یوحنا اوّلین نامَه 1:1 - کتاب مقدس به زبان تالشی شمالی

¹ اَ چیی که صِفته نَه اِستبَه، اَ چیی که دَرَسَمونه و چَمَه چِمون نَه ویندَمونه، اَ چیی که بَیی دییَشتِمونه و چَمَه دَسون نَه لَمس کَردِمونه، یعنی زندگی بَخشَ کلام، اَیی شِمَه را اِعلام بَکَردیمون.

کتاب مقدس به زبان تالشي - گویش مرکزی

¹ اَ چیی ایی کن شروو کا بَه، اَ چیی ایی کن دَرستَمونَه و اِشتَن چَمونَّه ویندَمون، اَ چیی ایی کن دَیَشتِمون و اِشتَن بالونَّه دَست آسا کَردِمون، یَعنی زندگی کلام کن اَی شِمَرا اییلام بَکَمون.

یوحنا اوّلین نامَه 1:1 Iomraidhean Croise

انجیل لوقا 1:2

درست هَتَه که کسونی که اَوّلی نَه اِشتَن چِمی نَه ویندَشونَه و خِدا کلامی خادِمون واسطه نَه بَمون دَسپَردِشونَه، نیویشتَشونَه.

انجیل لوقا 24:39

چِمِن دَس و پا بِوینَه. اَز اِشتَنیمَه. مِن دَس بژَنَه و بِوینَه؛ چوم روح، گوشت و اَستَه نیشَه، امّا هِنتَه که بَویندیرون اَز هِستِمَه.»

یوحنا 19:35

اَ کسی که اِمی ویندَشه، شهادتی بَدای تا شِمَه نی ایمان بواَرَه. چَیی شهادتی راستَه و اَ بَزنی که حقیقتی بَواتی.

یوحنا 20:27

اَ موقع عیسی، توما نَه واتِشه: «اِشتِه اَنگِشتی اییا کا بِنَه و چِمِن دَسون بِوین، و اِشتِه دَسی بوعَه پیش و چِمِن تَکی خِلی کا بِنَه و بی ایمان مَبِن، بَلکَم ایمان بِدار.»

یوحنا 5:26

چوم هَتَه که دَده اِشتَن کا زندگی هِستِشه، زوعَه نی عطا کَردَشه که اِشتَن کا زندگی بِدارِه،

یوحنا 8:58

عیسی اَوون نَه واتِشه: «حقیقتن، شِمَه نَه بَواتیم، پیش از اِم که اِبراهیم پیغمبر بِبو، اَز اِستیمَه!»

رَسولون اَعمال 1:3

عیسی وِر رنج کَشِه پَش، اِشتَن، اَوون را ظاهر آکَردِشه و وِرَه کارون نَه ثابِت کَردِشه که زِنده آبَه. عیسی چِل روز اَوون را ظاهر آبی و اَوون نَه خِدا پاُتشایی درباره گَف ژَنی.

رَسولون اَعمال 4:20

چوم اَمَه نیمَشایَم اَ چیی که ویندَمونَه و دَرَسَمونَه، مَواجَم.»

نامَه، عِبرانیه نَتاجَه مسیحیونرا 2:3

بَس اَگم اَمَه اِنتَه رَه یالَه نجاتی کا غافل بِبییَم، چِنتَه چَیی مجازاتی کا دَوَزَم؟ اِم نِجات اوّل خِداوندی واسطه نَه اِعلام بَه و دومله کسونی واسطه نَه که اَیی دَرَسِشونَه اَمَه را ثابت بَه،

یوحنا اوّلین نامَه 4:14

و اَمَه ویندَمونه و شهادتی بَدایمون که دَده، اِشتَن زوعَه ویسا آکَردَشَه تا دنیا نجات دَهنده بِبو.

یوحنا اوّلین نامَه 5:7

چوم سِه گِله اِستینه که شهادتی بَداین:

یوحنا موکاشیفَه 1:11

که بَواتی: «اَ چیی که بَویندیش ایلَه کیتابی دیلَه کا بینیویس و اِم هفت گِلَه کلیسا: اَفِسُس، اِسمیرنا، پِرگاموم، تیاتیرا، ساردِس، فیلادِلفیَه و لائودیکیَه را ویسا آکَه.»

یوحنا موکاشیفَه 1:8

خِداوندْخِدا بَواتی: «’الف‘ و ’ی‘ اَزیمَه؛ اَ قادر مطلق که اِستَه و بَه و بومَی.»

یوحنا موکاشیفَه 19:13

ایلَه خونی یَه اَبایی دَکَردَش بَه و اَ نومی نَه که اَیی دَخونِن ’خِدا کلامَ‘.

یوحنا موکاشیفَه 2:8

«اِسمیرنا کلیسا ملائیکه را بینیویس: «اَ که اوّلَ و اَ که آخِرَه، اَ که مَردَه و زِندَه آبَه، اِنتَه بَواتی: