یوحنا اوّلین نامَه 2:16 - کتاب مقدس به زبان تالشی شمالی

¹⁶ چوم هَر چیی که دنیا دیلَه کایَه، یعنی جِسمی هوا هَوَسِن، چِمی هَوا هَوَسِن و زندگی غُرور، دَده طرفی کا نییَه بَلکَم دنیا طرفی کا یَه.

کتاب مقدس به زبان تالشي - گویش مرکزی

¹⁶ اِمی خونه کن هَر چیی کن دِنیا کارَ، یعنی جندکی هوا و هوسِن، چَمی هوا هَوَسِن و زندگی غرور، دَدَ کا نیَه بَلکَم دِنیاکارَ.

یوحنا اوّلین نامَه 2:16 Iomraidhean Croise

مَتّی 4:8

هَنی اِبلیس، عیسی بَردِشَه بِلنده کویی کفا و گِرد دنیا پاُتشایی اون و چَوون شكوه و جلالی، بَیی نیشون دوشَه

مَتّی 5:28

امّا از شِمَه نَه بَواتیم، هَر کسی شهوتی نَه ایلَه ژِنی دَیِسه، هَ لحظه اِشتَن دیلی کا اَیی نَه زِنا کَردَشه.

انجیل لوقا 4:5

دومله اِبلیس، عیسی بَردِشه بِلَندَه جِگایی و ایی لَحظه کا گِرد دنیا پاُتشایی اون اَیی نیشون دوشَه

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

اوّلین نامَه قورَنتیانیرا 10:6

حِسَه، اِم چیی اِن گِرد اِتِفاق دَلَکینه تا اَمَه را سَرمشق بِبو، تا اَمَه چَوون شیوار بَدی کَردِه دومله مَبییَم.

نامه غلاطیَه کلیسارا 5:17

چوم که جِسمی پیستَه اِن خِدا روح ضِدی نَه و خِدا روح پیستَه اِن جِسمی ضِد، چون اِم دِ گِله یَندی ضِدی نَه، اِنتَه دِ نیمَشایَه هَر چِه که پیستِرونه، اَنجام بِدییَه.

نامه غلاطیَه کلیسارا 5:24

کسونی که مسیحْ عیسی شِنی نَه، جِسمی چَیی هوا هَوَسون نَه و چَیی پیستَه اون نَه مصلوب کَردَشونه.

نامَه اَفسوسی کلیسارا 2:3

اَمَه نی گِرد ایی زمانی چَوون دیلَه کا چَمَه جِسمی هَواهوسی دیلَه کا زِندگی بَکَردیمون، و چَمَه جِسمی فیکرون و پیستَه اون اَنجام بَدایمون؛ و بقیه آدَمون شیوار، بینا بِه چَمَه ذات، خِدا غَضَبی محکوم بیمونه.

نامَه تیتوسیرا 2:12

و بَمون آموجِه که بی‌دینی و دنیایی یَه هَواهَوسون وِل آکَرَم، چَمَه پیشی بِگِرَم و صالحی و دینداری نَه اِم دورَه کا زِندگی بِکَرَم،

نامَه تیتوسیرا 3:3

چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

یعقوبی نامَه 3:15

اِنتَه رَه حکمتی آسِمونی کا نا، بَلکَم زَمینی و نَفسانی و شیطانی اِستَه.

یعقوبی نامَه 4:16

اِنتَه که معلومه شِمَه، شِمَه تکبُّری نَه فَخر بَکَردیرون. اِنتَه رَه فَخر کَردِه بَد اِستَه!

پطروسی اوّلین نامَه 1:14

اَ مطیع خِردَنون شیوار، اَ هَواهَوسون شیوار مبییَه که نادونی دورانی کا داریرون.

پطروسی اوّلین نامَه 2:11

اِی عزیزِن، شِمَه کا که اِم دنیا کا مسافر و غریبیرونَه خواهیشت بَکَردیم که جِسمی هَواهَوسی کا، که شِمَه روح ضِد بَجَنگستین، پَرهیز بِکَرَه.

پطروسی دومین نامه 2:10

بخصوص کسونی که اِشتَن فاسدَه هَواهَوسی پیستَه اون دومله کا اینَه و اِقتداری روک بَزنین. اِمِن اِنتَه سَرکَش و خودخواهی نَه که، اِمی کا که آسِمونی یَه پیله تَرون نَه کُفر بوآجِن تَرسی نیشونَه؛

پطروسی دومین نامه 2:18

چوم بِلندَه سَسی نَه گفونی بَواتین که خودخواهی و نفهمی کا پُورَه، کَسونی که سختی نَه بَدَه آدَمون چَنگی کا جیوَشتَه اینَه، اِشتَن هَواهَوسون، تَلَه کا دَرَفنِن.