پطروسی اوّلین نامَه 4:19 - کتاب مقدس به زبان تالشی شمالی

¹⁹ بَس کَسونی که خِدا پیستَه نَه عذاب کَشِن، بَسی که اِشتَن جانون دَسپارِن «وفادارَه خالِقی» دَس و چاکه کارون اِدامه بِدَن.

کتاب مقدس به زبان تالشي - گویش مرکزی

¹⁹ پس اَیِنی کن خدا خواستینه عذاب بَبَن، پی اِشتَن جانون «اَمینَه خالِقی» دَست آدَن و چاکه کارون ایدامه بدَرن.

پطروسی اوّلین نامَه 4:19 Iomraidhean Croise

انجیل لوقا 23:46

اَ موقع عیسی بِلَندَه سَسی نَه خِلِع ژَندِشَه و واتِشه: «اِی دَده، چِمِن روح اِشتِه دَسون تسلیم بَکَردیم.» اِمی واتِشه و جان دوشَه.

رَسولون اَعمال 7:59

وختی اِستیفانی سِنگسار بَکَردین، اَ، بِلندَه سَسی نَه واتِشه: «اِی عیسایِ خِداوند، چِمِن روح قَبول بِکَه!»

رومی کلیسارا نامه 2:7

خِدا، اَبَدی یَه زندگی کَسونی آدَه که صبری نَه چاکه کارون اَنجام دوعِه کا، جلال و حُرمت و اَبَدی یَه زندگی دومله اینه؛

دِوُّمین نامَه تیموتائوسیرا 1:12

اِمی واسی یَه که اِنتَه عذاب کَشِم، امّا عار نیمَه، چیرا که بَزنیم بِه کی ایمان وَردَمه و قانع بیمَه که اَ، بَشای اَ چیی که بَه مِن دَسپاردَشَه تا اَ روز محافظت بِکَرِه.

پطروسی اوّلین نامَه 2:15

چوم که خِدا پیستَه اِمَه که شِمَه چاکَه کارون نَه، نادونَه مردمی گفی پیشی که اَخمَقونه یَه بِگِرَه.

پطروسی اوّلین نامَه 3:17

چوم اَگم خِدا پیستَه بِبو، چاکتَرَه که چاکَه کارون را عذاب بِکَشَه تا بَدَه کارون واسی.

پطروسی اوّلین نامَه 3:20

چوم اَ اَرواحی که قدیمَه اَیامی کا نافرمونی کَردَشون بَه، اَ موقع که نوح دورانی کا، کشتی کارا وَج آبی، خِدا صبری نَه منتظر بَه. اَ کَشتی دیلَه کا فقط چَن گِله آدَم، یعنی هَشت نفر بینَه، که آوی واسطه نَه نِجات پیدا کَردِشونَه.