یوحنا اوّلین نامَه 5:14 - کتاب مقدس به زبان تالشی شمالی

¹⁴ اِم هَ اِطمینانی اِستَه که چَیی حضوری کا اِستمونه، اَگم اَمَه طبق چَیی اِراده چیی بِپییَم، اَ، چَمَه سَسی دَرَسه.

کتاب مقدس به زبان تالشي - گویش مرکزی

¹⁴ اِم هه اطمینانیَه کن چَی حِضوریکا دارَم کن هَر موقِه چیی ایی چَی ایرادَ واتنَه درخواست بِکَرَم، اَ چَمَه سَسی دَرَرَست.

یوحنا اوّلین نامَه 5:14 Iomraidhean Croise

مَتّی 21:22

اَگم ایمان بِدارَه، هَر چِه که دعا کا پیستِرونَه، ویگِرَه.»

یوحنا 11:42

اَز بَزنیم که همیشه چِمِن گفی دَرَسی. امّا اِمی، کَسونی واسی واتِمَه که اییا کا مَندینَه، تا باوَر بِکَرِن که تِه مِن ویسا آکَردَرَه.»

یوحنا 14:13

هر چیی که چِمِن نومی نَه بِپییَه، اَز اَیی اَنجام بَدایم، تا دَده، زوعَه کا جلال بِگِرِه.

یوحنا 15:7

اَگَم مِنَه بومونَه و چِمِن کلام شِمَه نَه بومونِه، هَر چِه پیستِرونَه، بِپییَه و شِمَه را اَنجام بَبی.

یوحنا 16:24

دا حِسَه چِمِن نومی نَه چیی پیستَرون نییَه؛ بِپییَه و شِمَه ویگِرَه، که شِمَه شادی کامل آبو.

یوحنا 9:31

اَمَه بَزنیمون که خِدا گناه کارون دعا گوش نیمَدای، امّا اَگم کسی خِداپرست بِبو و چَیی پیستَه اَنجام بِدَه، خِدا چَیی دعا گوش بَدای.

نامَه اَفسوسی کلیسارا 3:12

اَمَه مسیح کا و بِه واسطه ایمان بِه اَیی، بَشایمون جرئتی نَه و اِطمینانی نَه بِه خِدا نِزدیک آبییَم.

نامَه، عِبرانیه نَتاجَه مسیحیونرا 10:35

بَس شِمَه اِطمینانی کا دَس مَپِگِرَه، که ایلَه یالَه پاداشی چَیی دومله کایَه.

نامَه، عِبرانیه نَتاجَه مسیحیونرا 3:14

چوم که اَمَه مَسیح دیلَه کا شریک بَییمونَه، اَگم راس راسی اِطمینانی که اوّلی کا داریمون تا آخِر مُحکم غَم بَرَم.

نامَه، عِبرانیه نَتاجَه مسیحیونرا 3:6

امّا مَسیح، ایلَه زوعَه ایی شیوار خِدا کَ را وفادارَه، اَمَه چَیی کَ ایمونَه، اَگم راس راسی چَمَه اِطمینان و اِفتخاری، چَمَه اُمیدی کا مُحکم غَم بَرَم.

یعقوبی نامَه 4:3

اَ موقعی نی که درخواست بَکَردیرون، نِویگِرَه، چوم بَدَه نیّتی نَه پیستِرونه تا شِمَه هَوا هَوَسون را اِستفاده بِکَرَه.

یعقوبی نامَه 5:16

بَس، یَندی وَری کا شِمَه گناه اون اِعتراف بِکَرَه و یَندی را دعا بِکَرَه تا شفا بِگِرَه. صالح آدَمی دعا، وِرَه قُدرتی نَه عَمل بَکَردی.

یوحنا اوّلین نامَه 2:28

حِسَه، اِی خِردَنِن، چَیی دیلَه کا بومونه تا موقعی که اَ، ظهور بِکَرِه مطمئن بِبییَم و چَیی اومِه موقع اَیی کا شرمَنده مَبییَم.