پطروسی اوّلین نامَه 3:4 - کتاب مقدس به زبان تالشی شمالی

⁴ بَلکَم بِدارَه شِمَه خوشگیلی شِمَه اَ درونی یَه آدَمی بِبو که شِمَه قلبی دیلَه کایَه و چِمی نَه ویندَه نییَب، و ایلَه آروم و ملایمَ روح نَه خوشیگل آبییَه که اِنتَه رَه خوشگیلی ایی خِدا نظری کا وِر با اِرزِشَه.

کتاب مقدس به زبان تالشي - گویش مرکزی

⁴ بَسکم بَرزَ شمه خاص گیری، شمه اَ دَرونیَه اینسانی ببو کن شمَه دِلیکارَ و نییَبن چمینه بَی ویندِ، و ایله آلاویستَه و مولایِمَه روحی نَه وَج آبَه ببو، کن خدا نظَریکا اِنتَرَ خاص گیری ایی برک با اَرزِشَه.

پطروسی اوّلین نامَه 3:4 Iomraidhean Croise

مَتّی 11:29

چِمِن یوغی شِمَه دوشی کا بِگِرَه و بَه مِن کا تعلیم بِگِرَه، چوم از ملایمی مَه و دیلی نَه فروتنی مَه، و شِمَه جانون کا راحتی بَگتیرون.

مَتّی 21:5

«اورشلیمی نَه، صَحیونی کو کِلَه نَه بوآجَه، ”دَیِس اِشتِه پاُتشا بومَی اِشتِه وَر، فروتن و اُلاغی دَنِشته بومَی، اُلاغَ کُره سَری کا دَنِشته بومَی.“»

مَتّی 23:26

اِی کورَه فریسی، اوّل قَدَرَه و دووری دیلَه تمیز آکَه که چَیی بِرون نی تمیز آبو.

مَتّی 5:5

خَسه بِبو کسونی که فروتنی نَه، چوم اَوِن زمینی بِه اِرث بَبَردین.

انجیل لوقا 11:40

اِی نادونِن، بَگم اَ کسی که بِرونی وَج آکَردَشَه، دیلَه نی وَج آکَردَه نیشَه؟

انجیل لوقا 16:15

عیسی اَوون نَه واتِشه: «شِمَه کسونی اِستیرونَه که مردمی وَری کا اِشتَن درستکار نیشون بَدایرون، امّا خِدا شِمَه دیلی کا خَوَرِش اِستَه. چوم اَ چیی که مردمی نَظری کا وِر اِرزِش هِستِشه، خِدا نظری کا مِردالَه چییَه!

رومی کلیسارا نامه 1:23

و اَوِن خِدای اَبَدی جَلالی، اَ بُتونی نَه عوض آکَردَشونه که اِنسان فانی و پرنده اون و حَیوونون و خَزنده اون مونِن.

رومی کلیسارا نامه 2:29

بَلکَم یَهودی اَ کسی یَه که باطِنی کا یَهودی بِبو و خَتنه نی کاری یَه دیلی، که خِدا روح اَیی اَنجام بَدای، نِه ایلَه نیویشته واسطه نه. اِنتَه رَه کسی، خِدا تحسین بَکَردی، نِه آدَم.

رومی کلیسارا نامه 6:6

چوم بَزنیمون اَ آدَمی که قدیمون بیمونه، اَیی نه مصلوب بَه تا گناه بَدَن از بِین بِشو و دِ گناه نوکر مَبییَم.

رومی کلیسارا نامه 7:22

چوم اَز چِمِن باطنی دیلَه کا خِدا شریعتی کا کیف بَکَردیم،

دوومین نامه قرنتیانیرا 10:1

از، پولُس، اِشتَن مسیح نرمی و میهروونی نَه شِمَه مَنَت بَکَردیم، اَزی که، وِر کَسِن شِمَه کا بَواتین وختی که شِمَه وَری کاایمَه سَر بِه جیریمَه و اَ موقعی که شِمَه وَری کا نیمَه جَسوریمَه!

دوومین نامه قرنتیانیرا 4:16

بَس نا اُمید نِبییَم. هَر چَن چَمَه ظاهر کارا از بِین بَشی، چَمَه باطن روز‌ بَه‌ روز تازَه تَر آبو.

نامه غلاطیَه کلیسارا 5:23

ملایمت و نَفسی پیشی گِتِه یَه. هیچ شریعتی چِمون ضِد نییَه.

نامَه اَفسوسی کلیسارا 4:2

فروتنی و ملایمت کاملی نَه؛ و صبر و محبتی نَه یَندی تحمل بِکَرَه.

نامَه کُولُسی کلیسا را 3:12

بَس خِدا اِنتخاب بییَه آدَمون شیوار که مقدّس و عَزیزگِرامی اینه، دیلَسوجی، میهروونی، فروتنی، ملایِم بییِه و صَبری خَلا دَکَرَه.

نامَه کُولُسی کلیسا را 3:3

چوم شِمَه مَردیرونه و شِمَه زِندگی مَسیح نَه خِدا دیلَه کا نِینَه.

اوّلین نامَه تَسالونیکی کلیسا را 4:11

اِم آرزو بِکَرَه که آرومَه زِندگی بِدارَه و شِمَه سَر شِمَه کاری مشغول بِبو، شِمَه دَسون نَه کار بِکَرَه، هَتَه که اَمَه شِمَه دستور دوعَمون بَه.

دوّمین نامَه تَسالونیکی کلیسا را 3:12

حِسَه خِداوندْ عیسایِ مسیح نومی نَه اِنتَه رَه آدَمون حُکم بَکَردیمون و اَوون تشویق بَکَردیمون که آروم و قرار بِگِرِن و اِشتَن خرج مخارجی بِرون بواَرِن.

اوّلین نامَه تیموتائوسیرا 2:2

پاُتشا اون و صاحب منصبون را، تا اَمَه بِشایَم آروم و آسوده‌ زِندگی ایی بِدارَم، که هر لحاظی کا دیندار و با وَقار بِبو.

دِوُّمین نامَه تیموتائوسیرا 2:25

بَسی کسونی که مخالفی نَه، نرمی نَه اِصلاح بِکَرِه، شاید خِدا اَوون توبه عطا بِکَرِه، تا حقیقتی آزونِن،

نامَه تیتوسیرا 3:2

هیچکسی بَدی مَواجِن، دعوا مَکَرِن، آروم بِبون و گِردِ مردمی نه اَدبی نَه رفتار بِکَرِن.

یعقوبی نامَه 1:21

بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

پطروسی اوّلین نامَه 1:23

چوم شِمَه هَنی از نو دُنیا اومَیرونه نِه اَ تُخمی نَه که از بِین بَشی بَلکم اَ تُخمی نَه که از بِین نِشو، یعنی خِدا کلامی واسطه نَه که زِنده یَه و تا اَبَد باقی بَمَندی.

پطروسی اوّلین نامَه 3:15

بَلکَم شِمَه دیلی کا مَسیح خِداوندی مقدّس بِزونَه و اَیی اِحترام بِنییَه و هَمیشه حاضر بِبییَه تا هَر کی اَ اُمیدی دلیلی دَفَرسِه که شِمَه دیلَه کایَه، چَیی جَواوی بِدییَه، البته نرمی و اِحترامی نَه.