پطروسی اوّلین نامَه 4:13 - کتاب مقدس به زبان تالشی شمالی

¹³ بَلکَم شاد بِبییَه اِمی واسی که مَسیح رنجون کا شَریک بِبییَه، تا اَ موقع که چَیی جلال آشکار آبو، شِمَه نی شادی بِکَرَه و وَشت واز بِکَرَه.

کتاب مقدس به زبان تالشي - گویش مرکزی

¹³ بَلکَم اِمیکا کن مَسیح عذابونکا شَریک بَبیرون خَش ببَه، تا چَی شکوه و جَلالی اَیر بِه موقه شمه نی خشی و وشتو واز بکرَ.

پطروسی اوّلین نامَه 4:13 Iomraidhean Croise

مَتّی 16:27

چوم اِنسانی زوعَه، اِشتَن دَده شکوه و جَلالی کا اِشتَن ملائیکه اون نَه بومَی و اَ موقع هَر کسی طبق چَیی اَعمال، عوض بَدای.

مَتّی 25:21

چَیی اَرباب واتِشه: ”اَحسَنت، اِی چاک و امّانتدارَه نوکَر! حِسَه که اِم روکَه کاری کا امّانتدار بیش، بَس وِرَه کارون نی تِه دَسپَرِم. بِری و اِشتِه اَربابی شادی کا شریک بِبو!“

مَتّی 25:23

چَیی اَرباب واتِشه: ”اَحسَنت، اِی چاک و امّانتدارَه نوکَر! حِسَه که اِم روکه کاری کا امّانتدار بیش، بَس وِرَه کارون نی تِه دَسپَرِم. بِری و اِشتِه اَربابی شادی کا شریک بِبو!“

مَتّی 25:31

«وختی اِنسانی زوعَه اِشتَن شکوه و جلالی نَه و گِرد ملائیکه اون نَه بومَی، اِشتَن شکوهمندَه پاُتشایی تختی سَری کا بَنِشتی.

مَتّی 25:34

دومله پاُتشا کسونی نَه که چَیی راست طرفی کا مَندینَه بَواتی: ”اِی کسونی که چِمِن دَده، شِمَه بَرکت دوعَشَه، بایَه و اَ پاُتشایی كه دنیا اول بُنیادی کا شِمَه را آمادَه بییَه، بِه اِرث بِبَرَه.

مَتّی 5:12

خوش بِبییَه و شادی بِکَرَه، چوم شِمَه پاداش آسِمونی کا یالَ. چوم پیغمبرونی که پیش اَز شِمَه بینَه نی هِنتَه اَذیت آزار کَردِشونَه.

مَرقُس 8:38

چوم هَر کسی اِم زناکار و گناه کارَه نسلی میانه کا، مِن کا و چِمِن گفون کا عار بِدارِه، اِنسانی زوعَه نی، اَ موقع که اِشتَن آسِمونی یَه دَده جلالی کا، مقدّس ملائیکه اون همراه بومَی، اَیی کا عار دارِه.»

انجیل لوقا 17:30

روزی که اِنسانی زوعَه ظهور بِکَرِه نی هِنتَه بَبی.

رَسولون اَعمال 16:25

نِصب شَو، پولس و سیلاس دَمنده بینَه دعا کَردِه و سرود خَنده نَه خِدا پرستش بَکَردین و بقیه زِندونی اِن نی اَوون گوش بَداین

رَسولون اَعمال 5:41

بَس رسولِن شورا اَعضا وَری کا شینَه بِرون و چوم اَوِن لایق بینَه که عیسی نومی واسی بی حرمتی بِوینِن، خوشحال بینَه.

رومی کلیسارا نامه 5:3

نِه فقط اِم، بَلکَم سختییون کا نی شادی بَکَردیمون، چوم بَزنیمون که اِم سختی اِن صبر بِه بار بواَردین

رومی کلیسارا نامه 8:17

اَگم خِدا خِردَنویمونه، بَس وارثون نی اِستیمونه، یعنی خِدا وارثِن و مَسیح نَه اِرثی کا شریکیمونه. بِه شرطی که اَمَنی اَیی نه عذاب بِکَشَم، تا اَمَه نی اَیی نَه جلال بِگِرَم.

رومی کلیسارا نامه 8:18

چِمِن نظر اِمَه که، اِم دنیا عَذابِن، اَ جلالی نَه که چَمَه دیلَه کا آشکار بَبی، نییَب مقایسه کَردِه.

دوومین نامه قرنتیانیرا 1:5

چوم هَتَه که مسیح عَذابون کا فَت و فَراوون سهم بَبَردیمون، هَتَه نی مسیح واسطه نَه تَسلی کا فَت و فَراوون سهم بَبَردیمون.

دوومین نامه قرنتیانیرا 1:7

چَمَه اُمید شِمَه درباره پابَرجایَه، چوم بَزنیمون هَتَه که چَمَه عَذابون کا سهم دارَه، چَمَه تَسلیون کا نی سهم بَبَردیرون.

دوومین نامه قرنتیانیرا 4:10

هَمَش عیسی مَرگی چَمَه بَدنی کا بَبَردیمون تا عیسی زِندگی نی چَمَه بَدنی کا آشکار آبو.

دوومین نامه قرنتیانیرا 4:17

چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.

نامَه فیلیپی کلیسا را 3:10

تا مسیح و چَیی زِنده آبییِه قدرتی آزونِم و چَیی رَنجون کا شَریک بِبوم، چَیی مرگی کا، چَیی شیوار بِبوم،

نامَه کُولُسی کلیسا را 1:24

حِسَه اَ زَجرونی کا که شِمَه واسی کَشِمَه شادیمَه و چَیی بَدنی واسی که کلیسا یَه، اَ چیی که مسیح عَذابون کا کَمَه، چِمن جِسمی کا تَلافی بَکَردیم.

دِوُّمین نامَه تیموتائوسیرا 2:12

اَگَم تاو بواَرَم، اَیی نَه نی سلطنت بَکَردیمون. اَگَم اَیی هاشا بِکَرَم، اَ نی اَمَه هاشا بَکَردی.

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 2:21

چوم، شمه اِمی واسی دَعوت بَییرونه، چوم مسیح نی شِمَه را عذاب کَشِشَه و ایلَه سَرمشقی شِمَه را نوشَه تا هَ رایی که اَ شَه شِمَه نی بِشییَه .

پطروسی اوّلین نامَه 5:1

اَز که اِشتَن ایلَه مشایخون کا ایمَه و مسیح رَنجون شاهد بیمَه و اَ جلالی کا که آشکار بَبی شَریکیمَه، اَ مشایخی که شِمَه دیلَه کا اینَه سفارش بَکَردیم:

پطروسی اوّلین نامَه 5:10

و دومله روکَتِه رنج و عذاب کَشِه پَش، خِدای پُور فیض،که شِمَه مسیح کا دَعوت کَردشَه، تا چَیی اَبَدی یَه جلالی کا شریک بِبییَه، شِمَه از نو بینا بِکَردی و پایدار و پُور قدرت و پابَرجا بَکَردی.

یهودا نامه 1:24

حِسَه اَیی که بَشای شِمَه بَلَکِه کا حفظ بِکَرِه و اِشتَن پُور جلالَ حضوری کا بی‌عیب، بَرکَ شادی نَه پُور آکَرِه،

یوحنا موکاشیفَه 1:7

دَیِسَه: اَ، خِرِون نَه بومَی، هَر چِمی اَیی بَویندی، حتی کسونی که اَیی نِیزَه ژَندَشونَه؛ و زمینی گِردِ طایفه اِن، چَیی واسی شیون بَکَردین. راس راسی که اِنتَه بَبی. آمین.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.