پطروسی اوّلین نامَه 2:21 - کتاب مقدس به زبان تالشی شمالی

²¹ چوم، شمه اِمی واسی دَعوت بَییرونه، چوم مسیح نی شِمَه را عذاب کَشِشَه و ایلَه سَرمشقی شِمَه را نوشَه تا هَ رایی که اَ شَه شِمَه نی بِشییَه .

کتاب مقدس به زبان تالشي - گویش مرکزی

²¹ چون اِمی خونه شِمَشون خِلِه کردَیَه، اِمی خونه کن مَسیح نی شِمَرا عذابِش کَشتَه و شِمَرا سرمشقی آناشَه تا هَه راهی کن اَ شه یَه، شمَه نی بشَه.

پطروسی اوّلین نامَه 2:21 Iomraidhean Croise

مَتّی 10:38

هَر کسی اِشتَن عذابی صَلیبی مَپِگِره و چِمِن دومله ما، چِمِن لایق نییَه.

مَتّی 11:29

چِمِن یوغی شِمَه دوشی کا بِگِرَه و بَه مِن کا تعلیم بِگِرَه، چوم از ملایمی مَه و دیلی نَه فروتنی مَه، و شِمَه جانون کا راحتی بَگتیرون.

مَتّی 16:24

دومله عیسی اِشتَن شاگِردون نَه واتِشه: «اَگم کسی پیستِشَه چِمِن پِیرو بِبو، بَسی اِشتَن جانی کا دَس پِگِرِه و اِشتَن عذاب و مرگی صلیبی پِگِرِه چِمِن دومله با.

انجیل لوقا 24:26

بَگم نَبی مسیح اِم درد و رنجون بِکَشِه و دومله اِشتَن جلالی آرَستِه؟»

یوحنا 13:15

چوم که اَز اِم کاری نَه، ایلَه سَرمشقی شِمَه آدوعَمه تا شِمَه نی هَتَه بِکَرَه که اَز شِمَه نَه کَردَمه.

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

رَسولون اَعمال 14:22

اَ شَهرون کا شاگِردون جانی قوّت دوشونَه، و اَوون تَشویق کَردِشونَه که اِشتَن ایمانی کا بومونِن و اَوون نصیحت کَردِشونَه که: «بَسی بَرکَ سختیون تاو بواَرَم تا خِدا پاُتشایی دیلَه دَشییَم.»

رَسولون اَعمال 17:3

و توضیح بَدای، دلیل بواَردی که لازمَه مَسیح رنج بِکَشه و مَردَه اون دیلَه کا زِندَه آبو. پولس بَواتی: «اِم عیسی که اَیی شِمَه را اِعلام بَکَردیم، هَ مَسیح موعودَه.»

رَسولون اَعمال 9:16

چوم که اَز بَیی نیشون بَدایم که چِمِن نومی واسی چِه عذابی بَسی بِکَشه.»

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

اوّلین نامَه قورَنتیانیرا 11:1

بَس، بَه مِن کا سَرمشق بِگِرَه، هَتَه که از مسیح کا سَرمشق بَگتیم.

نامَه اَفسوسی کلیسارا 5:2

و محبتی نَه رفتار بِکَرَه، هَتَه که مسیح اَمَه محبت کَردِشه و اِشتَن جانی چَمَه راه کا، ایلَه قِربونی و خوشبویَه هدیه‌ای شیوار خِدا تقدیم کَردِشه.

نامَه فیلیپی کلیسا را 2:5

هَ فیکرونی بِدارَه که مسیحْ عیسی داری:

اوّلین نامَه تَسالونیکی کلیسا را 3:3

تا هیچ‌کس اِم سختیون واسی سُست آمَبو، چوم شِمَه اِشتَن چاک بَزنیرون که اَمَه اِمی واسی تعیین بَیمونَه.

اوّلین نامَه تَسالونیکی کلیسا را 4:2

چوم شِمَه بَزنیرون که عیسایِ خِداوندی واسطه نَه، چِه حُکمونی شِمَه را آدوعَمونه.

دِوُّمین نامَه تیموتائوسیرا 3:12

راس راسی، کَسونی که پیستِشونَه مسیحْ عیسی کا دینداری نَه زِندگی بِکَرِن، عذاب کَشِن؛

نامَه، عِبرانیه نَتاجَه مسیحیونرا 2:10

چوم اِم دُرست و بِجا بَه که خِدا، که گِردِ چیی اِن اَییرا و چَیی واسطه نَه وجود دارِن، اِمی واسی که وِرَه زوعَه اون بِه جلال آرِساوونِه، بَسی چَوون نجاتی باعیث بانی، رنج و عذابی راه دیلَه کا، کامل آکَرِه.

پطروسی اوّلین نامَه 1:20

اَ، دنیا خلق بییَه پیش مُعَین بَه، امّا اِم آخِر زمانون کا شِمَه را آشکار آبَه.

پطروسی اوّلین نامَه 2:24

مسیح اِشتَن چَمَه گناه اون اِشتَن بَدنی نَه صلیبی سَری کا بِه دوش کَشِشَه، تا اَمَه گناه را بِمِرَم و صالِحی را زِندگی بِکَرَم. چَیی زخمون نَه شفا گِتَرونَه.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

پطروسی اوّلین نامَه 3:9

بَدی، بَدی نَه و فَشی، فَشی نَه جَواو مَدییَه، بَلکَم چَیی عوض بَرَکت طلب بِکَرَه، چوم اِمی واسی دَعوت بَییرونَه تا بَرکت بِه دَس بواَرَه.

پطروسی اوّلین نامَه 4:1

بَس چوم مَسیح جسمی کا عذاب کَشِشَه، شِمَه نی اِشتَن هِم طرز فکری نَه حاضیر آمادَه آکَرَه، چوم هَر کسی که جِسمی کا عذاب کَشَشَه، دِ گناه نَه کاری نیشَه.

پطروسی اوّلین نامَه 4:13

بَلکَم شاد بِبییَه اِمی واسی که مَسیح رنجون کا شَریک بِبییَه، تا اَ موقع که چَیی جلال آشکار آبو، شِمَه نی شادی بِکَرَه و وَشت واز بِکَرَه.

یوحنا اوّلین نامَه 2:6

اَ کسی که بَواتی اَیی کا بَمَندی، بَسی هَتَه زندگی بِکَرِه که عیسی زندگی بَکَردی.

یوحنا اوّلین نامَه 3:16

محبتی اوآنه یاد گِتِمونه که اَ، اِشتَن جانی چَمَه راه کا فیدا کَردِشه، و اَمَه نی بَسی چَمَه جانی چَمَه بِرا اون راه کا فیدا بِکَرَم.

یوحنا موکاشیفَه 12:11

و اَوِن وَرَه خونی نَه و کلامی شهادتی نَه اَیی اَفجور بَیینَه. چوم که اَوِن اِشتَن جانی نَه خِش نِبینَه، حتی تا مَردِه موقع.