیستَه چییون اَنجام بَدایرون. اَ صِفته نَه آدَمکِش بَه و حقیقتی نَه کاریش نییَه، چوم هیچ حقیقتی اَیی کا نییَه. هَر موقع دوروع بَواتی، اِشتَن شخصیتی کا بَواتی؛ چوم که دروعه واج و دوروعه واجون دَده یَه.

دوومین نامه قرنتیانیرا 2:11

تا شیطان اَمَه گول مَژَنه؛ چوم که اَمَه چَیی نَخشَه اون کا بی‌خَوَر نیِمونَه.

نامَه اَفسوسی کلیسارا 4:27

و اِبلیسی مُهلت مَدییَه.

نامَه اَفسوسی کلیسارا 6:11

خِدا اَسلحۀ تَمام کمال دَکَرَه تا بِشایَه اِبلیسی حُقّه اون پیشی کا بومونه.

اوّلین نامَه تیموتائوسیرا 2:15

امّا ژِن، خِردَن دنیا وَردِه نَه نجات پیدا بَکَردی، اَگم ایمان و مُحبت و مقدّس بییِه کا، نجابَتی نَه بومونِه.

اوّلین نامَه تیموتائوسیرا 2:9

هِنتَه نی پیستِمَه که ژِنَکِن آبرومندانَه خَلا دَکَرِن، نجابت و حَیا نَه، نِه وَته گیسه اون نَه، یا طِلا و مِرواری نَه، یا گِرونَ خَلااون نَه،

اوّلین نامَه تیموتائوسیرا 3:11

هِنته نی، چَوون ژِنَکِن نی بَسی باوَقار بِبون، بُختون ژَن مَبون، بَلکَم هوشیار بِبون و گِردِ چییون کا وفادار بِبون.

اوّلین نامَه تیموتائوسیرا 3:2

بَس ایلَه ناظر بَسی چَیی زندگی کا هیچی مَبو که چَیی واسی سَرکوفت بَرِه، ایلَه ژِن بِدارِه، هوشیار بِبو، اِشتَن پیشی بِگِرِه و آبرومَند بِبو، میهمون‌ نواز بِبو و بِشا تعلیم بِده؛

دِوُّمین نامَه تیموتائوسیرا 4:17

امّا خِداوند مِنَه بَه، و مِن قوّت دوشَه تا اَ پیغام، چِمِن واسطه نَه تَمام کمال اِعلام بِبو و گِردِ غیریهودییِن اَیی دَرَسِن. اِنتَه شیری گَ کا جیوَشتیمونَه.

نامَه تیتوسیرا 1:8

بَلکَم میهمون نواز بِبو، چاکی کَردِه نَه خِش بِبو، اِشتَن پیشی بِگِرِه، درستکار و مقدّس بِبو و منظم بِبو؛

نامَه تیتوسیرا 2:12

و بَمون آموجِه که بی‌دینی و دنیایی یَه هَواهَوسون وِل آکَرَم، چَمَه پیشی بِگِرَم و صالحی و دینداری نَه اِم دورَه کا زِندگی بِکَرَم،

نامَه تیتوسیرا 2:2

پیرَه مِردَکون هَواس جَمع بِبو، باوَقار بِبون، اِشتَن پیشی بِگِرِن و ایمان و محبت و پابَرجایی کا، دُرست رفتار بِکَرِن.

نامَه تیتوسیرا 2:4

تا جَوونَ ژِنَکون باموجِن که شو دوست و خِردَن دوست بِبون

نامَه تیتوسیرا 2:6

هِنتَه نی، جَوونَ مِردَکون نی اِصرار بِکَه تا اِشتَن پیشی بِگِرِن.

یعقوبی نامَه 4:7

بَس اِشتَن خِدا تسلیم بِکَرَه. اِبلیسی پیشی کا مقاومت بِکَرَه، که اَ شِمَه کا دَوَزِه.

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

یوحنا موکاشیفَه 12:10

دومله ایلَه بِلندَه خِلِعی آسمونی کا دَرَسِمَه، که بَواتی: «حِسَه، چَمَه خِدا نجات و قدرت و پاُتشایی، و چَیی مسیح اِقتدار آرَستَه. چوم اَ که چَمَه بِرا اون اِفتِرا ژَنی، که شَو اَندَه روز چَمَه خِدا حضوری کا اَوون اِفتِرا ژَنِه، فِر آدوعَه بَه جیری را.

یوحنا موکاشیفَه 12:12

بَس اِی آسمونِن و اِی کَسونی که آسمونی دیلَه کا ایرونَه، شادی بِکَرَه! امّا وای بَر شِمَه اِی زمین، اِی دریا، چوم که اِبلیس بَدجورَه خَشمی نَه شِمَه را اومَه جیر، چوم که بَزنی وخت کَمَه.»

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 20:10

و اِبلیس، که اَوون گول ژَندَش بَه، آتش و گوگِردی دریاچه دیلَه کا دَرَفَنده بَه، جِگایی که اَ وَحشی یَه حَیوون و اَ دوروعی نَه پیغمبر دَرَفَندَه بینَه. اِمن شَو اَندَه روز تا اَبَد و تا اَبَد عذاب بَکَشدین.

یوحنا موکاشیفَه 20:2

و ملائیکه، اِژدها، اَ قدیمی یَه نَلتی، که هَ اِبلیس یا شیطونَه، گِتِشه و تا هَزار سال اَیی دَرَفَندِشَه زندانی کا