یوحنا اوّلین نامَه 3:5 - کتاب مقدس به زبان تالشی شمالی

⁵ شِمَه بَزنیرون که اَ ظهور کَردِشه تا گناه اون از بِین بِبَرِه. چَیی دیلَه کا هیچ گناهی دَری نییَه.

کتاب مقدس به زبان تالشي - گویش مرکزی

⁵ شمَه بَموستیرون کن اَ اَیر آبه، تا گِناخون نیفیت آکَرِ. بَیکا هیچ گِناخی دَرِ نیَه.

یوحنا اوّلین نامَه 3:5 Iomraidhean Croise

مَتّی 1:21

مریم ایلَه زوعَه ایی دنیا بواَردی و تِه چَیی نومی عیسی پِنَی، چوم اَ اِشتَن قومی چَوون گناه اون کا نجات بَدای.»

انجیل لوقا 23:41

چَمَه مکافات حَقَّه، چوم چَمه کارون جَزا یَه. امّا اِم مِرد هیچ تقصیری نیشه.»

انجیل لوقا 23:47

وختی که سَربازون فرمانده ویندِشه که چه اِتِفاقی دَلَکه، خِدا ستایِش کَردِشه و واتِشه: «واقعا که اِم مِرد بی گناه بَه.»

یوحنا 1:29

صَبایی نَه روز، یَحیی ویندِشه که عیسی بومَی چَیی طَرفی را، یحیی واتِشه: «اِمَه خِدا قِربونی یَه وَره که گناه دنیا کا پِگِرِه!

یوحنا 1:31

اَز اِشتَن اَیی آنِزونیم، امّا اِمی واسی اومَیمَه و آوی نَه تعمید دوعَمَه تا اَ قوم اسرائیلی را ظاهر آبو.»

یوحنا 14:30

وِر وخت مَندَه نییَه که شِمَه نَه گَف بِژَنِم، چوم اِم دنیا رَئیس، که شیطان بِبو، کارا بومَی. اَ هیچ اِدعایی چِمِن سَری کا نیشَه؛

یوحنا 8:46

کَمیله شِمَه کا بَشای مِن ایلَه گناه نَه محکوم بِکَرِه؟ بَس اَگم حقیقتی بَواتیم، چیرا چِمِن گفی باوَر نِکَرَه؟

دوومین نامه قرنتیانیرا 5:21

خِدا اَ، کسی که گناه آنِزونی، چَمَه واسی گناه وَج آکَردِشه، تا اَمَه، چَیی دیلَه کا خِدا صالِحی بِبییَم.

اوّلین نامَه تیموتائوسیرا 1:15

بَبی اِم گَفی اِعتماد کَردِه و هَر طرفی کا کاملا قابِل قبولَه، که مسیحْ عیسی اومَه اِم دنیا تا گناه کارون نجات بِده، که چَوون دیلَه کا یالترین اَزیمَه.

اوّلین نامَه تیموتائوسیرا 3:16

راس راسی که دینداری بَرک یالَه سِرّی یَه: اَ جِسمی دیلَه کا ظاهر آبَه، خِدا روح واسطه نَه تصدیق بَه، ملائیکه اِن اَیی ویندِشونَه، قومون دیلَه کا اِعلام بَه، دنیا دیلَه کا بَیی ایمان وَردِشونه، جلالی نَه، بَردَه بَه کَفا.

نامَه تیتوسیرا 2:14

که اِشتَن جانی چَمَه راه کا آدوشَه، تا هَر شِرارتی کا اَمَه رهایی بِدَه و اِشتَرا پاکَه مردمی وَج آکَرِه که چَیی اِشتَن شِن بِبون که چاک کارون را غِیرت بِدارِن.

نامَه، عِبرانیه نَتاجَه مسیحیونرا 1:3

اَ، خِدا جَلالی نورَه و چَیی ذاتی تمام کمالَ نَخشَه، و اَ گِردِ چیون اِشتَن کلامی قوتی نَه پابَرجا غَم بَردی. اَ، گناه اون پاک آکَردِه بِه دومله، اَ کسی راستَ دَسی کا که با عظمتَه و عَرش بَرینی دیلَه کا، نِشتَه.

نامَه، عِبرانیه نَتاجَه مسیحیونرا 4:15

چوم که چَمَه کاهن اَعظم اَته نییَه که مَشا چَمَه ضَعفون نَه هَمدردی بِکَرِه، بَلکَم اَ کسی یَه که چَمَه شیوار هَر طرفی کا آزمایش بَه، بیدونِ اِمکه گناه بِکَرِه.

نامَه، عِبرانیه نَتاجَه مسیحیونرا 7:26

چوم که راس راسی اِم بِه جا بَه که اَمَه اِنتَه رَه یالَ کاهِنی بِدارَم،که مقدّس، بی گناه، بی‌عیب، گناه کارون کا سیوا، و جَلال گِتَه آسِمونون کا کفاتَر بِبو.

نامَه، عِبرانیه نَتاجَه مسیحیونرا 9:26

چوم اِنتَه، مسیح بَسی دنیا خَلق بییِه موقع نَه، یِکسرَه عذاب کَشَش بِبو، امّا اِنتَه نِبَه، اَ حِسَه ایی کَرَه همیشه را آخِر زَمانون کا اومَه تا اِشتَن قِربونی کَردِه نَه، گناه از بِین بِبَرِه.

نامَه، عِبرانیه نَتاجَه مسیحیونرا 9:28

بَس مسیح نی که ایی کَرَه قِربونی بَه تا وِر کسون گناه اون از بِین بِبَرِه، دوّمین کَرَه نی بومَی، ولی نِه گناه اون از بِین بَردِه را، بَلکَم تا کسونی نجات دوعِه را که ذوق و شوقی نَه چَیی چِم بِه رایی نَه.

پطروسی اوّلین نامَه 1:18

چوم بَزنیرون، شِمَه آزادی، اِم بیخودی یَه راه اون دیلَه کا که شِمَه دَده اون کا اِرث بَردَه رونَه، اَ چیونی نَه که از بِین بَشی، طِلا و نِقره شیوار خِریَه بَه نییَه،

پطروسی اوّلین نامَه 1:20

اَ، دنیا خلق بییَه پیش مُعَین بَه، امّا اِم آخِر زمانون کا شِمَه را آشکار آبَه.

پطروسی اوّلین نامَه 2:22

«اَ هیچ گناهی نِکَردِشه، و چَیی گَ کا هیچ حیلّه ای پیدا نِبَه.»

پطروسی اوّلین نامَه 2:24

مسیح اِشتَن چَمَه گناه اون اِشتَن بَدنی نَه صلیبی سَری کا بِه دوش کَشِشَه، تا اَمَه گناه را بِمِرَم و صالِحی را زِندگی بِکَرَم. چَیی زخمون نَه شفا گِتَرونَه.

پطروسی اوّلین نامَه 3:18

چوم که مَسیح نی ایی کَرَه گناه اون را عذاب کَشِشَه، یعنی اَ صالِح، کسونی را که صالِح نینَه، تا اَمَه بواَرِه خِدا وَر. اَ جِسمی کا کِشتَه بَه، امّا روح کا، زِنده آبَه،

یوحنا اوّلین نامَه 1:2

زندگی ظاهر آبَه؛ اَمَه اَیی ویندَمونه و چیی را شهادتی بَدایمون، اَبَدی یَه زندگی شِمَه را اِعلام بَکَردیمون، هَ اَبَدی یَه زندگی که دَده نَه بَه و چَمَه را ظاهر آبَه.

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 2:1

اِی چِمِن روکَه خِردَنِن، اِم چییون شِمَه را بَنیوشتیم تا گناه مَکَرَه. امّا اَگم کسی گناه کَردِشه، دَده وَری کا ایلَه مُدافع اِستِمونه، یعنی عیسایِ مسیحِ صالِح.

یوحنا اوّلین نامَه 2:2

عیسی چَمَه گناه اون را کَفارَه یَه، نِه فقط چَمَه گناه اون را، بَلکَم گِردِ دنیا گناه اون را.

یوحنا اوّلین نامَه 2:29

اَگم زونِستَرونه که اَ صالِح اِستَه، بَزونیرون اَ کسی که صالِح بییِه، بِه جا بواَردی، اَیی کا دنیا اومَه.

یوحنا اوّلین نامَه 3:8

اَ کسی که گناه دیلَه کا زندگی بَکَردی اِبلیسی کا یَه، چوم اِبلیس هَ صِفته نَه گناهکار بَه. اِمی واسی خدا زوعَه ظهور کَردِشه تا اِبلیسی کارون باطل آکَرِه.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،