اوّلین نامَه قورَنتیانیرا 4:8 - کتاب مقدس به زبان تالشی شمالی

⁸ اِنگاری که شِمَه هَر چِه که پیستِرونه، آرَستَه ایرونه! اِنگاری که حِسَه شِمَه پولدار بَیرونه! بیدون اَمَه، شِمَه پاُتشا بَییرونه! و کَشکی پاُتشایی بِکَریرون تا اَمَه نی شِمَه نَه پاُتشایی بَکَردیمون!

کتاب مقدس به زبان تالشي - گویش مرکزی

⁸ اینگار کن شِمَه هَر چیی ایی کن اَپیرون بَه، آرَستَه ایرون! اینگار کن هم ایسَه پولدار آبَه ایرون! و پادشاهی بَکَرون، اَ نی بی چَمه! و کاش کن واقییَن پادیشاهی اَکَریرون تا اَمه نی شِمَنه پادیشاهی اَکَریمون!

اوّلین نامَه قورَنتیانیرا 4:8 Iomraidhean Croise

مَتّی 5:1

وختی عیسی اَ جَماعتی ویندِشه، پِشَه ایلَه کوه سَری کا و اوآ کا نِشتَه. اَ موقع چَیی شاگِردِن اومینَه چَیی وَر.

انجیل لوقا 6:25

وای بر شِمَه که حِسَه سیری رونَه، چوم شِمَه وِشی بَبیرون. وای بر شِمَه که حِسَه کارا خورِستیرون، چوم که شِمَه ماتَم بَگتیرون و داد بَکَردیرون.

رَسولون اَعمال 26:29

پولس جَواو دوشَه: «خِدا کا پیستِمَه که عَری یا زود، نِه فقط شِمَه، بَلکَم گِرد کَسونی که اوری چِمِن گفی دَرَسِن، چِمِن شیوار بِبون، البته نِه قُول و زِنجیری دیلَه کا!»

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

اوّلین نامَه قورَنتیانیرا 1:5

چوم شِمَه مسیح کا هَر چیی کا، گِردِ کلامی کا و گِردِ دانایی کا غَنی بَییرونه

اوّلین نامَه قورَنتیانیرا 4:18

بعضی اِن مغرور بَیینه. اَوِن گمون بَکَردین که از دِ نیمام شِمَه وَر.

اوّلین نامَه قورَنتیانیرا 5:6

شِمَه اِفتخار کَردِه اَصلا درست نییَه. مَگم نیمَزنه که روکَته ای خَمیرَه مایَه بَشای خمیری گِردی وَر بواَرِه؟

دوومین نامه قرنتیانیرا 11:1

کَشکی شِمَه چِمِن اِم روکَته نادونی کا مِن تاو بواَردیرون، مِن تاو بواَرَه!

دوومین نامه قرنتیانیرا 13:9

چوم هَر وخت که اَمَه ضَعیف بِبییَم و شِمَه قوی، اِم چَمَه شادی باعیث بَبی، و چَمَه دعا اِمَه که شِمَه هَنی قوت بِگِرَه.

نامه غلاطیَه کلیسارا 6:3

چوم اَگم ایی نفر اِشتَن چیی بِه حساب بواَرِه که نییَه، اِشتَن گول ژَنِه.

نامَه فیلیپی کلیسا را 1:27

فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

نامَه فیلیپی کلیسا را 2:12

بَس اِی عزیزِن، هَتَه که هَمیشه تابِع بَیرونه، حِسَه نِه فقط چِمِن پیشی کا، بَلکَم بَسی وِرتَر، چِمِن نِبییِه کا، شِمَه نجاتی را تَرس و لَرزی نَه عمل بِکَرَه،

یوحنا موکاشیفَه 3:17

چوم بَواتیش: دولتمندیمَه، مال و مَنال هِستِمَه و هچیی مُحتاج نیمَه.“ ولی نیمَزنیش که بدبخت، ذلیل، نَدار و کور و لُخت و سُختیش.

یوحنا موکاشیفَه 5:10

و اَوون چَمَه خِدا را، پاُتشایی و کاهِنون کَردِرَه، و اَوِن زمینی سَری کا سلطنت بَکَردین.»