یوحنا اوّلین نامَه 2:22 - کتاب مقدس به زبان تالشی شمالی

²² دروعَه واج کییَه، اَ کسی غِیراز که اِنکار بَکَردی عیسی، اَ مسیح موعودَه؟ اِنتَه رَه کسی هَ ’ضِدّمسیح‘ اِستَه که هَم دَده و هَم زوعَه اِنکار بَکَردی.

کتاب مقدس به زبان تالشي - گویش مرکزی

²² دِرو اَواج کیَه، غَیراَز اَ کن حاشا بَکی عیسی، هه وعدَ آدوعَه مَسیحه. اِنتَرَ آدَم هَه مَسیح زِرَبَرایَه کن هِم دَدَ و هِم زوعَه حاشا بَژَیه.

یوحنا اوّلین نامَه 2:22 Iomraidhean Croise

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

مَتّی 24:5

چوم وِر کَسِن چِمِن نومی نَه بومَین و بَواتین، ”اَز مسیح موعود اِستیمَه،“ و وِر کَسون گمراه بَکَردین.

یوحنا 8:44

شِمَه، شِمَه دَده اِبلیسی شِنیرونَه و چَیی پیستَه چییون اَنجام بَدایرون. اَ صِفته نَه آدَمکِش بَه و حقیقتی نَه کاریش نییَه، چوم هیچ حقیقتی اَیی کا نییَه. هَر موقع دوروع بَواتی، اِشتَن شخصیتی کا بَواتی؛ چوم که دروعه واج و دوروعه واجون دَده یَه.

یوحنا اوّلین نامَه 1:6

اَگم اَمَه بوآجَم اَیینه رَفاقَت اِستِمونه، با اِمکه تاریکی کا زندگی بَکَردیمون، دورع بَواتیمون و حقیقتی عمل نِکَرَم.

یوحنا اوّلین نامَه 2:18

خِردَنن، اِم آخِرین ساعتَه و هَتَه که دَرَسَرونه ’ضدّمسیح‘ بومَی، حِسَه نی وِرَه ضِدّ مسیحِن اومَینه، و اِمی واسی بَزنیمون که آخِرین ساعتَه.

یوحنا اوّلین نامَه 2:23

هَر کسی که زوعَه اِنکار بِکَرِه، دَده نی نیشه و هَر کسی که زوعَه اِقرار بِکَرِه، دَده نی هِستِشَه.

یوحنا اوّلین نامَه 2:4

اَ کسی که بَواتی اَئی آزونِه، امّا چَیی اَحکامون اَنجام نِدَه، دورعَه واجَه و حقیقت چَیی دیلَه کا نییَه.

یوحنا اوّلین نامَه 4:20

اَگم کسی بوآجِه که خِدا نَه خِشَه امّا اِشتَن بِرا کا بیزار بِبو، اَ آدَم دورعَه واجَه. چوم کسی که اِشتَن بِرایی نَه که بَویندی خِش نییَه، نیمَشای خِدایی نَه که ویندَه نیشَه، خِش بِبو.

یوحنا اوّلین نامَه 4:3

و هَر روحی که عیسی اقِرار نِکَرِه، خِدا کا نییَه، اِم هَ روحِ ’ضدّمسیح‘ اِستَه که دَرَسَرونه بومَی و حِسَه نی دنیا دیلَه کا یَه.

یوحنا اوّلین نامَه 5:1

هَر کسی که ایمان هِستِشه عیسی هَ مسیحِ موعود اِستَه، خدا کا دنیا اومَه؛ هَر کسی که دَده نَه خِشَه، کسی نَه که اَیی کا دنیا اومَه نَه نی خِشَه.

یوحنا دوّمین نامَه 1:7

چوم دنیا کا وِر حُقه بازِن اِستینه، که اِقرار نِکَرِن که عیسایِ مسیح آدَمی جسمی کا اومَه بِه اِم دنیا. اِنتَه رَه آدَمِن هَ حُقه بازِن و ضِدّ مسیح اِستینه.

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.

یوحنا موکاشیفَه 3:9

دَیِس، از کسونی که شیطونی عبادتگاه کا اینَه و اِشتَن یهودی بَزنین ولی نینَه، بَلکَم دوع بَواتین، دَیِس از اَوون وادار بَکَردیم بان و اِشتِه پا جیری کا دَلَکِن تا بِزونِن که از تِنَه خِشیمَه.