یوحنا اوّلین نامَه 3:2 - کتاب مقدس به زبان تالشی شمالی

² اِی عَزیزِن، حِسَه اَمَه خِدا خِردَنیمونه، و اَ چیی که قَرارَه بِبَم حَلا آشکار آبَه نییَه. امّا بَزنیمون اَ موقع که اَ ظهور بِکَرِه، چَیی شیوار بَبیمون، چوم اَیی هَتَه که اِستَه بَویندیمون.

کتاب مقدس به زبان تالشي - گویش مرکزی

² اَی خاجَتیِن، ایسَه خدا خِردَنِنیمون، ولی اَ چیی ایی کن بَبیمون هَنوزَنی دیار آبَه نیَه. ولی بَموستیمون اَموقه کن اَ اَیر آبو، چَی شیوار بَبیمون، چون بَی هَتَه کن هِستَه، بَویندیمون.

یوحنا اوّلین نامَه 3:2 Iomraidhean Croise

مَتّی 5:8

خَسَه بِبو کسونی که دیل پاکی نَه، چوم اَوِن خِدا بَویندین.

انجیل لوقا 17:30

روزی که اِنسانی زوعَه ظهور بِکَرِه نی هِنتَه بَبی.

انجیل لوقا 20:36

چوم اَوِن دِ نیمَشان بِمِرن چوم که اَوِن مَلائیکه اون نَه بَرابری نَه. اَوِن خِدا خِردَنی نَه، چوم که قیامتی خِردَنی نَه.

یوحنا 1:12

امّا بِه گِرد کَسونی که اَیی قَبول کَردِشونَه، اِم حقّی دوشَه که خِدا خِردَنِن بِبون، یعنی هَر کسی که چَیی نومی ایمان بواَرِه؛

یوحنا 11:52

و نِه فقط میلّتی را، بَلَکم خِدا خِردَنون نی که دنیا کا پخش و پَلایی نَه جَمع آکَرِه.

یوحنا 17:24

اِی دَده، پیستِمَه کسونی که بَه مِن آدوعَرَه نی، جِگایی کا که اَز اِستیمَه مِنَه بِبون، تا چِمِن جلالی دَیِسِن، جلالی که تِه مِن آدوعَرَه؛ چوم پیش اَز اِم که دنیا خلق بِبو تِه مِنَه خِش بیش.

رومی کلیسارا نامه 8:16

خِدا روحْ اِشتَن، چَمَه روح را شهادتی بَدای که اَمَه خِدا خِردَنونیمونه.

رومی کلیسارا نامه 8:18

چِمِن نظر اِمَه که، اِم دنیا عَذابِن، اَ جلالی نَه که چَمَه دیلَه کا آشکار بَبی، نییَب مقایسه کَردِه.

رومی کلیسارا نامه 8:19

چوم که خِلقت، تمون اِشتیاقی نَه خِدا زوعَه اون ظاهر آبییِه منتظرَه.

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

اوّلین نامَه قورَنتیانیرا 13:12

چوم اَ چیی که حِسَه بَویندیمون، ایلَه تارَه عکسی شیوارَه آواینَه دیلَه کا؛ امّا موقعی آرَستِه که دیمادیس بَویندیمون. حِسَه چِمِن دانایی ناچیزَه؛ امّا موقعی آرَستِه که کامل بَزنیم، هَتَه که خِدا چِمِن درباره همه چی کامل بَزنی.

اوّلین نامَه قورَنتیانیرا 15:49

و هَتَه که اِنسانِ خاکی شِکلی اِشتَن کا گِتِمونه، اِنسانِ آسِمونی شِکلی نی بَگتیمون.

اوّلین نامَه قورَنتیانیرا 2:9

هَتَه که اِشعَیای پِیغمبری کیتابی کا نیویشته بییَه که: «اَ چیی که هیچ چِمی وینده نیشَه، هیچ گوشی دَرَسه نیشَه، و هیچ اِنسانی فِکری کا آرَستَه نییَه، خِدا کسونی را حاضر آکَردَشَه که اَوون نَه خِشَه.»

دوومین نامه قرنتیانیرا 3:18

و گِردِ اَمَه که بی نِقابَ دیمی نَه، خِداوندی جَلالی، ایلَه آواینه شیوار دَیِسَم، هَ شِکلی شیوار، جلالی کا بِه ایلَه جلالی که وِرتَرَه عوض آبییَم؛ و اِم خِداوندی کا شروع بَبی که، روح اِستَه.

دوومین نامه قرنتیانیرا 4:17

چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.

نامه غلاطیَه کلیسارا 3:26

چوم که مسیحْ عیسی کا، شِمَه گِرد، ایمانی واسطه نَه، خِدا زوعَه اِن اِستیرونه.

نامه غلاطیَه کلیسارا 4:6

بَس چوم که شِمَه خِردَنونی رونَه، خِدا اِشتَن زوعَه روح چَمَه دیلون دیلَه کا نوشَه که خِلِع بَکَردی: «اَبّا! دَده!»

نامَه فیلیپی کلیسا را 3:21

اَ که چَمَه ذَلیلَ بَدنی عوض آکَرِه تا چَیی جَلال گِتَه بَدنی شیوار بِبییَم، اَ قدرتی نَه که اَیی قوت بَدای تا گِردِ چییون اِشتَن فرمانبُردار بِکَرِه.

نامَه کُولُسی کلیسا را 3:4

وختی مسیح، که شِمَه زندگی یَه، آشکار بِبو، دومله شِمَه نی اَیی نَه جلالی کا آشکار بَبیرون.

نامَه، عِبرانیه نَتاجَه مسیحیونرا 9:28

بَس مسیح نی که ایی کَرَه قِربونی بَه تا وِر کسون گناه اون از بِین بِبَرِه، دوّمین کَرَه نی بومَی، ولی نِه گناه اون از بِین بَردِه را، بَلکَم تا کسونی نجات دوعِه را که ذوق و شوقی نَه چَیی چِم بِه رایی نَه.

پطروسی دومین نامه 1:4

که اِم چییون اِشتَن یال و با اِرزِشَه وعده اون واسطه نَه بَمون بَخشِستَشه، تا چَوون واسطه نَه طبیعت الهی کا شریک بِبییَه و اَ فسادی کا که هَواهَوسی واسی دنیا دیلَه کا وجود دارِه،آزاد بِبییَه.

یوحنا اوّلین نامَه 2:28

حِسَه، اِی خِردَنِن، چَیی دیلَه کا بومونه تا موقعی که اَ، ظهور بِکَرِه مطمئن بِبییَم و چَیی اومِه موقع اَیی کا شرمَنده مَبییَم.

یوحنا اوّلین نامَه 2:7

اِی عَزیزِن، از، تازه حُکمی شِمَه را نِنیویسِم، بَلکَم هَ قدیمی یَه حُکمی بَنیویشتیم که صِفته نَه رون اِستبَه. اِم قدیمی یَه حُکم، هَ پیغومی یَه که دَرَسِرونه.

یوحنا اوّلین نامَه 3:1

دَیِسه دَده چِندی اَمَه محبت کَردَشه که اَمَه نَه خِدا خِردَنون بوآجِن! و اِنتَه نی اِستیمونه! اِمی واسی یَه که دنیا اَمَه آنِزونِه، چوم که اَئی آنِزونیشه.

یوحنا اوّلین نامَه 3:10

خِدا خِردَنِن و اِبلیسی خِردَنِن اِنتَه معلوم بَبین: هَر کسی اَ چیی که درست اِستَه اَنجام مَدَه، خِدا کا نییَه و هِنته نی اَ کسی که اِشتَن بِرا نَه خِش نییَه، خِدا کا نییَه.

یوحنا اوّلین نامَه 3:21

اِی عزیزِن، اَگم چَمَه دیل، اَمَه محکوم مَکَرِه، خِدا پیشی کا مُطمئنیمونه؛

یوحنا اوّلین نامَه 5:1

هَر کسی که ایمان هِستِشه عیسی هَ مسیحِ موعود اِستَه، خدا کا دنیا اومَه؛ هَر کسی که دَده نَه خِشَه، کسی نَه که اَیی کا دنیا اومَه نَه نی خِشَه.

یوحنا موکاشیفَه 2:28

و از صِبحی ستاره آدَم بَیی.

یوحنا موکاشیفَه 22:4

اَوِن چَیی دیمی بَویندین و چَیی نوم چَوون تَقالی کا بَبی.