پطروسی اوّلین نامَه 4:4 - کتاب مقدس به زبان تالشی شمالی

⁴ حِسَه که شِمَه اِم بی اندازه هَرزَگی کا اَوون نَه شریک نِبییَه، اَوِن حَیرونی نَه و شِمَه فَش بَداین.

کتاب مقدس به زبان تالشي - گویش مرکزی

⁴ ایسَه کن اِم بی اَندازَ هرزَگیکا اَوونَّه شریک نیرون، اَیِن حَیرونینَه و بَشِمَه زَبون دَنَّکرد.

پطروسی اوّلین نامَه 4:4 Iomraidhean Croise

مَتّی 23:25

«وای بَر شِمَه اِی توراتی معلِمِن و فریسییِن، اِی دِ دیمِن! شِمَه قَدَرَه و دووری بِرونی تمیز آکَرَه، امّا چَوون دیلَه، طمع و عیش و نوشی نَه پورَه.

انجیل لوقا 15:13

چَن روزه پَش، روکَه زوعَه هَر چِه که داری جمع آکَردِشه و ایلَه دورَه مَملکتی را رایی بَه و اوآکا اِشتَن دارایی عَیاشی نَه بِه وا دوشَه.

رَسولون اَعمال 13:45

ولی وختی یَهودییِن جماعتی ویندِشونَه، حسودی کا پُور آبینَه و بی حرمتی نَه پولسی گفون نَه مخالفت کَردِشونَه.

رَسولون اَعمال 18:6

امّا وختی یهودییِن، پولسی نَه مخالفَت کَردِشونَه و عیسی فَش دوشونَه، پولس اَ شهری خاک و خُلی اِشتَن خَلااون کا چَوون ضِدّ تَکان دوشَه و اَوون نَه واتِشه: «شِمَه خون شِمَه گَردن بِبو! اَز تقصیر کار نیمَه. چِمی پَش، بَشیم غیریهودیون وَر.»

رومی کلیسارا نامه 13:13

بایَه اِنتَه دُرست رفتار بِکَرم که کَسونی شَئنی کایَه که روزی روشونی کا زندگی بَکَردین. نِه عَیاشی و عَرق هَری کا، نِه زِنا و هَرزِگی کا، نَه جنگ و جَدل و حَسودی کا.

نامَه اَفسوسی کلیسارا 5:18

و شَراوی نَه مست آمَبییَه، که شِمَه کَشونِه بَدَه کارون طرفی را؛ بَلکَم خِدا روح کا پور آبییَه.

پطروسی اوّلین نامَه 2:12

بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

پطروسی اوّلین نامَه 3:16

شِمَه وجدانی پاک غَم بَرَه، تا کسونی که شِمَه اِفتِرا ژَنِن، کسونی که شِمَه چاکَه رفتاری مسیح کا بَد بَواتین، شَرمَنده بِبون.

پطروسی دومین نامه 2:12

ولی اَوِن بیشعورَه حَیوونونی شیواری نَه که اِشتَن غریزَه دومله بَشین و دنیا اومَیینه تا اَسیر بِبون و هلاک بِبون و اَ چیونی که نیمَشان بِفهمِن فَش بَداین و اِشتَن فَسادی دیلَه کا هلاک بَبین،

پطروسی دومین نامه 2:22

اِم مَثّل اَ چیی درباره گف ژَنِه که چَوون را پیش اومَه: «اِسبه آگَردِه اِشتَن قِی سَر»، و « شوشتَه بییَه خو، تِولی دیلَه کا غَلط ژَندِه را.»

یهودا نامه 1:10

امّا اِمِن اَ چی اِهانت بَکَردین که آنِزونِن، اَوِن بی‌شعورَه حَیوونون شیوار هَر چیی که غَریزه کا فَهمِن، هَ چَوون نابودی باعیث بَبی.