پطروسی اوّلین نامَه 2:9 - کتاب مقدس به زبان تالشی شمالی

⁹ امّا شِمَه اِنتخاب بییَه نسل و کاهنونی اِستیرونَه که شاهانَه کاهنی بَکَردین. شِمَه مقدّسَ ملّت و مردمی اِستیرونَه که خِدا مِلکی نَه، تا چَیی چاکَه صِفَتون اِعلام بِکَرَه که تاریکی کا شِمَه دعوت کَردِشَه اِشتَن عجیبَ نوری دیلَه.

کتاب مقدس به زبان تالشي - گویش مرکزی

⁹ ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.

پطروسی اوّلین نامَه 2:9 Iomraidhean Croise

مَتّی 4:16

مردمی که تاریکی کا مَندینَه، بَرکَ نوری ویندِشونَه، و کسونی را که مَرگی، دیار و سا دیلَه کا مَندینَه، ایلَه نوری دَتاوِستَه.»

مَتّی 5:16

اِنتَه نی بِدارَه شِمَه نور مردمی چِمی پیشی کا شَفق بِژَنَه تا شِمَه چاکَ كارون بِوینن و شِمَه آسِمونی یَه دَده، سِتایش بِکَرِن.

انجیل لوقا 1:79

تا کَسونی را دَتاوِه که تاریکی کا و مَرگی سا دیلَه کا اینَه، و چَمَه قَدمون صُلح وسلامتی یَه راه دیلَه را هِدایت بِکَرِه.»

یوحنا 17:19

اَز اِشتَن چَوون واسی وقف بَکَردیم، تا اَوِن نی اِشتَن حقیقتی کا وقف بِبون.

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

رَسولون اَعمال 26:18

تا چَوون چِمون آکَری، جوری که تاریکی کا نوری را، و شیطانی قدرتی کا آگَردِن خِدا طرف، تا چَوون گناه اِن بَخشِسته بِبون، و اَ ایمانی واسی که بَه مِن هِستِشونَه، کسونی دیلَه کا که مقدّس بَیینه، جِگا بِدارِن.“

رَسولون اَعمال 26:28

آگْریپاس، پولسی نَه واتِشه: «هِندی زود پیستِره مِن قانع بِکَری که مسیحی بِبوم؟»

رومی کلیسارا نامه 9:24

حتی اَمَه نی که چَیی طرفی نَه دَعوت بَییمونه، دربَر بَگتی نِه فقط یهودیون کا، بَلکَم غیر یهودیون کا نی هَتَه.

اوّلین نامَه قورَنتیانیرا 3:17

اَگم کسی خِدا معبدی خَراو آکَرِه، خِدا اَئی نابود بَکَردی؛ چوم که خِدا معبد مقدّسَه و شِمَه اَ معبدیرونه.

نامَه اَفسوسی کلیسارا 1:14

که چَمَه اِرثی بیعانه یَه تا وختی که اَیی کاملا بِه دَس بواَرَم، تا خِدا جلال ستایش بِبو.

نامَه اَفسوسی کلیسارا 1:6

تا چَیی پُر جلالَ فیض ستایش بِبو، هَ فیضی که اِشتَن عزیزگِرامی دیلَه کا اَمَه بَرکت آدوعَشه.

نامَه اَفسوسی کلیسارا 3:21

کلیسا دیلَه کا و مسیحْ عیسی دیلَه کا، گِردِه نَسلون دیلَه کا، تا اَبَد جلال بَر خِدا بِبو! آمین.

نامَه فیلیپی کلیسا را 3:14

تَقَّلا بَکَردیم هَدفی آرَستِم، تا جایزه‌ای بِه دَس بواَرِم که خِدا، چَیی واسی مِن، مسیحْ عیسی کا کَفا را دَخوندِشه.

نامَه کُولُسی کلیسا را 1:13

اَ، اَمَه تاریکی قدرتی کا رهایی دوشَه و ویسا آکَردِشَه اِشتَن عزیزَه زوعَه پاُتشایی دیلَه.

دِوُّمین نامَه تیموتائوسیرا 1:9

خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 2:5

شِمَه اِشتَن نی زِنده سِنگون شیواری رونَه،که روحانی یَه عمارت شِمَه کا وَج آبو، تا مقدسَ کاهنون شیوار بِبییَه و عیسایِ مَسیح واسطه نَه، روحانی یَه قِربونیونی که خِدا اَوون قبول بَکَردی، تقدیم بِکَرَه.

پطروسی اوّلین نامَه 4:11

هَر کسی که گَف ژَنِه، خِداوندی شیوار گف بِژَنه؛ و هَر کسی که خدمت بَکَردی، اَ قدرتی نَه که خِدا آدوعَشَه خدمت بِکَرِه، تا گِردِ چییون کا، خِدا، عیسایِ مَسیح واسطه نَه جلال بِگِرِه. جلال و سلطنت تا اَبَد و تا اَبَد اَیی نَه بِبو. آمین.

یوحنا موکاشیفَه 1:6

و اَ، اَمَه ایلَه مملیکت کَردِشَه، کاهنونی اِشتَن دَده، خِدا را، جلال و سلطنت تا اَبَد اَیی نَه بِبو. آمین.

یوحنا موکاشیفَه 20:6

مقدّس و مِوارکَه اَ کسی که اوّلین زِنده آبییِه کا سهم دارِه. دوّمین مَرگ چَوون سَری کا هیچ قدرتی نیشَه بَلکَم اَوِن خِدا و مسیح کاهِنِن بَبین و اَیی نَه هَزار سال سلطنت بَکَردین.

یوحنا موکاشیفَه 5:10

و اَوون چَمَه خِدا را، پاُتشایی و کاهِنون کَردِرَه، و اَوِن زمینی سَری کا سلطنت بَکَردین.»