یوحنا اوّلین نامَه 5:6 - کتاب مقدس به زبان تالشی شمالی

⁶ اَ هَ کسی یَه که آو و خونی نَه اومَه، یعنی عیسایِ مسیح. نِه فقط آوی نَه، بَلکَم آو و خونی نَه؛ و خِدا روح اِستَه که شهادتی بَدای، چوم خِدا روح، حَقیقتَه.

کتاب مقدس به زبان تالشي - گویش مرکزی

⁶ اَ کن آو و خونینَه آمَه، یعنی عیسی مسیح. نِه تاکَه آوینَه، بَسکم آو و خونینَه؛ و خدا روحَه کن شاهیدی دَرِ، اِمی خونه کن خدا روح، حَییقتَه.

یوحنا اوّلین نامَه 5:6 Iomraidhean Croise

مَتّی 26:28

چوم اِم چِمِن خون اِستَه كه اِم تازه عَهدی، اَیی نَه مهر بَکَردیم. چِمِن خون ویبو تا وِرَه آدَمون گناه اِن بَخشِستَه بِبون.

مَتّی 3:16

عیسی غسل تعمید گِتَه پَش تا آوی کا اومَه بِرون آسِمونِن آبینَه و اَ ویندِشَه که خِدا روح ایلَه کَفتری شیوار اومَه جیر و عیسی سَری کا قرار گِتِشَه.

مَرقُس 14:24

و اَوون نَه واتِشه: «اِم چِمِن خونَه که اَیی نَه تازه عَهدی مهر بَکَردیم. چِمِن خون وِر کَسون را ویبو.

انجیل لوقا 22:20

هِنتَه نی، سورَه پَش قَدَرَه پِگِتِشه و واتِشه: «اِم قَدَره چِمِن خونَ كه اِم تازه عَهدی، اَیی نَه مهر بَکَردیم و چِمِن خون شِمَه واسی ویبو.

یوحنا 14:17

یعنی روح حقیقت که دنیا نیمَشا اَیی قبول بِکَره، چوم که اَیی نِه بَویندی و نِه آزونِه. شِمَه اَیی آزونَه، چوم که اَ شِمَه نَه بَمَندی و شِمَه دیلَه کا بَبی.

یوحنا 14:6

عیسی اَیی نَه واتِشه: «اَز راه و حقیقت و زندگی اِستیمَه؛ هیچکس نیمَشا بِشو آسِمونی یَه دَده وَر مَگم چِمِن واسطه نَه.

یوحنا 15:26

«امّا وختی اَ یاور که دَده وَری کا شِمَه را ویسا آکَرِم بومَی، یعنی هَ روح حقیقت که دَده وَری کا بومَی، اَ چِمِن درباره شهادتی بَدای.

یوحنا 16:13

وختی حقیقتی روح بومَی، شِمَه گِردِ حقیقتی را رهبری بَکَردی؛ چوم اَ اِشتَن طَرفی نَه گَف نِژَنِه، بَلکَم اَ چیی که دَرَسِه بَواتی و اَ چیی کا که در پیش اِستَه شِمَه خَوَردار بَکَردی.

یوحنا 3:5

عیسی جَواو دوشَه: «حقیقتن، تِنَه بَواتیم، تا کسی آو و خِدا روح کا دنیا ما، نیمَشا خِدا پاُتشایی دیلَه دَشو.

یوحنا 4:10

عیسی ژِنی نَه واتِشه: «اَگم خِدا هدیه کا خَوَرِر اِستبَه و بَزنیش که کییَه تِنَه بَواتی :”ایی چِله آو بَه مِن آدَه“ تِه اَیی کا بَپیستیش و اَ بَه تِن زِندگی بَخشَ آو آدَی.»

یوحنا 4:14

امّا هَر کسی اَ آوی کا که اَز اَیی آدَم بِنجه، هَرگز هَنی تِشیرش نییَب، آوی که اَز آدَم چَیی وجودی کا ایلَه خانیی شیوار بَبی که تا اَبَدی یَه زندگی هَتَه بَگِلِستی و لَبریز بَبی.»

یوحنا 6:55

چوم چِمِن بَدن حقیقی یَه نون و چِمِن خون حقیقی یَه آو اِستَه.

رَسولون اَعمال 8:36

هَتَه که راه کا پیش بَشین، آرَستینَه جِگایی که آو اِستبَه. خواجه واتِشه: «دَیِس، اییا کا آو اِستَه! حِسَه چِه بَشای چِمِن پیشی بِگِرِه تا غسل تعمید مَگِرِم؟»

رومی کلیسارا نامه 3:25

خِدا، عیسایِ مسیح گناه اون کفاره شیوار نوشَه، اَ کفّاره‌ای که چَیی خونی نَه و ایمانی راه نَه بِه دَس بومَی. اِم، خِدا عِدالتی نیشون دوعِه واسی بَه، چوم اَ اِشتَن الهی یَه صبری نَه، اَ گناهونی که پیشتری اِتفاق دَلَکه بینَه، نَدید گِتِشه.

نامَه اَفسوسی کلیسارا 1:7

اَمَه مسیح دیلَه کا چَیی خونی واسطه نَه آزادی هِستِمونه، که اِم هَ خَطا اون بخشِستِه یَه، که اَیی، اِشتَن بَرکَ فیضی قَدر،

نامَه کُولُسی کلیسا را 1:4

چوم که اَمَه شِمَه ایمانی درباره مسیحْ عیسی کا و محبتی که گِردِ مقدّسون را هِستِرونه، دَرَسَمونه.

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

نامَه تیتوسیرا 3:5

اَ اَمَه نجات دوشَه. اِم نجات نِه چَمَه چاکَه کارونی واسی که صالِحی کا کَردَمون بَه، بَلکَم اِشتَن رَحمتی واسی، و اَ شوشتِه ای راه کا بَه که چَیی واسطه نَه روح القدوس اَمَه تولد تازه و تازه زندگی آدوعَشَه،

نامَه، عِبرانیه نَتاجَه مسیحیونرا 10:29

شِمَه خَیال بَکَردیرون اَ کسی حق که خِدا زوعَه پا جیر بِنَه، و اَ عهدی خون که اَیی را وقف بییَه بی حُرمت کَردَشَه، و فیضی روح بی عزّت کَردشَه، چِه چَتین تَرَه مجازاتی چَیی سَر بومَی؟

نامَه، عِبرانیه نَتاجَه مسیحیونرا 12:24

و عیسی که ایلَه تازه عهدی واسطه یَه، و اَ پِشَندَه خون، که هایبلی خونی کا چاکتَرَه، گَف ژَنِه.

نامَه، عِبرانیه نَتاجَه مسیحیونرا 13:20

حِسَه که خِدای صُلح و سلامتی اَ اَبَدی یَه خونی عهدی واسطه نَه، چَمَه خِداوند عیسی مَردَه اون دیلَه کا زِنده آکَردِشه، یعنی گوسَندون یالَ شوونَه،

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!

نامَه، عِبرانیه نَتاجَه مسیحیونرا 9:7

امّا فقط کاهِن اَعظم دَشی دوّمین قسمتی دیلَه، اَ نی فقط سالی ایی کَرَه، و همیشه نی اِشتَن نَه قِربونی خونی بَبَردی تا اِشتَن واسی و قومی گناه اون را که نادونی کا کَردَشون بَه، تَقدیم بِکَرِه.

پطروسی اوّلین نامَه 1:2

کسونی را که طبق خِدای دَده پیشدانی و خِدا روح کاری واسطه نَه که تقدیس‌ بَکَردی، عیسایِ مَسیح اِطاعت کَردِه کا و چَیی خون که چَوون سَری کا پِشَندَه بَه، اِنتخاب بَیینه: فیض و صُلح و سلامتی فَت و فَراوون شِمه را با.

پطروسی اوّلین نامَه 3:21

و اَ آو اَ غُسل تعمیدی نِمونه یَه که حِسَه شِمَه نجات بَدای، ایلَه تعمیدی که تَنی کثیفی را نییَه، بَلکَم ایلَه پاک وجدانی آرزویَه که پیستِشَه خِدا بِوینِه. اِم تعمید عیسایِ مَسیح زِندَه آبییِه واسطه نَه شِمَه نجات بَدای.

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 4:10

محبت اِمَه، نِه اِم که اَمَه خِدا محبت کَردَمونه، بَلکَم اَ اَمَه محبت کَردَشه و اِشتَن زوعَه ویسا آکَردِشه تا چَمَه گناه اون کفّارَه بِبو.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 5:9

و اَوِن تازَه سرودی خَندِشونَه که بَواتی: «تِه لایقیش که اَ طوماری ویگِری و چَیی مُهرون بِچاکِنی، چوم که تِه قربونی بیشَه، و اِشتِه خونی نَه مردمی، هَر طایفه و زَوون و مردم و میلّتی کا، خِدا را خِریرَه؛

یوحنا موکاشیفَه 7:14

از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.