پطروسی اوّلین نامَه 1:12 - کتاب مقدس به زبان تالشی شمالی

¹² اَوون را آشکار آبَه که نِه اِشتَن، بَلکَم شِمَه را خدمَت بَکَردین، اَ موقع که اَ چییونی درباره گَف ژَنین که حِسَه اَیی اِنجیلی پیغوم آوَرون کا دَرَسَه. اَوونی کا که روح القدسی واسطه نَه که آسِمونی نَه ویسا آبَه، اَ خوشَ خَوَری شِمَه را بَداین. حتی ملائیکَه اِن نی آرزو دارِن اَ چییون بِوینِن.

کتاب مقدس به زبان تالشي - گویش مرکزی

¹² چَوونرا دیار آبَه کن نِه کم بَشتَن بَسکم بَشِمَه خیدمت اَکَرینَه، اَموقه کن اَ چییونی خونه گَف اَژَنینَه کن ایسَه چَوون خونه اِنجیلی پَیغوم اَوَرونکا دَنّرست، اَیِنیکا کن خدا موقدسَه روح خونه کن آستامونیکا عَندَشونَه، خَشه خَبری بَشِمَه آنَّدا. حتی فرشتَه اِن نی اِم چییون ویندِ طَمارزو بَداشتین.

پطروسی اوّلین نامَه 1:12 Iomraidhean Croise

مَتّی 11:25

هَ موقع عیسی واتِشه: «اِی دَده، اِی آسِمون و زمینی خِداوند، تِه شُکور بَواتیم كه اِم چییون، دانایون و عاقل آدَمون کا نِین آکَردَرَه و خِردَنون را آشکار آکَردَرَه.

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

مَتّی 16:17

عیسی واتِشه: «اِی شَمعون، یونا زوعَه! خَسَه تِه بِبو! چوم اِنسان، اِمی بَه تِرا آشکار آکَردَه نیشَه، بَلکَم چِمِن آسِمونی یَه دَده اِمی بَه تِرا آشکار آکَردِشه.

مَرقُس 16:15

و اَوون نَه واتِشه: «بِشه گِردِ دنیا را و اِنجیلی خوشَ خَوَری گِرد خَلایقی را اِعلام بِکَرَه.

انجیل لوقا 15:10

شِمَه نَه بَواتیم، هَتَه نی، ایلَه گناهکاری توبه کَردِه را، خِدا ملائیکه اون دیلَه کا، شادی بَرپا بَبی.»

انجیل لوقا 2:26

روح القدس بَیی آشکار آکَردَش بَه که تا خِداوندی مسیح مَوینه، نِمِرِه.

انجیل لوقا 9:6

بَس اَوِن راه دَلَکینه، دِه به دِه گردین و گِرد جِگاکا، خِدا پاُتشایی خوشَ خَوَری اِعلام بَکَردین و مریضون شَفا بَداین.

یوحنا 15:26

«امّا وختی اَ یاور که دَده وَری کا شِمَه را ویسا آکَرِم بومَی، یعنی هَ روح حقیقت که دَده وَری کا بومَی، اَ چِمِن درباره شهادتی بَدای.

رَسولون اَعمال 10:44

پطرس حَلا کارا گَف ژَنی که روح القدس گِردِ کسونی سَر قرار گِتِشه که اَ پَیغومی دَرَسین.

رَسولون اَعمال 16:10

وختی پولس اِم رؤیا ویندِشه، اَلبَحَل مقدونیه را رایی بیمونَه، چوم مطمئن بیمونَه که خِدا اَمَه دَخوندَشه تا اِنجیلی خوشَه خَوَری آدییَم اَوون.

رَسولون اَعمال 2:33

عیسی بَردَه بَه کَفا خِدا راستَ دَسی را و آسِمونی یَه دَده کا، روح‌ القدسِ موعودی ویگِتِشه و ویکَردِشه چَمَه سَری کا، اِمی که حِسَه بَویندیرون و دَرَسَه.

رَسولون اَعمال 4:31

چَوون دعا کَردِه پَش، جِگایی که اَیی کا جمع آبَه بینَه لَرزِستَه و گِرد روح القدسی کا پُور آبینَه، و خِدا کلامی دیل و جرئتی نَه بَواتین.

رَسولون اَعمال 4:8

دومله پطرس روح القدسی کا پور آبَه، چَوون جَواوی کا واتِشه: «اِی قومی پیلَه تَرِن و شیخِن،

رَسولون اَعمال 8:25

پطرس و یوحنا بعد از اِم که شهادتی دوشونَه و خِداوندی کلامی اِعلام کَردِشونَه، آگَردِستینَه اورشلیمی را و راه دیلَه کا سامِرَه وِرَه دِه اون کا اِنجیلی شادَه خَوَری اِعلام کَردِشونَه.

رومی کلیسارا نامه 1:15

اِمی واسی، وِر مُشتاقیمَه که اِنجیلی شِمَه را که رومی دیلَه کا زندگی بَکَردیرون، اِعلام بِکَرِم.

رومی کلیسارا نامه 1:17

چوم اِنجیلی کا، اَ صالح بییِه ای که خِدا کایَه آشکار آبو، که اوّلی نَه تا آخِر، ایمانی سَر پابَرجایَه. هَتَه که حَبَقوق پیغمبری کیتابی کا نیویشتَه بییَه که: «صالحَ آدَم ایمانی نَه زِندگی بَکَردی.»

رومی کلیسارا نامه 10:15

و چِنتَه موعظه بِکَرِن، اَگم ویسا آمَبون؟ هَتَه که اِشعَیای پِیغمبری کیتابی کا نیویشتَه بییَه: «کسونی پا اِن که اِنجیلی خوشَه خَوَری موعظه بَکَردین، چِه خاصی نَه.»

رومی کلیسارا نامه 15:19

اَ اِمی علامت و مُعجزه اون قدرتی نَه، یعنی خِدا روح قدرتی نَه اَنجام دوعَشَه، هَتَه که اورشلیمی نَه شیمَه تا ایلیریکوم، مسیح اِنجیلی خِدمتی کامل، اَنجام دومَه.

اوّلین نامَه قورَنتیانیرا 2:10

خِدا اِشتَن روح واسطه نَه، اِم چییون اَمَه را آشکار آکَردَشَه. چوم که خِدا روح گِردِ چیون گَردِه، حتی خِدا عَمیقترین سِرّون نی.

دوومین نامه قرنتیانیرا 1:22

و اَ اِشتَن مُهری چَمَه سَری کا ژَندِشَه و اِشتَن روح، ایلَه بَیانه شیوار چَمَه دیلون کا نوعَشه.

دوومین نامه قرنتیانیرا 6:6

پاکی نَه، دانایی نَه، صَبری نَه، میهروونی نَه، روح القدسی نَه، خالصَه محبتی نَه،

نامه غلاطیَه کلیسارا 1:12

چوم اَز اَیی هیچ اِنسانی کا ویگِتَه نیمَه، و کسی نی اَیی مِن آموتَه نیشَه؛ بَلکَم عیسایِ مسیح اَیی بَه مِرا آشکار آکَردِشَه.

نامه غلاطیَه کلیسارا 1:16

اِشتَن زوعَه بَه مِن کا آشکار آکَرِه تا غیریهودیون دیلَه کا اَیی اِعلام بِکَرِم، اَ موقع از جسم و خونی نَه مشورت نِکَردِمه،

نامَه اَفسوسی کلیسارا 3:10

تا کلیسا واسطه نَه، خِدا جور بَه جور حِکمت، رئیسِن و قدرتِن، آسمونی یَه جِگا اون کا آشکار آبو.

اوّلین نامَه تَسالونیکی کلیسا را 2:9

چوم شِمَه اِی بِرااِن، چَمَه زحمت و کار کَردِه شِمَه ویری کایَه: که شَواَندَه روز کار بَکَردیمون تا وختی که خِدا اِنجیلی شِمَه را اِعلام بَکَردیمون، هیچکسی سَربار مَبییَم.

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

نامَه، عِبرانیه نَتاجَه مسیحیونرا 11:13

اِمِن گِرد ایمانی دیلَه کا مَردی نَه، بی اِمکه وعده اون ویگِرِن، ولی اَوون دوری نَه ویندِشونَه و اَوون را سلام کَردِشونَه. و قبول کَردِشونَه که زمینی کا، غریبی نَه.

نامَه، عِبرانیه نَتاجَه مسیحیونرا 2:4

هَتَه که خِدا نی، جور بَه جورَه نیشونَه و عجیب غریبَه مُعجزه اون، و روح القدسی عَطیَه اون که طبق اِشتَن اِراده آدَه، اَ نجاتی را شهادتی دوشَه.

نامَه، عِبرانیه نَتاجَه مسیحیونرا 4:2

چوم بَمون را نی چَوون شیوار خوشَ خَوَر آرَستَه. امّا پِیغومی که اَوِن دَرَسِشونَه، چَوون را منفعتیشی نِبَه، چوم وختی که اَیی دَرَسِشونَه ایمانی نَه گوش نِدوشونَه.

پطروسی اوّلین نامَه 1:25

امّا خِداوندی کلام تا اَبَد بَمَندی.» و اِم کلام، اَ خوشَ خَوری یَه که شِمَه را اِعلام بَه.

پطروسی اوّلین نامَه 4:6

چوم اِمی واسی یَه که اِنجیل حتی کسونی را که مَردَه اینَه، موعظه بَه تا هَر چَن جِسمی کا آدَمون نَه داوری بینَه، امّا روح کا هَتَه که خِدا پیستَه یَه زندگی بِکَرِن.

یوحنا موکاشیفَه 5:11

دومله دَیشتیمَه و وِرَه ملائیکه اون سَسی دَرَسِمَه، که اَ تخت و زِنده مخلوقون و اَ پیرون دُور آکَردَشون بَه. چَوون تعداد دَسته دَسته هَزارون هَزار بینَه.