یوحنا اوّلین نامَه 5:1 - کتاب مقدس به زبان تالشی شمالی

¹ هَر کسی که ایمان هِستِشه عیسی هَ مسیحِ موعود اِستَه، خدا کا دنیا اومَه؛ هَر کسی که دَده نَه خِشَه، کسی نَه که اَیی کا دنیا اومَه نَه نی خِشَه.

کتاب مقدس به زبان تالشي - گویش مرکزی

¹ هَر کَم ایمان دارِ عیسی هَه وعدَ دوعَه مَسیحَه، خدا کا دِنیا دَگنسته یَه؛ هَر کَم دَدَ رَی بَداشتی، چَی خِردَنی نی رَی بداشتیه.

یوحنا اوّلین نامَه 5:1 Iomraidhean Croise

مَتّی 16:16

شَمعون پطرس جَواو دوشَه: «تِه مسیح موعود، خِدای زِنده زوعَه ایش!»

انجیل لوقا 7:5

چوم چَمَه میلّتی نَه خِشَه و اِم مِرد هَ کسی یَه که اَمَه را عبادتگاه وَج آکَردَشَه.»

یوحنا 1:3

گِرد چییِن چَیی واسطه نَه بِه وجود اومینَه، و هَر چِه که بِه وجود اومَه، هیچ چی نییَه بیدون چَیی بِه وجود اومَه بِبو.

یوحنا 15:23

کسی که بَه مِن کا بیزارَه، چِمِن دَده کا نی بیزارَه.

یوحنا 3:3

عیسی جَواو دوشَه: «حقیقتن، تِه نَه بَواتیم، تا کَسی اَز نو دنیا ما، نیمَشا خِدا پاُتشایی بِوینِه.»

یوحنا 6:69

و اَمَه ایمان وَردَمونَه و بَزنیمون که تِه اَ قدّوس خِداییش.

یوحنا 8:42

عیسی اَوون نَه واتِشه: «اَگم خِدا شِمَه دَده بِبی، مِنَه خِش بَبیرون، چوم اَز خِدا طرفی کا اومَیمَه و حِسَه اییا کا ایمَه. اَز چِمِن طرفی نَه اومَه نیمَه، بَلکَم اَ مِن ویسا آکَردَشَه.

رَسولون اَعمال 8:36

هَتَه که راه کا پیش بَشین، آرَستینَه جِگایی که آو اِستبَه. خواجه واتِشه: «دَیِس، اییا کا آو اِستَه! حِسَه چِه بَشای چِمِن پیشی بِگِرِه تا غسل تعمید مَگِرِم؟»

رَسولون اَعمال 8:37

فیلیپُس واتِشه: «اَگم صِدقِ دیلی نَه ایمان وَردَرَه، هیچی اِشتِه پیشی نِگِرِه.» خواجه واتِشه: «ایمان هِستِمَه که عیسایِ مسیح خِدا زوعَه یَه.»

یعقوبی نامَه 1:18

اَ، اِشتَن اِراده نَه کلامی حقیقتی نَه اَمَه خلق کَردِشه تا چَیی مخلوقاتی نوبَر بِبییَم.

پطروسی اوّلین نامَه 1:3

مُتوارک بِبو خِدا و چَمَه خِداوند عیسایِ مَسیح دَده که اِشتَنش بَرک رَحمتی نَه، عیسایِ مَسیح زِندَه آبییِه واسطه نَه مَردَه اون دیلَه کا، ایلَه تازه تولدی اَمَه بَخشِستِشه، زِنده اُمیدی را

یوحنا اوّلین نامَه 2:10

اَ کسی که اِشتَن بِرا نَه خِشَه، نوری دیلَه کا مَندَه و چَیی دیلَه کا هیچی نییَه که لغزشی باعیث بِبو.

یوحنا اوّلین نامَه 2:29

اَگم زونِستَرونه که اَ صالِح اِستَه، بَزونیرون اَ کسی که صالِح بییِه، بِه جا بواَردی، اَیی کا دنیا اومَه.

یوحنا اوّلین نامَه 3:14

اَمَه بَزنیمون که مَرگی کا رَد آبَییمونه و آرَستَییمونه بِه زندگی، چوم بِرا اون نَه خِشیمونه. هَر کسی که محبت نِکَرِه، مرگی دیلَه کا بَمَندی.

یوحنا اوّلین نامَه 3:17

امّا اَگم ایی نفر دنیا مال و مَنالی بِداره و بِوینَه چَیی بِرا محتاجَه، با اِم حال اِشتَن دیلی بَری چَیی دیمی کا دَوَندِه، چِنتَه خِدا محبت اِنتَه رَه آدَمی دیلَه کا بَمَندی؟

یوحنا اوّلین نامَه 3:9

اَ کسی که خِدا کا دنیا اومَه گناه دیلَه کا زندگی نِکَرِه، چوم خِدا ذات چَیی دیلَه کا بَمَندی؛ اَ آدَم نیمَشا گناه کَردِه اِدامه بِدَه، چوم که اَ آدَم خِدا کا دنیا اومَه.

یوحنا اوّلین نامَه 4:2

خِدا روح، اِنتَه آزونَم: هَر روحی که اِقرار بِکَرِه عیسی مسیح آدَمی جِسمی دیلَه کا اومَه، خِدا کا یَه.

یوحنا اوّلین نامَه 4:20

اَگم کسی بوآجِه که خِدا نَه خِشَه امّا اِشتَن بِرا کا بیزار بِبو، اَ آدَم دورعَه واجَه. چوم کسی که اِشتَن بِرایی نَه که بَویندی خِش نییَه، نیمَشای خِدایی نَه که ویندَه نیشَه، خِش بِبو.

یوحنا اوّلین نامَه 4:7

اِی عزیزِن، یَندی محبت بِکَرَم، چوم محبت خِدا کا یَه و هَر کسی که محبت بَکَردی، خدا کا دنیا اومَه و خِدا آزونِه.

یوحنا اوّلین نامَه 5:18

اَمَه بَزونیمون که هَر کسی که خِدا کا دنیا اومَه، گناه اِدامَه نِدَه، بَلکَم عیسی که ’خِدا کا دنیا اومَه‘ اَئی حفظ بَکَردی و اَ شَریری دَس بَیی آنِرَستِه.

یوحنا اوّلین نامَه 5:4

چوم هَر کسی که خِدا کا دنیا اومَه، دنیا اَفجور بَبی. چَمَه ایمان، اَ پیروزی اِستَه که دنیا شِکست دوعَشَه.

یوحنا اوّلین نامَه 5:5

کی بَشای دنیا اَفجور بِبو؟ اَ کسی غیراز که ایمان هِستِشه عیسی خِدا زوعَه یَه؟