پطروسی اوّلین نامَه 2:8 - کتاب مقدس به زبان تالشی شمالی

⁸ و، «سِنگی که لغزشی باعیث بِبو، و صخره‌ای که بَلَکِه باعیث بِبو.» اَوِن بَلَکِن زمین چوم خِدا کلامی کا اِطاعت نِکَرِن، هَتَه که اِم کاری را مُعَین بییَه.

کتاب مقدس به زبان تالشي - گویش مرکزی

⁸ و، «سِه ایی کن لِسکیستِه باعیث ببو، و کازَ مَغاری کن ویگِنستِه باعیث ببو.» اَیِن اِمی خونه کن خدا کلامیکا ایطاعت نینَّکرد، زَمینی سَر وینَّه گِنست، هَته کن اِم کاریرا تَیین آبَه یه.

پطروسی اوّلین نامَه 2:8 Iomraidhean Croise

انجیل لوقا 2:34

دومله شمعون اَوون را خیرَه دعا كَردِشه و عیسی نَنه، مریمی نَه واتِشه: «دَیِس، اِم خِردَن اِنتخاب بییَه تا قوم اِسرائیلی دیلَه کا وِر کَسون بَرگِنِستِه و پِرِشتِه باعیث بِبو. اِم خِردَن ایلَه نیشونه ایی بَبی که، اَیی نَه ضِدّییَت بَکَردین.

رومی کلیسارا نامه 9:22

چِه بَبی واتِه با اِمکه خِدا پیستِشَه اِشتَن غَضبی نیشون بِدَه و اِشتَن قدرتی نیشون بِدَه، قَبونی که چَوون را غَضب کَرَدَشه و هَلاکتی را آمادَه آبَیینه بَرکَ صبری نَه تحمل بِکَرِه،

اوّلین نامَه قورَنتیانیرا 1:23

ولی اَمَه مصلوب بییَه مسیح موعظه بَکَردیمون، که یهودیون را سِنگی شیوارَه که باعیث بَبی بَلَکِن و غیریهودیون را نادونی،

دوومین نامه قرنتیانیرا 2:16

ایی نفری را مرگی بو بَدایمون که مرگی طرفی را بَشی، ایی نفر دییَری را زِندگی بو بَدایمون که زِندگی طرف بَشی. کییَه که اِنتَه رَه چیون لَیاقتی بِدارِه؟

نامه غلاطیَه کلیسارا 5:11

ولی اِی بِرااِن، اَگم اَز حَلا خَتنَه کَردِه موعظه بَکَردیم، چیرا دِ اَذیت آزار بَویندیم؟ بَس اَگم اَتَه بَکَردیم دِ صلیبی پیغوم بِه کسی بَر نییَری.

اوّلین نامَه تَسالونیکی کلیسا را 5:9

چوم خِدا اَمَه غَضَبی را تعیین نِکَردِشَه، بَلکَم نِجاتی بِه دَس وَردِه را، چَمَه خِداوند عیسایِ مسیح واسطه نَه، تعیین کَردِشه.

پطروسی اوّلین نامَه 2:6

چوم اِشعَیای پیغمبری کیتابی کا نیویشته بییَه که: «حِسَه صَهیونی کوه کا سِنگی بَنایم، بینا اَصلی یَه سِنگ که اِنتخاب بییَه و با اِرزِشَه؛ هَر کسی که اَیی ایمان بواَرِه خِجِل نییَب.»

پطروسی اوّلین نامَه 2:7

بَس اِم شِمَه را که ایمان وَردَرونَه، حُرمتَه؛ امّا کسونی را که ایمان نِوردِشونَه، «هَ سِنگی یَه که بَنّا اِن اَیی رَد کَردِشونه بینا مهمترین سِنگ بییَه،»

پطروسی دومین نامه 2:3

و اِشتَن طمع راه دیلَه کا، دروعَه گفون نَه شِمَه غارت بَکَردین. چَوون محکوم بییِه که پیشتَرون تعیین بییَه بَه، بیکار نِشتَه نییَه و چَوون نابودی خِتَه نییَه!

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.