پطروسی اوّلین نامَه 2:4 - کتاب مقدس به زبان تالشی شمالی

⁴ بَیی نِزدیک آبییِه نَه، یعنی اَ زِنده سِنگ که مردم اَیی رَد آکَردَشونه، امّا خِدا وَری کا اِنتخاب بَه و با اِرزِشَه،

کتاب مقدس به زبان تالشي - گویش مرکزی

⁴ بَیکا نِزِک آبِه نَه، یعنی اَ زندَ سِه کن آدَمِن بَی رد کردِشون، ولی خدا وَریکا اینتخاب آبه و با اَرزِشَه،

پطروسی اوّلین نامَه 2:4 Iomraidhean Croise

مَتّی 11:28

«بایَه چِمِن وَر، اِی کسونی کِه وِر زَحمت بَکَشتیرون و شِمَه بار وِر سنگینَه، اَز شِمَه راحتی بَدایم.

مَتّی 12:18

«اِم چِمِن خادِمَه كه از اَئی اِنتخاب کَردَمَه؛ چِمِن عزیز که چِمِن جان اَئی کا راضی یَه. اَز چِمِن روح اَیی کا بَنایم و اَ عدالتی، دییَر قومون را اِعلام بَکَردی.

مَتّی 21:42

عیسی اَوون نَه واتِشه: «بَگم داوودی مَزموری کا خَندَرون نی که: «”اَ سِنگی كه بَنّا اِن اَیی رَدکَردِشونَه، حِسَه بینا اَصلی یَه سِنگ بییَه. خِداوند اِم کاری کَردَشه؛ و چَمَه نظری کا عجیب اِستَه“؟

یوحنا 14:19

روکَته پَش دنیا دِ مِن نِوینِه، امّا شِمَه بَویندیرون. چوم که اَز زِنده‌ایمَه، شِمَه نی زندگی بَکَردیرون.

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

یوحنا 5:26

چوم هَتَه که دَده اِشتَن کا زندگی هِستِشه، زوعَه نی عطا کَردَشه که اِشتَن کا زندگی بِدارِه،

یوحنا 5:40

امّا حَلا نی نِپیستِرونَه بایَه چِمِن وَر تا زندگی بِه دَست بواَرَه.

یوحنا 6:37

گِرد کسونی که دَده بَه مِن بِبَخشه، بومَین چِمن وَر؛ و اَ کسی که بومَی چِمِن وَر، اَیی هَرگز بَنِرکَرِم.

یوحنا 6:57

هَتَه که دَده ای که زِندگی بَبَخشِستی مِن ویسا آکَردَشِه و از هَ دَده واسی زنِده‌ایمَه، اَ کسی که مِن کا بَردی نی چِمِن واسی زِنده بَبی.

رومی کلیسارا نامه 5:10

چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

اوّلین نامَه قورَنتیانیرا 3:11

چوم هیچ‌کس نیمَشا اَ پاکاری غِیراز که نوعَه بییَه، یعنی عیسایِ مسیح، ایلَه دییَر پاکاری بِنَه.

نامَه کُولُسی کلیسا را 3:4

وختی مسیح، که شِمَه زندگی یَه، آشکار بِبو، دومله شِمَه نی اَیی نَه جلالی کا آشکار بَبیرون.

پطروسی اوّلین نامَه 1:19

بَلکَم مسیح با اِرزِشَه خونی نَه خِریَه بَه، اَ بی عیب و بی نقصَ وَرَه نَه.

پطروسی اوّلین نامَه 1:7

تا شِمَه ایمانی اِصالت، آزمایشی کا ثابت بِبو و اَ روزی که عیسایِ مَسیح ظهور بِکَرِه، ستایش و جلال و اِحترامی باعیث بِبو، هَ ایمان که طِلا کا وِر با اِرزِشتَرَه که هَر چَن از بِین بَشی، ولی آتشی نَه آزمایش بَبی.

پطروسی اوّلین نامَه 2:7

بَس اِم شِمَه را که ایمان وَردَرونَه، حُرمتَه؛ امّا کسونی را که ایمان نِوردِشونَه، «هَ سِنگی یَه که بَنّا اِن اَیی رَد کَردِشونه بینا مهمترین سِنگ بییَه،»

پطروسی دومین نامه 1:1

شَمعون پطرسی طرفی نَه، عیسایِ مَسیح رسول و نوکر، کسونی را که خِدا عدالتی واسطه نَه و چَمَه نجات دَهنده عیسایِ مسیح، ایمانی چَمَه ایمانی شیوار چَوون نصیب بَه:

پطروسی دومین نامه 1:4

که اِم چییون اِشتَن یال و با اِرزِشَه وعده اون واسطه نَه بَمون بَخشِستَشه، تا چَوون واسطه نَه طبیعت الهی کا شریک بِبییَه و اَ فسادی کا که هَواهَوسی واسی دنیا دیلَه کا وجود دارِه،آزاد بِبییَه.