پطروسی اوّلین نامَه 2:23 - کتاب مقدس به زبان تالشی شمالی

²³ وختی که اَیی فَش دوشونَه، فَشی نَه جواو نِدوشَه؛ و اَ موقع که رَنج کَشِشَه، تهدید نِکَردِشه، بَلکَم هَتَه اِشتَن دَسپاردِشه خدا دَس که عادلَ داوری یَه.

کتاب مقدس به زبان تالشي - گویش مرکزی

²³ وقتی کن بَشون زَبون دَکَردَ، زَبونینه چَوون جوابی نِداشه؛ و اَموقه کن رَنجِش کَشتَه، تهدید نِکردِش، بَسکم بَشتن عادیلَه داوَر، خدا دَست آداشَه.

پطروسی اوّلین نامَه 2:23 Iomraidhean Croise

انجیل لوقا 23:41

چَمَه مکافات حَقَّه، چوم چَمه کارون جَزا یَه. امّا اِم مِرد هیچ تقصیری نیشه.»

انجیل لوقا 23:46

اَ موقع عیسی بِلَندَه سَسی نَه خِلِع ژَندِشَه و واتِشه: «اِی دَده، چِمِن روح اِشتِه دَسون تسلیم بَکَردیم.» اِمی واتِشه و جان دوشَه.

انجیل لوقا 23:9

بَس وِر سوالونی عیسی کا دَفَرسِشه، امّا عیسی جَواوی بَیی نِدوشَه.

رَسولون اَعمال 17:31

چوم اَ، ایی روز تعیین کَردِشه که اَیی کا توسط اَ مِردی که مُعیین کَردَشه، عدالتی نَه دنیا داوری بَکَردی، و چَیی زِنده آکَردِه نَه مَردَه اون دیلَه کا، گِردی اِم ماجرا کا خاطِر جَمع کَردَشه.»

رَسولون اَعمال 4:29

حِسَه، اِی خِداوند، چَوون تهدیدون دَرَس و اِشتِه خادِمون لطف بِکَه تا گِردِ اِشتَن دیل و جرئتی نَه اِشتِه کلامی بوآجِن،

رَسولون اَعمال 7:59

وختی اِستیفانی سِنگسار بَکَردین، اَ، بِلندَه سَسی نَه واتِشه: «اِی عیسایِ خِداوند، چِمِن روح قَبول بِکَه!»

رَسولون اَعمال 9:1

ولی سولُس که هِی خِداوندی شاگِردون تهدید کَردِه و چَوون کِشتِه اِدامه بَدای، شَه کاهِن اَعظمی وَر

رومی کلیسارا نامه 2:5

امّا تِه، اِشتِه سَرسختی و اِشتِه دیلی واسی که نِپیستِشه توبه بِکَرِه، خِدا غَضَبی بَه تِرا غَضَبی روزی را اَنبار بَکَردیش، اَ روزی که اَیی کا خِدا عادلانۀ داوری آشکار بَبی.

نامَه اَفسوسی کلیسارا 6:9

اِی اَربابِن، شِمَه نوکَرون نَه هِنتَه رفتار بِکَرَه، و چَوون تهدید کَردِه کا دَس پِگِرَه، چوم بَزنیرون کسی که هَم شِمَه اَرباب و هَم چَوون اَربابَه، آسِمونی کایَه، و اَ هیچکسی را فرقی نِنَه.

دوّمین نامَه تَسالونیکی کلیسا را 1:5

اِم خِدا عادلانۀ داوری نیشونه یَه، تا شِمَه خِدا پاُتشایی شَئنی کا بِبییَه که چَیی راه کا، کارا عذاب نی کَشَه.

دِوُّمین نامَه تیموتائوسیرا 1:12

اِمی واسی یَه که اِنتَه عذاب کَشِم، امّا عار نیمَه، چیرا که بَزنیم بِه کی ایمان وَردَمه و قانع بیمَه که اَ، بَشای اَ چیی که بَه مِن دَسپاردَشَه تا اَ روز محافظت بِکَرِه.

دِوُّمین نامَه تیموتائوسیرا 4:8

حِسَه نَه بِه بعد، اَ صالِحی تاج، بَه مِرا آمادَه یَه، تاجی که خِداوند، اَ عادلَ داور، اَ روزی کا بَه مِن آدوشَه- نِه فقط بَه مِن، بَلکَم گِردِ کسونی که چَیی ظهوری مشتاق بینَه.

نامَه، عِبرانیه نَتاجَه مسیحیونرا 12:3

چَیی فیکری بِکَرَه که چِنتَه گناه کارون دِشمنی ای که چَیی ضِد بَه تاو وَردِشَه، تا شِمَه خسته و دیلسرد مَبییَه.

پطروسی اوّلین نامَه 3:9

بَدی، بَدی نَه و فَشی، فَشی نَه جَواو مَدییَه، بَلکَم چَیی عوض بَرَکت طلب بِکَرَه، چوم اِمی واسی دَعوت بَییرونَه تا بَرکت بِه دَس بواَرَه.

پطروسی اوّلین نامَه 4:19

بَس کَسونی که خِدا پیستَه نَه عذاب کَشِن، بَسی که اِشتَن جانون دَسپارِن «وفادارَه خالِقی» دَس و چاکه کارون اِدامه بِدَن.

یوحنا موکاشیفَه 19:11

دومله ویندِمَه که آسمون آبَه و دَیِس، ایلَه ایسبی یَه اَسب! ایی نفر چَیی سِوارَه که چَیی نوم وفادار و حقّ اِستَه. اَ عادلانه داوری بَکَردی و جنگ بَکَردی.