یوحنا اوّلین نامَه 1:6 - کتاب مقدس به زبان تالشی شمالی

⁶ اَگم اَمَه بوآجَم اَیینه رَفاقَت اِستِمونه، با اِمکه تاریکی کا زندگی بَکَردیمون، دورع بَواتیمون و حقیقتی عمل نِکَرَم.

کتاب مقدس به زبان تالشي - گویش مرکزی

⁶ اَگَم اَمه بِواجَم بَینَه رَفاقَت بَداشتیمون، ایسَه اِمکن ظِلَماتیکا زندگی بَکمون، دِرو باتیمون و حییقتیکا عَمَل نِمونَه کرد.

یوحنا اوّلین نامَه 1:6 Iomraidhean Croise

مَتّی 7:22

داوری یَه روزی کا وِر کَسِن بَه مِنَه بَواتین: ”اِی خِداوند، اِی خِداوند، مَگم اِشتِه نومی نَه نَبوّت نِکَردِمونَه؟ مَگم اِشتِه نومی نَه دیوون بَنِرکَردِمونَه؟ مَگم اِشتِه نومی نَه وِرَه معجِزه اون نِکَردِمونَه؟“

یوحنا 11:10

امّا کسی که شَوی کا راه بِشو، بَلَکِه، چوم اَیی کا نوری نییَه.»

یوحنا 12:35

عیسی اَوون نَه واتِشه: «تا روکَته زَمانی دییَر، نور شِمَه دیلَه کایَه. بَس تا وختی که حَلا نوری هِستِرونَه، بِمِجه، نَبادا تاریکی شِمَه بِگِرِه. اَ کسی که تاریکی کا مِجِه، نیمَزنِه کییا بَشی.

یوحنا 12:46

اَز ایلَه نوری شیوار اومیمَه بِه دنیا تا هَر کسی بَه مِن ایمان بواَرِه، تاریکی کا مَمونِه.

یوحنا 8:12

دومله عیسی هَنی مردمی نَه گَف ژَندِشَه، واتِشه: «اَز دنیا نوریمَه. هَر کسی چِمِن دومله با، هَرگز تاریکی کا راه نِشو، بَلکَم زندگی نوری هِستِشه.»

یوحنا 8:55

شِمَه اَیی آنِزونَه، امّا اَز اَیی آزونِم. اَگم بوآجِم اَیی آنِزونِم، شِمَه شیوار دروعه واج بَبیم. امّا اَز اَیی آزونِم و چَیی کلامی عمل بَکَردیم.

اوّلین نامَه تیموتائوسیرا 4:2

دروعَه واجِن و دِ دیمِن اِنتَه رَه تعلیمون بواَردین که چَوون وجدان مَردَه یَه.

یعقوبی نامَه 2:14

چمِن بِرا اِن، اَگم ایی نفر اِدعا بِکَرِه ایمان هِستِشه، امّا اَعمال مَدارِه چِه فایده ای هِستِشه؟ اِنتَه رَه ایمانی بَشای اَیی نِجات بِدَه؟

یعقوبی نامَه 2:16

و ایی نفر شِمَه کا اَوون نَه بوآجِه: «بِشَه بِه سلامت، گَرم و سیر آبییَه،» امّا چَوون جِسمی نیازون آمَدَه اَوون، چِه فایده هِستِشه؟

یعقوبی نامَه 2:18

ولی مُمکنه ایی نفر بوآجِه: «تِه ایمان هِستِرِه و اَز نی اَعمال هِستِمه!» تِه اِشتِه ایمانی بیدون اَعمال بَه مِن نیشون بِدَه و اَز چِمِن ایمانی اَعمالی نَه بَه تِن نیشون بَدایم.

یوحنا اوّلین نامَه 1:10

اَگم بوآجَم که گناه کَردَه نیمونه، اَئی دروعَه واج نیشون بَدایمون و چَیی کلام چَمَه دیلی دِیله کا جِگایی نیشَه.

یوحنا اوّلین نامَه 1:3

اَمَه اَ کلامی که ویندَمونه و دَرَسَمونه شِمَه را نی اِعلام بَکَردیمون تا شِمَه نی اَمَه نَه رَفاقَت بِکَرَه؛ حقیقتن نی که چَمَه رَفاقَت دَده و چَیی زوعَه نَه، عیسایِ مسیح نَه یَه.

یوحنا اوّلین نامَه 1:8

اَگم بوآجَم که گناه کَردَه نیمونه، اِشتَن گول ژَندَمونه و چَمَه دیلَه کا حقیقتی نییَه.

یوحنا اوّلین نامَه 2:4

اَ کسی که بَواتی اَئی آزونِه، امّا چَیی اَحکامون اَنجام نِدَه، دورعَه واجَه و حقیقت چَیی دیلَه کا نییَه.

یوحنا اوّلین نامَه 4:20

اَگم کسی بوآجِه که خِدا نَه خِشَه امّا اِشتَن بِرا کا بیزار بِبو، اَ آدَم دورعَه واجَه. چوم کسی که اِشتَن بِرایی نَه که بَویندی خِش نییَه، نیمَشای خِدایی نَه که ویندَه نیشَه، خِش بِبو.