یوحنا اوّلین نامَه 3:22 - کتاب مقدس به زبان تالشی شمالی

²² و هَر چی که اَیی کا بِپییَم، ویگِرَم، چوم چَیی اَحکامی عَمَل بَکَردیمون و هَر چیی که اَیی خوشحال بَکَردی، اَنجام بَدایمون.

کتاب مقدس به زبان تالشي - گویش مرکزی

²² و هر چیی ایی، اَیکا بَپیمونه، ویمونَگت، چون چَی حِکمون عمل بَکَمون و اَ چیی ایی کن چَی خَشی باعیث بَبی، اَنجوم بَدامون.

یوحنا اوّلین نامَه 3:22 Iomraidhean Croise

مَتّی 17:5

پِطرسی گَف حَلا تمون آبَه نِبَه كه ایلَه خِری چَوون سَری کا سا دَرَفَندِشه که شَفَق ژَنی و خِری کا سَسی اومَه که بَواتی: «اِم چِمِن عزیزَه زوعَه یَه كه از اَیی کا وِر راضی ایمه؛ چَیی گفون گوش بِدییَه.»

مَتّی 21:22

اَگم ایمان بِدارَه، هَر چِه که دعا کا پیستِرونَه، ویگِرَه.»

مَرقُس 11:24

بَس شِمَه نَه بَواتیم، هَر چیی که دعا کا پیستِرونَه، ایمان بِدارَه که اَیی ویگِتَرونَه، و شِمَه شِن بَبی.

یوحنا 14:13

هر چیی که چِمِن نومی نَه بِپییَه، اَز اَیی اَنجام بَدایم، تا دَده، زوعَه کا جلال بِگِرِه.

یوحنا 15:10

اَگَم چِمِن اَحکامی اَنجام بِدییَه، چِمِن محبتی کا بَمَندیرون؛ هَتَه که اَز چِمِن دَده اَحکامی اَنجام دوعَمَه و چَیی محبتی کا بَمَندیم.

یوحنا 15:7

اَگَم مِنَه بومونَه و چِمِن کلام شِمَه نَه بومونِه، هَر چِه پیستِرونَه، بِپییَه و شِمَه را اَنجام بَبی.

یوحنا 6:29

عیسی جَواو دوشَه: «خِدا کار اِمَه که اَ کسی که ویسا آکَردَشَه ایمان بواَرَه.»

یوحنا 8:29

و اَ کسی که مِن ویسا آکَردَشَه، مِنَه یَه. اَ مِن تَنخا نوعه نیشَه، چوم اَز همیشه کارونی اَنجام بَدایم که چَیی خوشحالی باعیث بَبی.»

یوحنا 9:31

اَمَه بَزنیمون که خِدا گناه کارون دعا گوش نیمَدای، امّا اَگم کسی خِداپرست بِبو و چَیی پیستَه اَنجام بِدَه، خِدا چَیی دعا گوش بَدای.

رَسولون اَعمال 17:30

قدیمون، خِدا اِنتَه رَه نادونَ کارون کا چِم پوشی بَکَردی. ولی حِسَه گِردِ مردمی را هَر جِگا کا که اِستینَه دستور بَدای که توبه بِکَرِن.

رَسولون اَعمال 20:21

هَم یَهودییون و هَم یونانیون را، شهادتی دومَه که بَسی توبه نَه آگَردِن خِدا طرفی را و چَمَه خِداوند عیسایِ مَسیح ایمان بواَرِن.

نامَه فیلیپی کلیسا را 4:18

شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.

نامَه کُولُسی کلیسا را 1:10

تا شِمَه رفتار، خِداوندی شَئنی کا بِبو و بِشایَه اَیی کاملا خوشحال آکَرَه: هَر چاک کاری کا ثمر بواَرَه و خِدا آزونستِه کا رُشد بِکَرَه

نامَه، عِبرانیه نَتاجَه مسیحیونرا 13:21

هَ خِدا شِمَه هَر چاکَه چیی نَه مجهز بِکَرِه تا چَیی اِراده اَنجام بِدییَه. تا اَ چیی نَه که خِدا راضی آکَرِه، عیسایِ مسیح واسطه نَه چَمَه دیلَه کا بِه کار بِگِرِه، هَ عیسایِ مسیح که تا اَبَد و تا اَبَد جلال اَیی نَه بِبو. آمین.

یعقوبی نامَه 1:5

اَگم کسی شِمَه دیلَه کا حِکمت نیشَه، اَیی خِدا کا بِپی. هَ خِدایی که دَس دیل بازی نَه و بیدون سَرکوفت ژَندِه، گِردی آدَه، و اَیی نی آدوعَه بَبی.

یعقوبی نامَه 4:3

اَ موقعی نی که درخواست بَکَردیرون، نِویگِرَه، چوم بَدَه نیّتی نَه پیستِرونه تا شِمَه هَوا هَوَسون را اِستفاده بِکَرَه.

یعقوبی نامَه 5:16

بَس، یَندی وَری کا شِمَه گناه اون اِعتراف بِکَرَه و یَندی را دعا بِکَرَه تا شفا بِگِرَه. صالح آدَمی دعا، وِرَه قُدرتی نَه عَمل بَکَردی.

یوحنا اوّلین نامَه 2:3

اِمی کا بَزنیمون اَئی آزونَم اَگم چَیی اَحکامون اَنجام بِدییَم.

یوحنا اوّلین نامَه 5:14

اِم هَ اِطمینانی اِستَه که چَیی حضوری کا اِستمونه، اَگم اَمَه طبق چَیی اِراده چیی بِپییَم، اَ، چَمَه سَسی دَرَسه.