پطروسی اوّلین نامَه 4:3 - کتاب مقدس به زبان تالشی شمالی

³ چیرا که قدیمی کا بِه اندازه کافی شِمَه عُمری اَ کارون را نوعَه رونه که خِدانَشناسِن بَکَردین، و شِمَه زندگی بی عفتی و هَواهَوس و مستی و هَرزگی و عیش و نوش و شرم آوَرَه بُت پرستی اون نَه سَر کَردَرونَه.

کتاب مقدس به زبان تالشي - گویش مرکزی

³ چیرا کن گِذَشته کا، بَه اندازَ اِ کافی، اِشتَن عمری اَ کارونرا آنارون، کن خدا نِشناسِن اَکَرینَه، و اِشتَن زندَگی بی عیفتی، هوا و هوس و مستی و هرزَگی و هَردِ و هِنتِه و شرم آورَ بوت پرستیکا گِذِرامونیرون.

پطروسی اوّلین نامَه 4:3 Iomraidhean Croise

مَرقُس 7:22

طَمع، شِرارت، حیلَّه، هَرزه بییِه، حَسودی، بُختون، غرور و اَخمق بییِه.

رَسولون اَعمال 17:30

قدیمون، خِدا اِنتَه رَه نادونَ کارون کا چِم پوشی بَکَردی. ولی حِسَه گِردِ مردمی را هَر جِگا کا که اِستینَه دستور بَدای که توبه بِکَرِن.

رومی کلیسارا نامه 13:13

بایَه اِنتَه دُرست رفتار بِکَرم که کَسونی شَئنی کایَه که روزی روشونی کا زندگی بَکَردین. نِه عَیاشی و عَرق هَری کا، نِه زِنا و هَرزِگی کا، نَه جنگ و جَدل و حَسودی کا.

اوّلین نامَه قورَنتیانیرا 12:2

بَزنیرون وختی که بُت‌پرست بیرونه، گمراه بیرونه، و کَشیستَه بَبیرون لالَ بُتون طرفی را. هَر جور که بَبی شِمَه کَشونین.

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

دوومین نامه قرنتیانیرا 12:21

و اِمی کا تَرسِم که وختی هَنی بام شِمَه وَر، چِمِن خِدا شِمَه پیشی کا مِن فروتن بِکَرِه و از مجبور بِبوم بَعضیون واسی که قبلا گناه کَردَشونه و اِشتَن ناپاکی، و بی عفتی و عیاشی کا توبه کَردَه نیشونه، عزاداری بِکَرِم.

نامه غلاطیَه کلیسارا 5:19

حِسَه جِسمی اَعمالِن معلومَی نه: بی‌عفتی، ناپاکی، و هَرزَگی؛

نامه غلاطیَه کلیسارا 5:21

حَسودی؛ سَرخوشی، عیاشی و چِمون شیوارَه چیی. شِمَه هُشدار بَدایم، که پیشتری شِمَه هُشدار دوعَم بَه، کسونی که اِنتَه رَه کارون بَکَردین خِدا پاُتشایی وارث نِبون.

نامَه اَفسوسی کلیسارا 5:18

و شَراوی نَه مست آمَبییَه، که شِمَه کَشونِه بَدَه کارون طرفی را؛ بَلکَم خِدا روح کا پور آبییَه.

اوّلین نامَه تَسالونیکی کلیسا را 4:5

نِه شهوت و هَواهَوسی کا، اَ غیریهودیونی شیوار که خِدا آنِزونون؛

نامَه تیتوسیرا 3:3

چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

پطروسی اوّلین نامَه 1:14

اَ مطیع خِردَنون شیوار، اَ هَواهَوسون شیوار مبییَه که نادونی دورانی کا داریرون.

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.