پطروسی اوّلین نامَه 1:4 - کتاب مقدس به زبان تالشی شمالی

⁴ و اِرثی که از بِین نِشو و فاسید نییَب و چیلیکیستَه نییَب که شِمه را آسِمونی کا غَم هَردَه بییَه؛

کتاب مقدس به زبان تالشي - گویش مرکزی

⁴ و میراثی کن مچم و نیفیت آنییَبن و نییَچِلکیست، کن شِمَرا آستامونیکا غَمِشون هردَیَه؛

پطروسی اوّلین نامَه 1:4 Iomraidhean Croise

مَتّی 25:34

دومله پاُتشا کسونی نَه که چَیی راست طرفی کا مَندینَه بَواتی: ”اِی کسونی که چِمِن دَده، شِمَه بَرکت دوعَشَه، بایَه و اَ پاُتشایی كه دنیا اول بُنیادی کا شِمَه را آمادَه بییَه، بِه اِرث بِبَرَه.

مَرقُس 10:17

وختی عیسی راه دَلَکه بَه، ایلَه مِردی ویریتِه ویریتِه اومَه، چَیی پیشی کا زِنگ ژَندِشَه و اَیی کا دَفَرسِشه: «چاکَ اُستاد، چِه بَسی بِکَرِم تا اَبَدی یَه زندگی وارث بِبوم؟»

رَسولون اَعمال 20:32

«حِسَه از شِمَه دَسپارِم بِه خِدا و چَیی فیض بَخشَ کلامی که بَشای شِمَه بَنا بِکَرِه و گِردِ کَسونی دیلَه کا که تَقدیس بَیینَه، اِرث آدَه.

رَسولون اَعمال 26:18

تا چَوون چِمون آکَری، جوری که تاریکی کا نوری را، و شیطانی قدرتی کا آگَردِن خِدا طرف، تا چَوون گناه اِن بَخشِسته بِبون، و اَ ایمانی واسی که بَه مِن هِستِشونَه، کسونی دیلَه کا که مقدّس بَیینه، جِگا بِدارِن.“

رومی کلیسارا نامه 8:17

اَگم خِدا خِردَنویمونه، بَس وارثون نی اِستیمونه، یعنی خِدا وارثِن و مَسیح نَه اِرثی کا شریکیمونه. بِه شرطی که اَمَنی اَیی نه عذاب بِکَشَم، تا اَمَه نی اَیی نَه جلال بِگِرَم.

اوّلین نامَه قورَنتیانیرا 9:25

هَر کسی که مسابقه را بَشی گِردِ چیون کا اِشتَن پیشی بَگَتی. اَوِن اِم کاری بَکَردین تا اَ تاجی که از بِین بَشی بِه‌ دَس بوعَرِن؛ ولی اَمَه اِم کارون بَکَردیمون تا اَ تاجی بِه‌ دَس بوعَرَم که از بِین نِشو.

نامه غلاطیَه کلیسارا 3:18

چوم اَگم اِرث شریعتی کا بِبو، دِ وعده کا نییَه؛ امّا خِدا اَیی وعده راه نَه آدوشَه اِبراهیمی.

نامَه اَفسوسی کلیسارا 1:11

اَمَه چَیی دیلَه کا وارِثون بَیمونه، چوم بینا بَر چَیی پیستَه که گِردِ چییون مطابق اِشتَن اِراده اَنجام بَدای، پیشتری اِنتخاب بَه بیمونَه.

نامَه اَفسوسی کلیسارا 1:14

که چَمَه اِرثی بیعانه یَه تا وختی که اَیی کاملا بِه دَس بواَرَم، تا خِدا جلال ستایش بِبو.

نامَه اَفسوسی کلیسارا 1:18

تا شِمَه دیلی چِمِن روشون آبون، تا اَ اُمیدی که خِدا شِمَه چَیی واسی دَخوندِشه آزونَه، و خِدا اَ بی حَدو اندازه و پُر جلال میراثی، مقدّسون دیلَه کا بِفهمَه،

نامَه کُولُسی کلیسا را 1:12

دَده شُکر بوآجَه که شِمَه قابِل کَردِشَه که اَ میراثی دیلَه کا که مقدسِن، نوری دیلَه کا هِستِشونه اَمَه شریک کَردَشَه.

نامَه کُولُسی کلیسا را 1:5

که اِمِن اَ اُمیدی کا سَرچشمه بَگتین که آسِمونی کا شِمَه را محفوظ اِستَه. اَ اُمیدی که پیشتری چَیی درباره، حَقیقَتی کلامی کا یعنی اِنجیل، دَرَسَرونه،

نامَه کُولُسی کلیسا را 3:24

چوم بَزنیرون که شِمَه پاداش اِرثی اِستَه که خِداوندی کا ویگِرَه. شِمَه خِداوند مسیح خدمت بَکَردیرون.

دِوُّمین نامَه تیموتائوسیرا 4:8

حِسَه نَه بِه بعد، اَ صالِحی تاج، بَه مِرا آمادَه یَه، تاجی که خِداوند، اَ عادلَ داور، اَ روزی کا بَه مِن آدوشَه- نِه فقط بَه مِن، بَلکَم گِردِ کسونی که چَیی ظهوری مشتاق بینَه.

نامَه، عِبرانیه نَتاجَه مسیحیونرا 10:34

چوم شِمَه کسونی نَه که زِندانی بینَه، هَمدردی بَکَردیرون و اَ موقع که شِمَه مال و مَنالی غارت کَردِشونَه، شادی نَه قبول بَکَردیرون. چوم بَزنیرون که شِمَه اِشتَن ایلَه چاکتَرَه مال و مَنالی صاحیبیرونَه که تا اَبَد بَمَندی.

نامَه، عِبرانیه نَتاجَه مسیحیونرا 9:15

و مسیح ایلَه تازه عهدی واسطه یَه، تا کسونی که دعوت بَیینَه بِشان اَ اَبَدی یَه میراثی که خِدا وعده دوعَشَه بِه دَس بواَرِن، چوم ایلَه مرگ اِتِفاق دَلَکَه تا اَوون اَ گناه اونی کا که اوّلین عهدی کا اَنجام بَه، رهایی بِدَه.

یعقوبی نامَه 1:11

هَتَه که آفتاو اِشتَن سوزانَ گَرما نَه پِرا و واشی خِشک آکَرِه و چَیی گُل ویبو و چَیی قشنگی اَز بِین بَشی، ثیروتمندَه آدَم نی اِشتَن کَسب و کاری دیلَه کا از بِین بَشی.

پطروسی اوّلین نامَه 3:9

بَدی، بَدی نَه و فَشی، فَشی نَه جَواو مَدییَه، بَلکَم چَیی عوض بَرَکت طلب بِکَرَه، چوم اِمی واسی دَعوت بَییرونَه تا بَرکت بِه دَس بواَرَه.

پطروسی اوّلین نامَه 5:4

و اَ وختی که شوونَه اون رئیس ظهور بِکَرِه، اَ تاج جلالی که از بِین نِشو، بِه دَس بواَردیرون.

یوحنا موکاشیفَه 21:27

امّا هیچ ناپاکی و هیچ‌کسی که چَیی کارِن دوروع کا و نفرت اَنگیز بِبون، اَصلا نان چَیی دیلَه، بَلکَم فقط کسونی که چَوون نوم وَرَه دفتر حیاتی دیلَه کا نیویشته بییَه، بومَین چَیی دیلَه.