پطروسی اوّلین نامَه 1:22 - کتاب مقدس به زبان تالشی شمالی

²² حِسَه که حقیقتی کا اِطاعت کَردِه نَه، شِمَه جانون پاک آکَردَرونه، تا بی ریایَه بِرااون نَه محبت بِدارَه، یَندی نَه خالِص و پاکَ دیلی نَه خِش بِبییَه.

کتاب مقدس به زبان تالشي - گویش مرکزی

²² ایسَه کن حَییقتیکا فِرمون بَردِنَه، اِشتَن جانون پاجا آکَردَرون تا بی ریا و برا اَ موحبَت بِدارَ، خالیصانه و پاجا اَ دِلینه یَندِ رَی بِدارَ.

پطروسی اوّلین نامَه 1:22 Iomraidhean Croise

یوحنا 15:17

اَز اِم چییون شِمَه را حُکم بَکَردیم تا یَندی نَه خِش بِبییَه.

یوحنا 15:3

شِمَه حِسَه اَ کلامی واسی که شِمَه نَه واتَمه، پاکی رونَه.

یوحنا 17:17

اَوون حقیقتی کا تَقدیس بِکَه؛ اِشتِه کلام حقیقتَه.

یوحنا 17:19

اَز اِشتَن چَوون واسی وقف بَکَردیم، تا اَوِن نی اِشتَن حقیقتی کا وقف بِبون.

رَسولون اَعمال 15:9

خِدا چَمَه و چَوون میانه کا هیچ فرقی نِنوشه، بَلکَم ایمانی واسی، چَوون دیلون پاک آکَردِشه.

رَسولون اَعمال 6:7

بَس خِدا کلام گِردِ جِگا کا کارا پَخش آبی و شاگِردون تعداد اورشلیمی کا بَرک وِر آبَه و یهودی کاهِنون کا نی، ایلَه یالَ جماعت ایمان وَردِشونَه.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 2:8

امّا خودخواهَ آدَمون را و کسونی را که حقیقتی کا اِطاعت نِکَرِن، بَلکَم ناراستی کا اِطاعت بَکَردین، غیض و غَضَبی ویکَرِه.

رومی کلیسارا نامه 8:13

چوم اَگم مطابق جِسم زِندگی بِکَرَه، بَمَردیرون؛ امّا اَگم خِدا روح واسطه نَه، کارونی که بَدن بَکَردی بِکِشَه، زِندگی بَکَردیرون.

دوومین نامه قرنتیانیرا 6:6

پاکی نَه، دانایی نَه، صَبری نَه، میهروونی نَه، روح القدسی نَه، خالصَه محبتی نَه،

نامه غلاطیَه کلیسارا 3:1

اِی نادونَه غَلاطیِین، کی شِمَه جادو کَردَشه؟ عیسایِ مسیح مَرگ هِندی شِمَه را آشکارا واتَه بَه که اِنگاری اَ شِمَه چِمون پیشی کا مصلوب بَه.

نامه غلاطیَه کلیسارا 5:5

چوم که اَمَه خِدا روح واسطه نَه، ایمانی نَه، اَ صالِحی مُنتظریمونه که چَمَه اُمیدَه.

نامه غلاطیَه کلیسارا 5:7

چاک کارا ویریتیرون. کی شِمَه پیشی گِتِشَه تا حقیقتی کا اِطاعت مَکَرَه؟

نامَه اَفسوسی کلیسارا 4:3

تَقَّلا بِکَرَه تا اَ ایلَه بییِه ای که خِدا روح کا یَه، صُلح و سلامتی کا غَم بَرَه.

نامَه فیلیپی کلیسا را 1:9

چِمِن دعا اِمَه که شِمَه مُحبت وِرتَر و وِرتَر آبو، دانایی و فهم کاملی نَه هَمراه بِبو،

اوّلین نامَه تَسالونیکی کلیسا را 3:12

و هَتَه که چَمَه محبت، شِمَه را وِر آبو، خِداوند شِمَه محبتی یَندی نَه و گِردِ مردمی را وِر آکَرِه.

دوّمین نامَه تَسالونیکی کلیسا را 1:3

اِی بِرااِن، اَمَه بَسی همیشه خِدا شِمَه واسی شُکر بِکَرَم، دُرُست نی هِمَه، چوم شِمَه ایمان هِنتَه رُشد بَکَردی و شِمَه هَر کمیلَه محبت یَندی را وِرتَر بَبی.

دوّمین نامَه تَسالونیکی کلیسا را 2:13

امّا اِی بِرااِنی که خِدا را عزیز گِرامی ایرونه، اَمَه بَسی همیشه خِدا شِمَه واسی شُکر بِکَرَم، چوم خِدا شِمَه نوبری شیوار اِنتخاب کَردِشه که نجات پیدا بِکَرَه، اَ تقدیسی واسطه نَه که خِدا روح نَه اَنجام بَبی و حقیقتی ایمان داشتِه نَه.

اوّلین نامَه تیموتائوسیرا 1:3

هَتَه که وختی کارا بَشیم مقدونیه منطقه را بَه تِه کا خواهیشت کَردِمَه، هَنی بَه تِه کا پیستِمَه اَفِسُسی شهری کا بومونی تا بَعضیون دستور بِدَی که هِی جور بَه جورَه تعلیم مَدَن.

اوّلین نامَه تیموتائوسیرا 1:5

چَمَه منظور اِم دستوری کا محبتَه، محبتی که پاکه دیلی کا، و چاکَه وجدان و خالصَ ایمانی کایَه.

اوّلین نامَه تیموتائوسیرا 4:12

مَرزِن هیچکس اِشتِه جَوونی روک بِزونِه، بَلکَم گف ژندِه کا، کِرداری کا، محبتی کا، ایمانی کا و پاکی کا، گِردِ ایماندارون را سَرمشق بِبَش.

اوّلین نامَه تیموتائوسیرا 5:2

و پیرَه ژِنَکون نی اِشتِه نَنه اون شیوار، و جَوونَ ژِنَکون اِشتِه خالا اون شیوار، تمون پاکی کا.

دِوُّمین نامَه تیموتائوسیرا 1:14

روح القدسی واسطه نَه که چَمَه دیلَه کا یَه، اَ چاکَه اَمانتی کا که بَه تِن دَسپارده بییَه، محافظت بِکَه.

نامَه، عِبرانیه نَتاجَه مسیحیونرا 11:8

ایمانی نَه بَه که وختی اِبراهیم دعوت بَه، اِطاعَت کَردِشه و رایی بَه، شَه اَ جگایی که بَسی بِه ارث بِبَری، و بیدون اِمکه بِزونِه کییا کارا بَشی رایی بَه.

نامَه، عِبرانیه نَتاجَه مسیحیونرا 13:1

بِرا اونَه مُحبت شِمَه دیلَه کا بَرقَرار بِبو.

نامَه، عِبرانیه نَتاجَه مسیحیونرا 5:9

و اَ موقع که کامل آبَه، گِردِ کسونی را که اَیی کا اِطاعَت بَکَردین، اَبَدی یَه نجاتی سَرچِشمه بَه.

نامَه، عِبرانیه نَتاجَه مسیحیونرا 6:10

چوم که خِدا بی اِنصاف نییَه که شِمَه کار و محبتی که چَیی نومی واسی، مقدّسون خِدمتی کا نیشون دوعَه رونَه ویر بَرکَرِه، هَتَه که حَلا نی کارا بَکَردیرون.

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!

یعقوبی نامَه 1:21

بَس هَر جورَه فِساد و هَر جورَه شِرارتی اِشتَن کا دور آکَرَه و فروتنی نَه، کلامی که خِدا شِمَه دیلی دیلَه کا نِشا کَردَشه قبول بِکَرَه. اَ کلامی که بَشای شِمَه جانون نِجات بِدَه.

یعقوبی نامَه 4:8

بِه خِدا نِزدیک آبییَه، که اَ نی شِمَه نِزدیک بَبی. اِی گناه کارِن، شِمَه دَسون پاک آکَرَه، و اِی دِ دیلِن، شِمَه دیلون پاک آکَرَه.

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 2:17

گِردی حُرمَت بِکَرَه. بِرااون مُحبت بِکَرَه. خِداتَرس بِبییَه. پاُتشا اِحترام بِکَرَه.

پطروسی اوّلین نامَه 3:1

هِنتَه نی، شِمَه اِی ژِنَکِن، شِمَه مِردَکون کا اِطاعت بِکَرَه تا حتی اَگم بعضی اِن خِدا کلامی کا اِطاعت نِکَرِن، بی اِمکه شِمَه اَوون نَه چیی بوآجَه، شِمَه رفتاری واسی ایمان بواَرِن،

پطروسی اوّلین نامَه 3:20

چوم اَ اَرواحی که قدیمَه اَیامی کا نافرمونی کَردَشون بَه، اَ موقع که نوح دورانی کا، کشتی کارا وَج آبی، خِدا صبری نَه منتظر بَه. اَ کَشتی دیلَه کا فقط چَن گِله آدَم، یعنی هَشت نفر بینَه، که آوی واسطه نَه نِجات پیدا کَردِشونَه.

پطروسی اوّلین نامَه 3:8

آخِرسَر، شِمَه گِرد، یَک فیکر و یَکدیل و بِرا دوست و دیلَسوج و فروتن بِبییَه.

پطروسی اوّلین نامَه 4:17

چوم زمانی آرَستِه که داوری، خِدا کَ کا شروع بِبو؛ و اَگم اَمَه کا شروع بِبو، کسونی آخِرعاقبت که خِدا اِنجیلی کا اِطاعت نِکَرِن، چِه بَبی؟

پطروسی اوّلین نامَه 4:8

گِردی کا مُهمتَر، یَندی نَه صِدق دیلی نَه خِش بِبییَه، چوم که خِش بییِه، وِرَه گناه اون پوشونِه.

پطروسی دومین نامه 1:7

و دینداری نَه، برااون نَه خِش بییِه و برااون نَه خِش بییِه نَه، مُحبت.

یوحنا اوّلین نامَه 3:11

اِم هَ پیغومی یَه که صِفته نَه دَرَسِرونه، که بَسی یَندی نَه خِش بِبییَم.

یوحنا اوّلین نامَه 3:23

و چَیی حُکم اِمَه که چَیی زوعَه عیسای مسیح نومی ایمان بواَرَم و یَندی محبت بِکَرَم، هَتَه که بَمون دستور دوعَشَه.

یوحنا اوّلین نامَه 4:12

هیچ‌ کس هیچ وخت خِدا ویندَه نیشه؛ امّا اَگم اَمَه یَندی نه خِش بِبییَم، خِدا چَمَه دیلَه کا بَمَندی و چَیی محبت چَمَه دیلَه کا کامل بَبی.

یوحنا اوّلین نامَه 4:20

اَگم کسی بوآجِه که خِدا نَه خِشَه امّا اِشتَن بِرا کا بیزار بِبو، اَ آدَم دورعَه واجَه. چوم کسی که اِشتَن بِرایی نَه که بَویندی خِش نییَه، نیمَشای خِدایی نَه که ویندَه نیشَه، خِش بِبو.

یوحنا اوّلین نامَه 4:7

اِی عزیزِن، یَندی محبت بِکَرَم، چوم محبت خِدا کا یَه و هَر کسی که محبت بَکَردی، خدا کا دنیا اومَه و خِدا آزونِه.

یوحنا موکاشیفَه 2:4

«امّا از اِم شکایتی بَه تِه کا هِستِمَه که اَ محبتی که اَوّل داریش وِل آکَردَرَه.