پطروسی اوّلین نامَه 1:3 - کتاب مقدس به زبان تالشی شمالی

³ مُتوارک بِبو خِدا و چَمَه خِداوند عیسایِ مَسیح دَده که اِشتَنش بَرک رَحمتی نَه، عیسایِ مَسیح زِندَه آبییِه واسطه نَه مَردَه اون دیلَه کا، ایلَه تازه تولدی اَمَه بَخشِستِشه، زِنده اُمیدی را

کتاب مقدس به زبان تالشي - گویش مرکزی

³ خدا و چَمه خداوند عیسی مسیح دَدَ موتبارک ببو کن اِشتَن یالَه رَحمتینَه، عیسی مسیح زندَ آبِه واسیطَنَه، مردَاون دلَکا، اَمَش تازَ دِنیا دَگِنستِه ایی بخشِسته، زندَ اومید داشتِه خونه

پطروسی اوّلین نامَه 1:3 Iomraidhean Croise

یوحنا 1:13

اَ خِردَنِن جِسمی کا دنیا اومَه نینَه، گوشت و خونی کا نی دنیا اومَه نینَه، اِنسانی پیستَه کا نی نِبینَه، بَلکَم خِدا کا دنیا اومینَه.

رومی کلیسارا نامه 12:12

اُمیدْی کا شاد بِبییَه، مُصیبَتون کا صبور بِبییَه و همیشه دعا بِکَرَه.

رومی کلیسارا نامه 15:13

بِبو، خِدایی که اُمید بَدای، شِمَه شادی و صُلح و سلامتی کاملی نَه که ایمانی کایَه، پُور آکَرِه، جوری که روح القدسی قدرتی نَه، اُمیدی کا لِبالِب پُور بِبییَه.

رومی کلیسارا نامه 4:25

اَ که چَمَه گناه اون واسی مرگی تسلیم بَه و چَمَه صالِح حساب بییِه واسی، مَردَه اون دیلَه کا زِنده آبَه.

رومی کلیسارا نامه 5:10

چوم اَگم اَ موقعی که خِدا نَه دِشمَن بیمونَه، و چَیی زوعَه مرگی واسطه نه خِدا نَه آشتی دوعَه بیمونَه، چِندی وِرتَر حِسَه که اَیی نَه آشتی کا ایمونه، چَیی زِندگی واسطه نَه اَمَه نجات پیدا بَکَردیمون.

رومی کلیسارا نامه 8:11

اَگم روحی که عیسی مَردَه اون دیلَه کا زِنده آکَردِشه شِمَه دیلَه کا بومونِه، اَیی که مسیح عیسی مَردَه اون دیلَه کا زِنده آکَردِشه، اِشتَنِش روح واسطه نَه که شِمَه دیلَه کایَه، شِمَه مَردَه بَدَنون نی زِندگی آدَه.

رومی کلیسارا نامه 8:24

چوم هِم اُمیدی نَه نجات پیدا کَردِمونه. حِسَه اُمیدی که ویندَه بَبی، دِ اُمید نییَه. چوم که چِنتَه ایی نفر بَشای چیی که بَویندی اُمید دَوَندِه؟

اوّلین نامَه قورَنتیانیرا 13:13

بَس حِسَه، اِم سِه گِله چی باقی بَمَندی: ایمان، اُمید و محبت. امّا چِمون دیلَه کا محبت یالتَرینَه.

اوّلین نامَه قورَنتیانیرا 15:20

ولی مسیح حَقیقتَن مَردَه اون دیلَه کا زِنده آبییَه و اوّلین کسی یَه که مَردَه اون دیلَه کا زِنده آبییَه.

دوومین نامه قرنتیانیرا 1:3

مُتِوارک بِبو خِدا، چَمَه خِداوند عیسایِ مسیح دَده، که رَحمتون دَده یَه و گِردِ تَسلیون دَده یَه؛

نامه غلاطیَه کلیسارا 6:16

گِردِ کسونی را که اِم قانونی نَه رفتار بَکَردین، صُلح و سلامتی و رَحمت اَوون را و اِسرائیلِ خِدا را بِبو.

نامَه اَفسوسی کلیسارا 1:17

تا چَمَه خِداوند عیسایِ مسیح خِدا، اَ پُر جلال دَده، حکمت و مکاشفه روح آدَه شِمَه، تا اَیی آزونَه،

نامَه اَفسوسی کلیسارا 1:3

مُتوارک بِبو خِدا و چَمَه خِداوند عیسایِ مسیح دَده، که اَمَه مسیح کا هَر بَرکت روحانی نَه،آسِمونی یَه جِگا اون کا بَرکت دوعَشَه.

نامَه اَفسوسی کلیسارا 1:7

اَمَه مسیح دیلَه کا چَیی خونی واسطه نَه آزادی هِستِمونه، که اِم هَ خَطا اون بخشِستِه یَه، که اَیی، اِشتَن بَرکَ فیضی قَدر،

نامَه اَفسوسی کلیسارا 2:4

امّا خِدایی که چَیی رَحم بَرک وِرَه، اِشتَن بَرکَ محبتی واسی اَمَه نَه خِش بَه،

نامَه اَفسوسی کلیسارا 3:20

حِسَه، جلال بَر خِدایی بِبو که بَشای اَ قدرتی واسطه نَه که چَمَه دیلَه کا کار بَکَردی، بَرک وِرتَر اَ چیی کا که اَمَه خَیال بَکَردیمون یا بِپییَم، عمل بِکَردی،

نامَه کُولُسی کلیسا را 1:23

بِه شرطی که راس راسی شِمَه ایمانی کا قُرص و پابَرجا بومونه و اَ اِنجیلی اُمیدی کا تَکان مَرَه. اِم هَ اِنجیلی یَه که گِردِ خِلقتی را آسِمونی جیری کا اِعلام بَه، و اَز، پولُس، چَیی خادم بَییمَه.

نامَه کُولُسی کلیسا را 1:27

خِدا اِنتَه پیستِشَه که اَوِن آزونِن که اِم سِرّ غیریهودیون دیلَه کا، چِه بَرکَ جلالی هِستِشه. اَ سِرّ اِمَه که مَسیح شِمَه دیلَه کا جلالی اُمیدَه.

اوّلین نامَه تَسالونیکی کلیسا را 1:3

شِمَه کار که ایمانی کایَه و زحمتی که محبتی کا کَشَه و شِمَه پایداری اُمید که چَمَه خِداوند عیسایِ مسیح کایَه، خِدا و چَمَه آسمونی یَه دَده پیشی کا، ویر بَواَردیمون.

اوّلین نامَه تَسالونیکی کلیسا را 4:13

ولی اِی بِرااِن، اَمَه نِپیستِمونَه اَ ایماندارونی درباره که مَردَه اینه بی خَور بِبییَه، نَبادا دییَر مردمی شیوار که اُمیدی نِدارِن، ماتم بِگِرَه.

دوّمین نامَه تَسالونیکی کلیسا را 2:16

حِسَه چَمَه خِداوند عیسایِ مسیح اِشتَن و چَمَه دَده، خِدا، که اَمَه نَه خِش بَه و فیضی واسطه نَه، اَمَه اَبَدی یَه تَسلی و چاکه اُمیدی آدوشَه،

اوّلین نامَه تیموتائوسیرا 1:14

و چَمَه خِداوندی فیض، اَ ایمان و محبتی نَه که مسیحْ عیسی کایَه، فَت و فَراوون چِمن سَری کا ویبَه.

نامَه تیتوسیرا 2:13

و چَمَه اَ مِوارکَه اُمیدی مُنتظِر بومونَم، یعنی چَمَه خِدای عظیم و چَمَه نجات دَهنده عیسایِ مسیح جلالی آشکار آبییِه،

نامَه، عِبرانیه نَتاجَه مسیحیونرا 3:6

امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم.

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 1:21

شِمَه که چَیی واسطه نَه بِه خِدا ایمان وَردَرونه، اَ خِدایی که اَیی مَردَه اون دیلَه کا زِنده آکَردِشه و جلال دوشَه، تا شِمَه ایمان و امید بِه خِدا بِبو.

پطروسی اوّلین نامَه 1:23

چوم شِمَه هَنی از نو دُنیا اومَیرونه نِه اَ تُخمی نَه که از بِین بَشی بَلکم اَ تُخمی نَه که از بِین نِشو، یعنی خِدا کلامی واسطه نَه که زِنده یَه و تا اَبَد باقی بَمَندی.

پطروسی اوّلین نامَه 2:2

و تَرَه خِردَنون شیوار، پاکَه روحانی یَه شِتی ذوقی بِدارَه تا چَیی واسطه نَه شِمَه نجاتی کا رُشد بِکَرَه،

پطروسی اوّلین نامَه 3:15

بَلکَم شِمَه دیلی کا مَسیح خِداوندی مقدّس بِزونَه و اَیی اِحترام بِنییَه و هَمیشه حاضر بِبییَه تا هَر کی اَ اُمیدی دلیلی دَفَرسِه که شِمَه دیلَه کایَه، چَیی جَواوی بِدییَه، البته نرمی و اِحترامی نَه.

پطروسی اوّلین نامَه 3:21

و اَ آو اَ غُسل تعمیدی نِمونه یَه که حِسَه شِمَه نجات بَدای، ایلَه تعمیدی که تَنی کثیفی را نییَه، بَلکَم ایلَه پاک وجدانی آرزویَه که پیستِشَه خِدا بِوینِه. اِم تعمید عیسایِ مَسیح زِندَه آبییِه واسطه نَه شِمَه نجات بَدای.

پطروسی اوّلین نامَه 3:5

چوم که قدیمی یَه مقدّسَ ژِنَکِن که خِدا اُمید دارین، اِشتَن اِنتَه خوشگیل آکَرین. اَوِن اِشتَن مِردَکون کا فرمان بَبَردین،

یوحنا اوّلین نامَه 2:29

اَگم زونِستَرونه که اَ صالِح اِستَه، بَزونیرون اَ کسی که صالِح بییِه، بِه جا بواَردی، اَیی کا دنیا اومَه.

یوحنا اوّلین نامَه 3:3

هَر کسی که اَیی، اِنتَه رَه امیدی اِستِشَه، اِشتَن پاک بَکَردی، هَتَه که اَ پاک اِستَه.

یوحنا اوّلین نامَه 3:9

اَ کسی که خِدا کا دنیا اومَه گناه دیلَه کا زندگی نِکَرِه، چوم خِدا ذات چَیی دیلَه کا بَمَندی؛ اَ آدَم نیمَشا گناه کَردِه اِدامه بِدَه، چوم که اَ آدَم خِدا کا دنیا اومَه.

یوحنا اوّلین نامَه 4:7

اِی عزیزِن، یَندی محبت بِکَرَم، چوم محبت خِدا کا یَه و هَر کسی که محبت بَکَردی، خدا کا دنیا اومَه و خِدا آزونِه.

یوحنا اوّلین نامَه 5:1

هَر کسی که ایمان هِستِشه عیسی هَ مسیحِ موعود اِستَه، خدا کا دنیا اومَه؛ هَر کسی که دَده نَه خِشَه، کسی نَه که اَیی کا دنیا اومَه نَه نی خِشَه.

یوحنا اوّلین نامَه 5:18

اَمَه بَزونیمون که هَر کسی که خِدا کا دنیا اومَه، گناه اِدامَه نِدَه، بَلکَم عیسی که ’خِدا کا دنیا اومَه‘ اَئی حفظ بَکَردی و اَ شَریری دَس بَیی آنِرَستِه.

یوحنا اوّلین نامَه 5:4

چوم هَر کسی که خِدا کا دنیا اومَه، دنیا اَفجور بَبی. چَمَه ایمان، اَ پیروزی اِستَه که دنیا شِکست دوعَشَه.