یوحنا اوّلین نامَه 5:13 - کتاب مقدس به زبان تالشی شمالی

¹³ از اِم چیون شِمَه را نیویشتِمه که خِدا زوعَه نومی ایمان هِستِرونه، تا بِزونه که اَبَدی یَه زندگی هِستِرونه.

کتاب مقدس به زبان تالشي - گویش مرکزی

¹³ اِمون شِمَرا نِوِشتِمَه کن خدا زوعَه نومی ایمان دارَ، تا بِزنه کن زَیرونَه زندَگی بَداشتیرون.

یوحنا اوّلین نامَه 5:13 Iomraidhean Croise

یوحنا 1:12

امّا بِه گِرد کَسونی که اَیی قَبول کَردِشونَه، اِم حقّی دوشَه که خِدا خِردَنِن بِبون، یعنی هَر کسی که چَیی نومی ایمان بواَرِه؛

یوحنا 2:23

مدتی که عیسی پِسخَ عیدی واسی اورشلیمی کا بَه، وِر کَسون وختی ویندِشونَه علامت و معجزه اون اَنجام بَدای چَیی نومی ایمان وَردِشونَه.

یوحنا 20:31

امّا اِمِن نیویشته بینَه تا باوَر بِکَرَه که عیسی هَ مسیح موعودَه، عیسی خِدا زوعَه یَه، و تا اِم باوَری نَه چَیی نومی کا زندگی بِدارَه.

یوحنا 21:24

اِم هَ شاگِردَه که اِم چییون را شهادتی بَدای و اِمون نیویشتَشَه. اَمَه بَزنیمون که چَیی شهادتی راستَه.

یوحنا 3:18

هَر کسی که اَیی ایمان هِستِشه مَحکوم نییَب، امّا هَر کسی که اَیی ایمان نیشَه، حِسَه مَحکوم بییَه، چوم خِدا یگانه زوعَه نومی ایمان وَردَه نیشَه.

یوحنا 5:24

حقیقتن، شِمَه نَه بَواتیم، هَر کسی که چِمِن کلامی دَرَسِه و بِه کسی که مِن ویسا آکَردَشَه ایمان بواَرِه، اَبَدی یَه زندگی هِستِشه و داوری نِبو، بَلکَم مرگی کا بِه زندگی منتقل بییَه.

رَسولون اَعمال 3:16

و عیسی نوم و چَیی نومی ایمانی نَه یَه که اِم مِرد قوّت گِتَشَه، اِم مِردی که اَیی بَویندیرون و آزونَه. ایمانی که چَیی نومی واسطه نَه اِم مِردی شِمَه گِردی چِمی پیشی کا کامل شفا دوعَشَه.

رَسولون اَعمال 4:12

چَیی غِیراز هیچکسی دیلَه کا نِجات نییَه، چوم آسِمونی جیری کا دییَر نومی آدَمون آدوعَه بَه نییَه تا بَیی نَه نِجات پِیدا بِکَرَم.»

دوومین نامه قرنتیانیرا 5:1

حِسَه بَزنیمون که هَر موقع اِم خیمَه یعنی چَمَه زمینی یَه کَ، که چَیی دیلَه کا زِندگی بَکَردیمون ویبو، خِدا کا ایلَه عِمارت هِستِمونه، ایلَه کَ ایی که دَسی نَه وج آبَه نییَه و آسِمونی کا اَبَدی یَه.

نامه غلاطیَه کلیسارا 4:6

بَس چوم که شِمَه خِردَنونی رونَه، خِدا اِشتَن زوعَه روح چَمَه دیلون دیلَه کا نوشَه که خِلِع بَکَردی: «اَبّا! دَده!»

پطروسی اوّلین نامَه 5:12

سیلاسی واسطه نَه که اَیی ایلَه وفادارَه بِرایی بَزنیم، شِمَه را مُختصر نیویشتِمَه تا شِمَه سفارش بِکَرِم و شِمَه را اِعلام بِکَرِم که اِمَه خِدا اَ حقیقی یَه فیض، اَیی کا پابَرجا بومونَه.

یوحنا اوّلین نامَه 1:4

اَمَه اِمی شِمَه را بَنیویشتیمون تا چَمَه شادی کامل آبو.

یوحنا اوّلین نامَه 2:1

اِی چِمِن روکَه خِردَنِن، اِم چییون شِمَه را بَنیوشتیم تا گناه مَکَرَه. امّا اَگم کسی گناه کَردِشه، دَده وَری کا ایلَه مُدافع اِستِمونه، یعنی عیسایِ مسیحِ صالِح.

یوحنا اوّلین نامَه 2:21

از اِمون شِمَه را بَنیویشتیم، نِه اِمی واسی که حقیقتی نیمَزنه، بَلکَم اِمی واسی که اَیی بَزنیرون، و اِمی واسی که هیچ دروعی، حقیقتی دیلَه کا دَری نییَه.

یوحنا اوّلین نامَه 2:25

و اِمَه اَ چیی که اَ بَمون وعده دوعشَه، یعنی اَبَدی یَه زندگی.

یوحنا اوّلین نامَه 2:26

اَز اِمون کسونی دربارَه شِمَه را نیویشتِمَه که تقّلا بَکَردین شِمَه گمراه بَکَرِن.

یوحنا اوّلین نامَه 3:23

و چَیی حُکم اِمَه که چَیی زوعَه عیسای مسیح نومی ایمان بواَرَم و یَندی محبت بِکَرَم، هَتَه که بَمون دستور دوعَشَه.

یوحنا اوّلین نامَه 4:9

خِدا محبت اِنتَه چَمَه دیلَه کا ظاهر آبَه که خِدا اِشتَن ایلَه زوعَه ویسا آکَردِشه دنیا دیلَه تا چَیی واسطه نَه زندگی بِدارَم.

یوحنا اوّلین نامَه 5:10

هَر کسی که خِدا زوعَه ایمان هِستِشه، اِم شهادتی اِشتَن دیلَه کا هِستِشه. امّا اَ کسی که خِدا شهادتی باوَر نِکَرِه، اَئی دروعَه واج حِساب بَکَردی، چوم شهادتی که خِدا اِشتَن زوعَه درباره دوعَشَه، قبول کَردَه نیشه.

یوحنا اوّلین نامَه 5:11

اَ شهادتی اِمَه که خِدا بَمون اَبَدی یَه زندگی بَخشِستَشه، و اِم زندگی چَیی زوعَه کایَه.

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.