پطروسی اوّلین نامَه 2:12 - کتاب مقدس به زبان تالشی شمالی

¹² بی ایمانون دیلَه کا شِمَه کِرِدِکار محترم بِبو تا کسونی که شِمَه ضِد گف ژَنِن که شِمَه اَعمال بَدَه، شِمَه چاکَه اَعمالی ویندِه نَه، روزی کا که خِدا بَویندیمون، اَیی پرستش بِکَرِن.

کتاب مقدس به زبان تالشي - گویش مرکزی

¹² شمَه کارِن بی ایمانون دِلَکا چاک ببو، تا اَیِنی کن شمَه زِرَبَرا گَف بَژَن کن شمه اَعمال بَدَ، شمه چاکَه کارون ویندِه خونه، روجیکا کن خدا بَویندیمون، بَی پرستش بِکَن.

پطروسی اوّلین نامَه 2:12 Iomraidhean Croise

مَتّی 10:25

شاگِردی را وَستَه که اِشتَن اُستادی شیوار بِبو و نوکَری را نی وَستَه اِشتَن اَربابی شیوار بِبو. اَگم کَ صاحیبی نَه بِعِلزِبول یا اِبلیس بَواتین، چِندی وِرتَر چَیی کَ اَهالی، بَدَه نومون نَه دَخونِن؟

مَتّی 5:11

«خَسَه شِمَه بِبو، وختی چِمِن واسی مردم، شِمَه فَش بِدَن و اَذیت آزار بِکَرن و هَر جورَه بَدَه گفی شِمَه ضِد دوروع نَه بوآجِن.

مَتّی 5:16

اِنتَه نی بِدارَه شِمَه نور مردمی چِمی پیشی کا شَفق بِژَنَه تا شِمَه چاکَ كارون بِوینن و شِمَه آسِمونی یَه دَده، سِتایش بِکَرِن.

مَتّی 9:8

وختی مردم اِم اِتِفاقی ویندِشونَه تَرسینَه و خِدا سِتایش کَردِشونَه که اِنتَه رَه اِختیاری آدوعَشه اِنسانون.

انجیل لوقا 1:68

«مُتِوارک بِبو اِسرائیلی خِداوندخِدا. چوم اِشتَن قومی کمکی را اومَه و چَوون آزادی خِرییَشه.

انجیل لوقا 19:44

و تِه خاکی نَه یَکسان بَکَردین، تِه و اِشتِه خِردَنون اِشتِه دیلَه کا. اَوِن نییَرزِن سِنگی، سِنگی سَری کا بومونِه؛ چوم اَ موقعی که خِدا اِشتِه کمکی را اومَه نِفهمِسترَه.»

انجیل لوقا 6:22

«خَسَه شِمَه بِبو، وختی که مردم، اِنسانی زوعَه واسی شِمَه کا بیزار بِبون و شِمَه اِشتَن دیلَه کا بِرون بَرکَرِن و شِمَه فَش بِدن و شِمَه بَدنوم بِکَرِن.

یوحنا 13:31

یهودا بِرون شییِه پَش، عیسی واتِشه: «حِسَه اِنسانی زوعَه جلال گِتِشَه و خِدا اَیی کا جلال گِتِشَه.

رَسولون اَعمال 15:14

شَمعونِ پطرس واتِشه که چِنتَه خِدا اوّلین کَرَه غِیریهودیون لطف کَردَشه، و چَوون دیلَه کا اِشتَن نومی را ایلَه قومی اِنتخاب کَردَشه.

رَسولون اَعمال 24:13

اَوِن نیمَشان اِتهامونی که بَه مِن ژَنِن، ثابِت بِکَرِن.

رَسولون اَعمال 25:7

وختی پولس اومَه دیلَه، یهودیونی که اورشلیمی کا اومَه بینَه، چَیی دُوری کا جمع آبینَه و بَرکَ اِتهامونی اَیی ژَندِشونَه، امّا نِشاستِشونَه اَ اِتهامون ثابِت بِکَرِن.

رَسولون اَعمال 28:22

ولی پیستِمونَه اِشتِه نظری دَرَسَم، چوم بَزنیمون که مردم هَر جِگا کا اِم فِرقه ضِد گَف ژَنِن.»

رومی کلیسارا نامه 12:17

هیچکسی بَدی عوض، بَدی مَکَرَه. بَلکَم کاری بِکَرَه که گِردی نظری کا مُحترمَه.

رومی کلیسارا نامه 13:13

بایَه اِنتَه دُرست رفتار بِکَرم که کَسونی شَئنی کایَه که روزی روشونی کا زندگی بَکَردین. نِه عَیاشی و عَرق هَری کا، نِه زِنا و هَرزِگی کا، نَه جنگ و جَدل و حَسودی کا.

رومی کلیسارا نامه 14:18

هَر کسی که اِنتَه مَسیح خدمت بِکَرِه، خِدا اَیی قبول دارِه و مردم نی اَیی تصدیق بَکَردین.

رومی کلیسارا نامه 15:9

و تا غیریهودیِن، خِدا چَیی رحمتی واسی جلال بِدَن. هَتَه که مقدّس نیویشته اون کا نیویشتَه بییَه که: «بَس از، تِه غیریهودیون دیلَه کا ستایش بَکَردیم، و اِشتِه نومی کا آواز بَخَندیم.»

اوّلین نامَه قورَنتیانیرا 14:25

و اَ آدَمی دیلی سِرِن بَرمَلا بَبین. اَ موقع اِشتَن دیمی سَر زمین بَلَکه و خِدا پرستش بَکَردی و اِعلام بَکَردی که: «حقیقتَن خِدا شِمَه دیلَه کا یَه.»

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 13:7

ولی اَمَه خِدا درگاه کا دعا بَکَردیمون که خَطا مَکَرَه؛ نِه اِمی واسی که معلوم بِبو اَمَه اِم آزمایشی کا سَربِلند بِرون اومَیمونه، بَلکَم شِمَه اَ چیی که دُرستَه اَنجام بِدییَه، حتی اَگم اِنتَه نیشون بِدَه که اَمَه رُفوزَه آبَییمونه.

دوومین نامه قرنتیانیرا 8:21

چوم تَقَّلا بَکَردیمون نِه فقط خِداوندی نظری کا، بَلکَم مردمی دیدی کا نی اَ چیی که چاکَه اَنجام بِدییَم.

نامَه اَفسوسی کلیسارا 2:3

اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

نامَه اَفسوسی کلیسارا 4:22

تا شِمَه قدیمَه زِندگی رَوِشی یعنی اَ قدیمَه آدَمی که دوروعَه پیستَه اون واسطه نَه فاسِد بَه، شِمَه بَدَنی کا بَرورَه.

نامَه فیلیپی کلیسا را 1:27

فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

نامَه فیلیپی کلیسا را 4:8

آخِرسَر، اِی بِرااِن، هَر چی که راستَه، هَر چی که حُرمت هِستِشَه و هَر چی که دُرسته، هَر چی که پاکَه، هَر چی که باب دیلَه و هَر چی که قابل پرستشَه، اَگم چاکَه، اَگم پرستشی اِرزِشی هِستِشَه، چِمون درباره فیکر بِکَرَه.

اوّلین نامَه تَسالونیکی کلیسا را 4:12

تا کسونی پیشی کا که کلیسا بِرونی کا اینَه دُرستی نَه زندگی بِکَرَه و هیچکسی محتاج مَبییَه.

اوّلین نامَه تیموتائوسیرا 2:2

پاُتشا اون و صاحب منصبون را، تا اَمَه بِشایَم آروم و آسوده‌ زِندگی ایی بِدارَم، که هر لحاظی کا دیندار و با وَقار بِبو.

اوّلین نامَه تیموتائوسیرا 4:12

مَرزِن هیچکس اِشتِه جَوونی روک بِزونِه، بَلکَم گف ژندِه کا، کِرداری کا، محبتی کا، ایمانی کا و پاکی کا، گِردِ ایماندارون را سَرمشق بِبَش.

اوّلین نامَه تیموتائوسیرا 5:10

و چاکَه کارون اَنجام دوعِه را معروف بِبو، یعنی: اِشتَن خِردَنون یال آکَردَش بِبو، غریبنواز بِبو، مقدّسون پایون شوشتَش بِبو، و دَردمَندون ویرا بِبو، و اِشتَن وقف هَر جورَه چاکه کار کَردشون بِبو.

نامَه، عِبرانیه نَتاجَه مسیحیونرا 13:18

اَمَه را دعا بِکَرَه، چوم مطمئنیمونَه که چَمَه وجدان پاکَه و پیستِمونَه هَر لحاظی کا سَربلند بِبییَم.

نامَه، عِبرانیه نَتاجَه مسیحیونرا 13:5

شِمَه زِندگی پولدوستی کا دور غَم بَرَه و اَ چیی کا که اِستِرونَه قانع بِبییَه، چوم خِدا واتَشه: «هَرگز تِه وِل آنِکَرِم، و تِه تَنخا نییَرزِم.»

یعقوبی نامَه 3:13

شِمَه دیلَه کا حکیم و عَقلمَند کییَه؟ بِدارَه اَیی اِشتَن چاکه زندگی نَه نیشون بِدَه، اَ، اَعمالی که فروتنی نَه اِستَه و حکمتی کا سَرچشمه بَگتی.

پطروسی اوّلین نامَه 2:15

چوم که خِدا پیستَه اِمَه که شِمَه چاکَه کارون نَه، نادونَه مردمی گفی پیشی که اَخمَقونه یَه بِگِرَه.

پطروسی اوّلین نامَه 3:16

شِمَه وجدانی پاک غَم بَرَه، تا کسونی که شِمَه اِفتِرا ژَنِن، کسونی که شِمَه چاکَه رفتاری مسیح کا بَد بَواتین، شَرمَنده بِبون.

پطروسی اوّلین نامَه 4:11

هَر کسی که گَف ژَنِه، خِداوندی شیوار گف بِژَنه؛ و هَر کسی که خدمت بَکَردی، اَ قدرتی نَه که خِدا آدوعَشَه خدمت بِکَرِه، تا گِردِ چییون کا، خِدا، عیسایِ مَسیح واسطه نَه جلال بِگِرِه. جلال و سلطنت تا اَبَد و تا اَبَد اَیی نَه بِبو. آمین.

پطروسی دومین نامه 3:11

اِمی واسی که گِردِ اِم چییِن کارا نابود بَبین، شِمَه بَسی چِنتَه رَه آدَمونی بِبییَه؟ شِمَه بَسی ایلَه مقدّس و دیندارَه زندگی بِدارَه،