یوحنا اوّلین نامَه 2:18 - کتاب مقدس به زبان تالشی شمالی

¹⁸ خِردَنن، اِم آخِرین ساعتَه و هَتَه که دَرَسَرونه ’ضدّمسیح‘ بومَی، حِسَه نی وِرَه ضِدّ مسیحِن اومَینه، و اِمی واسی بَزنیمون که آخِرین ساعتَه.

کتاب مقدس به زبان تالشي - گویش مرکزی

¹⁸ خِردَنِن، اِم آخِرین ساعَتَه و هَتَه کن دَرَستَرون مَسیح ضِد بومَیه، ایسَه نی خَیلی ضد مَسیحییِن آمه اینه، اِمیکا بَموستیمون کن آخِرین ساعَتَه.

یوحنا اوّلین نامَه 2:18 Iomraidhean Croise

مَتّی 24:11

وِر دوروعَه پیغمبرِن بومَین، وِر کَسون گمراه بَکَردین.

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

مَتّی 24:5

چوم وِر کَسِن چِمِن نومی نَه بومَین و بَواتین، ”اَز مسیح موعود اِستیمَه،“ و وِر کَسون گمراه بَکَردین.

مَرقُس 13:6

وِر کَسِن چِمِن نومی نَه بومَین، و بَواتین، ”اَز هَ مسیح موعود اِستیمَه“ و وِر کَسون گمراه بَکَردین.

یوحنا 21:5

عیسی اَوون نَه واتِشه: «خِردَنِن، هیچ مایی گِتَرونَه؟» اَوِن جَواو دوشونَه «نِه!»

رومی کلیسارا نامه 13:11

چِمون غیراز شِمَه بَزنیرون که چِه زمانی کا زندگی بَکَردیرون، حِسَه اَ وختی یَه که خاوی کا پِرِزَه. چیرا که حِسَه اَ زمانی مقایسه نَه که ایمان وَردِمونه، چَمَه نجات نِزدیکتَر آبَه.

رومی کلیسارا نامه 13:12

شَو کارا تمون آبو و روز نِزدیکَه. پس بایَه تاریکی بَدَه کارون بِنییَم کَنار و نوری زِرِه دَکَرم.

نامَه، عِبرانیه نَتاجَه مسیحیونرا 1:2

امّا اِم آخِرَه روزون کا اَ اِشتَن زوعَه واسطه نَه، اَمَه نَه گَف ژَندِشَه، هَ زوعَه ایی که اَیی ایلَه وارثی شیوار گِردِ چیون کا تَعیین کَردِشه و چَیی واسطه نَه جهانی خَلق کَردِشَه.

پطروسی اوّلین نامَه 1:20

اَ، دنیا خلق بییَه پیش مُعَین بَه، امّا اِم آخِر زمانون کا شِمَه را آشکار آبَه.

پطروسی اوّلین نامَه 1:5

شِمَه را که خِدا قدرتی نَه و ایمانی واسطه نَه، حفظ بَییرونَه اَ نِجاتی را که حاضیر بییَه تا آخِر زمانی کا آشکار آبو؛

پطروسی اوّلین نامَه 4:7

گِردِ چییون آخِر نِزدیکَه؛ بَس شِمَه دعا اون واسی شِمَه هَواس جمع بِبو و شِمَه پیشی بِگِرَه.

پطروسی دومین نامه 2:1

امّا قوم اِسرائیلی دیلَه کا، دروعَه پِیغَمبرِن نی بینَه، هَتَه که شِمَه دیلَه کا نی دوروعَه مُعلمِن نی بومَین، که نِینکی غَلطَه تعلیمون بواَردین که بَشای بِکِشِه و هَ اَربابی که اَوون خِرییَشه، حاشا بَکَردین و اِنتَه، نا خَوَرِه بَلایی اِشتَن سَر بواَردین.

پطروسی دومین نامه 3:3

هَر چیی کا پیشتَر، بِزونَه که آخِر زمانی کا مسخره کَرارونی بومَین که اِشتَن پَلیده پیستَه اون دومله اینَه و مسخره کَرون

یوحنا اوّلین نامَه 2:22

دروعَه واج کییَه، اَ کسی غِیراز که اِنکار بَکَردی عیسی، اَ مسیح موعودَه؟ اِنتَه رَه کسی هَ ’ضِدّمسیح‘ اِستَه که هَم دَده و هَم زوعَه اِنکار بَکَردی.

یوحنا اوّلین نامَه 4:1

اِی عَزیزِن، هَر روحی باوَر مَکَرَه، بَلکَم روحون آزمایش بِکَرَه که خِدا کا اینه یا نِه. چوم وِر دروعَه پیغمبرونی دنیا کا اِستینه.

یوحنا اوّلین نامَه 4:3

و هَر روحی که عیسی اقِرار نِکَرِه، خِدا کا نییَه، اِم هَ روحِ ’ضدّمسیح‘ اِستَه که دَرَسَرونه بومَی و حِسَه نی دنیا دیلَه کا یَه.

یوحنا دوّمین نامَه 1:7

چوم دنیا کا وِر حُقه بازِن اِستینه، که اِقرار نِکَرِن که عیسایِ مسیح آدَمی جسمی کا اومَه بِه اِم دنیا. اِنتَه رَه آدَمِن هَ حُقه بازِن و ضِدّ مسیح اِستینه.

یهودا نامه 1:18

که شِمَه نَه واتِشونَه: «آخِر زمانی کا، مسخره کَرارونی بومَین که اِشتَن هَواهَوسی دومله کا اینه.»