یوحنا اوّلین نامَه 2:20 - کتاب مقدس به زبان تالشی شمالی

²⁰ امّا شِمَه، اَ قدوسی طریقی نَه مَسح بَییرونه و گِردِ شِمَه تَمون حقیقتی بَزنیرون.

کتاب مقدس به زبان تالشي - گویش مرکزی

²⁰ ولی شمَه اَ قُدوسی واسیطنه مسح آبیرون و شمه گِرد حییقتی بموستیرون.

یوحنا اوّلین نامَه 2:20 Iomraidhean Croise

مَتّی 13:11

عیسی جَواو دوشَه: «آسِمونی پاُتشایی سِرّون دَرک کَردِه شِمَه آدوعَه بییَه، امّا اَوون آدوعَه بَه نییَه.

مَرقُس 1:24

«اِی عیسایِ ناصری، تِه اَمَه نَه چِه کارِر اِستَه؟ اومیشَه که اَمَه نابود بِکَری؟ بَزنیم تِه کییش! تِه هَ قدوسِ، خِدا ایش!»

انجیل لوقا 4:18

«خِداوندی روح چِمِن سَری کایَه، چوم که اَ، مِن اِنتخاب کَردَشه تا فقیرون را خوشَ خَوَری اِعلام بِکَرِم، و مِن ویسا آکَردَشَه که اَسیرون را، آزادی اِعلام بِکَرِم، و کورون را، بینایی اِعلام بِکَرِم، و ستمدیده اون، آزاد آکَرِم،

انجیل لوقا 4:34

«اِی عیسایِ ناصری، اَمَه نَه چِه کارِر اِستَه؟ اومَیش اَمَه نابود بِکَری؟ بَزنیم تِه کییش؛ تِه هَ قدوسِ، خِدا ایش!»

یوحنا 14:26

امّا اَ یاور، یعنی روح القدس، که دَده اَیی چِمِن نومی نَه ویسا آکَرِه، اَ گِرد چییون شِمَه یاد بَدای و هَر چِه اَز شِمَه نَه واتِمَه، شِمَه یاد بواَردی.

یوحنا 16:13

وختی حقیقتی روح بومَی، شِمَه گِردِ حقیقتی را رهبری بَکَردی؛ چوم اَ اِشتَن طَرفی نَه گَف نِژَنِه، بَلکَم اَ چیی که دَرَسِه بَواتی و اَ چیی کا که در پیش اِستَه شِمَه خَوَردار بَکَردی.

رَسولون اَعمال 10:38

و خِدا، چِنتَه روح القدس و قدرتی نَه عیسایِ ناصری مَسح کَردِشه، جوری که گِردِ جِگا کا گَردی و چاکَ کارون بَکَردی و گِردِ کسونی که اِبلیسی ظلم و ستمی جیری کا بینَه، شفا بَدای، اِمی واسی که خِدا اَیی نَه بَه.

رَسولون اَعمال 3:14

ولی شِمَه اَ قدّوس و صالِحی هاشا کَردِرونَه، و پیستِرونَه چَیی عَوض ایلَه قاتل شِمَه را آزاد آبو.

اوّلین نامَه قورَنتیانیرا 2:15

کسی که خِدا روح هِستِشَه، گِردِ چییون درباره داوری بَکَردی، ولی هیچکس نیمَشا چَیی درباره داوری بِکَرِه.

نامَه، عِبرانیه نَتاجَه مسیحیونرا 1:9

تِه صالِح بییِه نَه خِشیش و شِرارتی کا بیزاریش؛ اِمی واسی خِدا، اِشتِه خدا، تِه اِشتِه همراه اون کا وِرتَر، شادی روعَنی نَه مَسح کَردَشه.»

نامَه، عِبرانیه نَتاجَه مسیحیونرا 8:11

و هیچکسی اِشتَن خَمسوعه تعلیم نِدَه و هیچکسی اِشتَن بِرانَه نِواجِه، ”خِداوَندی آزون!“ چوم گِرد، یالی نَه تا روک مِن آزونِن؛

یوحنا اوّلین نامَه 2:27

امّا شِمَه درباره بَسی بوآجِم اَ مَسحی که اَیی کا ویگِتَرونه، شِمَه دیلَه کا بَمَندی و نیازی نیرونه کسی شِمَه تعلیم بِدَه، بَلکَم چَیی مَسح گِردِ چییون درباره شِمَه تعلیم بَدای. اَ مَسح، حقیقتَه، نِه دوروع. بَس هَتَه که شِمَه تعلیم دوعَشَه، چَیی دیلَه کا بومونه.

یوحنا اوّلین نامَه 4:13

اِمی کا بَزنیمون که چَیی دیلَه کا بَمَندیمون و اَ چَمَه دیلَه کا، چوم که اِشتَن روح کا بَمون آدوعَشه.

یهودا نامه 1:5

با اِم که شِمَه ایی کَرَه گِردِ اِمون کا خَوَر داریرون، ولی پیستِمَه یادآوری بِکَرِم که خِداوند عیسی قوم اِسرائیلی، مصری سرزمینی کا نجات دوشَه، امّا ایی کَرَه دییَر اَوونی که ایمان نِدارین، نابود کَردِشه.

یوحنا موکاشیفَه 3:7

«فیلادِلفیَه کلیسا ملائیکه را بینیویس: «اَ که قدّوسَه، اَ که حَقَّ، اَ که داوودی اَچَری هِستِشَه، اَ که آکَرِه و هیچکس نیمَشا دَوِندِه، و اَ که دَوِندِه و هیچکس نیمَشا آکَرِه، اِنتَه بَواتی:

یوحنا موکاشیفَه 4:8

و اَ چار گِله مخلوق زِنده، هَر کَمیله، شیش گِله بال هِستِشونَه و چوون دیلَه کا و دُور تا دُور، چِمی کا پُورَه، و شَو اَندَه روز یِکسَره بَواتین: «قدّوس، قدّوس، قدّوسَه خِداوندْ خِدای قادر مطلق، اَ که بَه و اِستَه و بومَی.»