پطروسی اوّلین نامَه 4:11 - کتاب مقدس به زبان تالشی شمالی

¹¹ هَر کسی که گَف ژَنِه، خِداوندی شیوار گف بِژَنه؛ و هَر کسی که خدمت بَکَردی، اَ قدرتی نَه که خِدا آدوعَشَه خدمت بِکَرِه، تا گِردِ چییون کا، خِدا، عیسایِ مَسیح واسطه نَه جلال بِگِرِه. جلال و سلطنت تا اَبَد و تا اَبَد اَیی نَه بِبو. آمین.

کتاب مقدس به زبان تالشي - گویش مرکزی

¹¹ هر کَم گَف بَژَیَه، هنته خداوندی شیوار گف بِژنه؛ و هر کَم خیدمت بَکیَه، اَ زبقینَه کن خدا بَبَخشِستی خیدمت بکرِ، تا گِردِ چییونکا، عیسی مسیح واسیطَنه، خدا شکوه و جلال بیگِرِ. شِکوه و جلال و سلطنت تا اَبد و تا ابد چَی شِن ببو. آمین.

پطروسی اوّلین نامَه 4:11 Iomraidhean Croise

مَتّی 6:13

اَمَه اِمتحانون کا مَدَرَن، بَلَکم اَمَه اَ شریری کا نجات بِدَه، [چوم پاُتشایی و قدرت و جلال تا اَبَد اِشتِه شِنَه. آمین.]

یوحنا 13:31

یهودا بِرون شییِه پَش، عیسی واتِشه: «حِسَه اِنسانی زوعَه جلال گِتِشَه و خِدا اَیی کا جلال گِتِشَه.

رَسولون اَعمال 7:38

اِم هَ موسی بَه که ویاوونی کا جَماعتی همراه بَه. و اَ ملائیکه ای همراه که سینا کوه کا اَیی نَه گَف ژَندِشَه، و هَم چَمَه اَجدادی همراه. موسی، زندگی بَخشَه کلامی ویگِتِشه تا بَمون آرِساوونِه.

رومی کلیسارا نامه 11:36

چوم که گِردِ چییِن اَیی کا اَیینه، و چَیی واسطه نَه، و چَیی شِنی نَه. تا اَبَد اَیی جلال بِبو. آمین.

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

رومی کلیسارا نامه 16:27

اَیی که خِدای یِگانه ی دانایَه، عیسایِ مسیح واسطه نَه تا اَبَد جلال بِبو! آمین.

رومی کلیسارا نامه 3:2

هَر لحاظی کا وِر. اوّل اِم که خِدا کلام، اَمانتی دَسپَرده بییَه یَهودیون.

اوّلین نامَه قورَنتیانیرا 10:31

بَس هَر چِه بَردیرون، یا هَر چِه که بِنتیرون یا هَر کاری که بَکَردیرون، گِردی خِدا جلال دوعِه را اَنجام بِدییَه.

اوّلین نامَه قورَنتیانیرا 12:4

عطیَه اِن جور بَه جوری نَه، امّا روحْ هَ اِستَه؛

اوّلین نامَه قورَنتیانیرا 3:10

اَ فیضی نَه که خِدا بَه مِن آدوشَه، ایلَه ماهرَه معماری شیوار پاکار کَندِمه و ایی نفر دییَر اَ پاکاری سَری کا، ساختمون وَج آکَرِه. هَر کسی بَسی ویرا بِبو که چِنتَه وَج آکَرِه.

اوّلین نامَه قورَنتیانیرا 6:20

چوم شِمَه خِرییِه بییِه را بها آدوعَه بَه، بَس شِمَه بَدنی دیلَه کا خِدا جلال بِدییَه.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 9:13

و اِم خِدمتی واسی مردم خِدا جلالی بَویندین، چوم که شِمَه نِه فقط اِعتراف بَکَردیرون مسیح اِنجیلی ایمان هِستِرونه، بَلکم اَوون و دییَرون اَ چیی دیلَه کا که هِستِرونه شریک بَکَردیرون.

نامَه اَفسوسی کلیسارا 1:19

و چَیی بَرکَ قدرتی کا نسبت بِه اَمَه که ایمان هِستِمونه، خَوَردار بِبییَه. اِم قوّت، خِدا پُور زورَه قدرتی کا که کارا، کار بَکَردی بومَی،

نامَه اَفسوسی کلیسارا 4:29

شِمَه گَ بَدَه گَفی را آمَبو، بَلکَم شِمَه گفِن گِرد دییَرون بینا کردِه را بِه کار با و نیازی بَرآورده بِکَرِه، و کسونی را که دَرَسِن فیض بِدارِه.

نامَه اَفسوسی کلیسارا 5:20

همیشه خِدای دَده، چَمَه خِداوند عیسایِ مسیح نومی نَه، گِردِ چییون واسی شُکر بِکَرَه.

نامَه اَفسوسی کلیسارا 6:10

آخِرسَر خِداوندی کا و اَ قوّتی کا که چَیی قدرتی کا بومَی قوی بِبییَه.

نامَه فیلیپی کلیسا را 1:11

صالِحی ثَمرَه کا پور بِبییَه که عیسایِ مسیح واسطه نَه، خِدا جلال و ستایشی را ختم بَبی.

نامَه فیلیپی کلیسا را 2:11

و هَر زَوونی اِقرار بِکَرِه که عیسایِ مسیحْ ’خِداوندَه‘، خِدای دَده جلالی را.

نامَه کُولُسی کلیسا را 4:6

شِمَه گفِن هَمیشه فیضی نَه پُور و سَنجیده بِبون، تا بِزونَه هَر کَسی جَواوی چِنتَه بِدییَه.

اوّلین نامَه تَسالونیکی کلیسا را 2:4

بَلکَم هَتَه که خِدا اَمَه تصدیق کَردِشه تا اِنجیلی کاری اَنجام بِدییَم، بَس چَمَه گف ژَندِه، آدَمون راضی آکَردِه واسی نییَه، بَلکَم خِدا راضی آکَردِه واسی یَه، که چَمَه دیلون آزمایش بَکَردی.

اوّلین نامَه تیموتائوسیرا 1:17

حِسَه اَ پاُتشاهِ دوران، اَ که تا اَبَد اِستَه و نییَب اَیی ویندِه، اَ ایلَه خِدا، تا اَبَد و تا اَبَد حُرمَت و جلال بِبو. آمین.

اوّلین نامَه تیموتائوسیرا 6:16

فقط اَ اِستَه که اَبَدی یَه، اَ که ایلَه نوری کایَه که نییَب بَیی نِزدیک آبی، و هیچکس اَیی ویندَه نیشَه و نیمَشا بِوینِه، حُرمت و سلطنت تا اَبَد اَیی نَه بِبو. آمین.

نامَه تیتوسیرا 2:1

امّا تِه اَ چیی که مطابق دُرستَ تعلیمَه باموج.

نامَه تیتوسیرا 2:15

اِم چییون اِعلام بِکَه؛ و تَمون اِقتداری نَه تشویق و توبیخ بِکَه. و مَرزِن کسی تِه ندیدَه بِگِرِه.

نامَه، عِبرانیه نَتاجَه مسیحیونرا 13:7

شِمَه رهبرون ویر بواَرَه، اَوِن که خِدا کلامی شِمَه را واتَشونَه. چَوون زندگی رَوِشی عاقِبتی دَیِسَه و چَوون ایمانی کا سَرمشق بِگِرَه.

نامَه، عِبرانیه نَتاجَه مسیحیونرا 5:12

چوم هَر چَن که شِمَه تا حِسَه بَسی معلم بِبیرون، اِحتیاج دارَه که ایی نفر خِدا کلامی اوّلین اُصولی هَنی شِمَه باموجِه. شِمَه حَلا شِت پیستِرونَه، نِه سَنگینَ غذا!

یعقوبی نامَه 1:19

چِمِن عزیزَه بِرا اِن، اِمی بِزونه که: هَر کسی بَسی گفی دَرَسِه کا تِند بِبو، گف ژَندِه کا کُند بِبو و عصبانیتی کا نی آروم بِبو!

یعقوبی نامَه 1:26

اَگم کسی گمون بَکَردی دیندار اِستَه، امّا اِشتَن زَوونی پیشی نیمَشا بِگِرِه، بَلکَم اِشتَن دیلی گول بِژَنه، چَیی دینداری هیچ اِرزشی نیشه.

پطروسی اوّلین نامَه 2:12

بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

پطروسی اوّلین نامَه 2:5

شِمَه اِشتَن نی زِنده سِنگون شیواری رونَه،که روحانی یَه عمارت شِمَه کا وَج آبو، تا مقدسَ کاهنون شیوار بِبییَه و عیسایِ مَسیح واسطه نَه، روحانی یَه قِربونیونی که خِدا اَوون قبول بَکَردی، تقدیم بِکَرَه.

پطروسی اوّلین نامَه 4:10

شِمَه هَر کَمیله طبق اَ عَطیه ای که ویگِتَرونَه، اَیی یَندی خدمَت کَردِه را بِه کار بِگرَه، ایلَه خِدمتکاری شیوار که خِدا جور بَه جورَه فیضی را خِدمت بَکَردی.

پطروسی اوّلین نامَه 4:16

با اِم حال اَگم مسیحی بییِه واسی عذاب کَشِه، شَرمَنده مَبو، بَلکَم چَیی نومی کا خِدا جلال بِدییَه.

پطروسی اوّلین نامَه 5:11

سلطنت تا اَبَد و تا اَبَد چَیی شِن بِبو. آمین.

یهودا نامه 1:25

اَ ایلَه خِدا و چَمَه نجات دَهنده، چَمَه خِداوند عیسایِ مسیح واسطه نَه، جلال و شکوه و سلطنت و اِقتدار بِبو! اَ که صِفته نَه اِستبَه، حِسَه اِستَه و تا اَبَد نی بَبی. آمین.