اوّلین نامَه قورَنتیانیرا 6:3 - کتاب مقدس به زبان تالشی شمالی

³ مَگم نیمَزنَه که اَمَه ملائیکه اون داوری بَکَردیمون؟ چِه بِرسَه بِه اِم زِندگی جریانون داوری کَردِه دربارَه.

کتاب مقدس به زبان تالشي - گویش مرکزی

³ مگَم نینَّزنی کن اَمه فرشتَه اون سَر دیوون بَکَمون؟ چِه بِرَسِه اِم زندَگی گِچه مسئَله اون سَردِرِ دیوون کَردِ.

اوّلین نامَه قورَنتیانیرا 6:3 Iomraidhean Croise

مَتّی 25:41

«دومله پاُتشا کسونی نَه كه چَیی چَپ طرفی کا مَندینَه بَواتی: ”اِی مَلعونِن، بَه مِن کا دور آبییَه و اَ اَبَدی یَه آتشی دیلَه بِشییَه که اِبلیس و چَیی ملائیکه اون را آمادَه آبَه،

انجیل لوقا 21:34

«ویرا بِبییَه، نَبادا، عیش و نوش و مَستی و زندگی نِگرانی اِن شِمَه دیلی سَنگین آکَرِن، و اَ روز ایلَه تَلَه ایی شیوار ایی دفعه شِمَه گیر دَرَفَنه.

انجیل لوقا 8:14

دونه اِنی که بِرّون دیلَه کا ویبینَه، کَسونی اِستینَه که خِدا کلامی دَرَسِن، امّا هِنتَه که پیش بَشین، نِگرانی اِن، مال دنیا و زِندگی لَذّتِن کلامی چَوون دیلی کا خَفه بَکَردی و ثمر نِوَرِن.

رومی کلیسارا نامه 6:16

مَگم نیمَزنه که اَگم اِشتَن نوکرونی شیوار که اِطاعت بَکَردین، آدییَه ایی نفری دَس اَ آدَمی نوکرون بَبیرون که اَیی کا اِطاعت بَکَردیرون، چِه گناه نوکر، که مرگی را خَتم بَبی، چِه خِدا اِطاعتی نوکر، که صالحی را خَتم بَبی؟

اوّلین نامَه قورَنتیانیرا 6:15

مَگم نیمَزنه که شِمَه بَدَنِن مسیح اَعضا اینه؟ یعنی مسیح اَعضا پِگِرِم و اَوون ایلَه فاحشه اَعضا شیوار وَج آکَرِم؟ هَرگز!

اوّلین نامَه قورَنتیانیرا 6:16

مَگم نیمَزنَه کسی که ایلَه فاحِشه نَه بِخِسِه، اَیی نَه ایلَه بَدَن بَبی؟ چوم توراتی کا نیویشته بییَه که: «اَ دِ نفر ایلَه بَدَن بَبین.»

اوّلین نامَه قورَنتیانیرا 6:19

مَگم نیمَزنَه که شِمَه بَدن روح القدسی معبدَه که شِمَه دیلَه کایَه و اَیی خِدا کا ویگِتَرونه؟ شِمَه دِ شِمَه شِن نیرونه.

اوّلین نامَه قورَنتیانیرا 6:4

بَس چیرا وختی اِنتَه رَه اِختِلافِن شِمَه دیلَه کا اِتِفاق دَلَکِن، بَبَردیرون کسونی وَر که کلیسا کا کسی حِساب نِبون؟

دِوُّمین نامَه تیموتائوسیرا 2:4

هیچ سربازی، اِشتَن خدمتی موقع، اِشتَن، اِشتَن زِندگی کارون کا گیرفتار نِکَرِه، چوم پیستِشَه اَ کسی راضی آکَرِه که اَیی خدمتی سَری کا نوعَشَه.

دِوُّمین نامَه تیموتائوسیرا 4:10

چوم دیماس اِم دنیا خِش بییِه واسی مِن وِل آکَردَشَه و شَه تَسالونیکی شهری را. کریسکیس شَه غلاطیه منطقه را و تیتوس نی دَلماتیه منطقه را شَه.

پطروسی دومین نامه 2:4

چوم اَگم خِدا اَ ملائیکَه اونی را که گناه کَردَشونَه رَحم نِکَردِشه، بَلکَم اَوون دسپاردِشَه ظُلمات تاریکی دَس جَهَندمی سیاه چالی دیلَه کا تا داوری را غَم هَردَه بِبون؛

یهودا نامه 1:6

اَ، ملائیکه اونی که اِشتَن اَ اِقتدارَه جِگا دیلَه کا نِمَندینه، بَلکَم اِشتَن دُرستَ جِگا وِل آکَردِشونه، اَبَدی یَه زِنجیرون نَه دَوَستَشَه و ظُلماتی کا غَم هَردَشَه تا محاکمه را اَ یالَ روزی کا.