اوّلین نامَه قورَنتیانیرا 4:7 - کتاب مقدس به زبان تالشی شمالی

⁷ چوم کی تِه ایی جور دییَر بَویندی؟ چِه چی هِستِره که بَه تِن آدوعَه بَه نییَه؟ بَس اَگم بَه تِن آدوعَه بییَه، چیرا جوری اِفتخار بَکَردیش که اِنگاری اِنتَه نییَه؟

کتاب مقدس به زبان تالشي - گویش مرکزی

⁷ اِمی خونه کن، کی بَتِه، ایی جور دییَر کا ویندِ؟ چِرهِستَه، کن بَتِه بَخشِستَشون نیه؟ پس اَگَم بتِشون بَخشِستَه یَه، پس چیرا هنته ایفتخار بَکَشه کن اینگار اِنتَرَ نی؟

اوّلین نامَه قورَنتیانیرا 4:7 Iomraidhean Croise

انجیل لوقا 19:13

بَس دَه نفر اِشتَن نوکَرون کا دَخوندِشه و هَر نفری ایلَه طِلا سِکه آدوشَه که ایلَه کاریگری سِه مانگی دستمزد بَه و واتِشه: ”تا چِمِن آگَردِستِه موقع اِمی نَه کار بِکَرَه.“

یوحنا 1:16

چَیی پُوری کا اَمَه گِرد پُوری نَه ویگِتَمونَه، فیض فیضی سَر.

یوحنا 3:27

یحیی جَواو دوشَه: «اِنسان نیمَشا چیی بِه دَس بواَره، غِیر اَز اَ چیی که خِدا طرفی کا اَیی عطا بِبو.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

رومی کلیسارا نامه 12:6

طبق اَ فیضی که بَمون را بییَه، جور بَه جوره عطایا هِستِمونَه. بایَه اَوون بِه کار بِگِرَم: اَگم نبوّت کَردِه یَه، اَیی چَمَه ایمانی قَدَر بِه کار بِگِرَم،

اوّلین نامَه قورَنتیانیرا 15:10

اِمی که الان بَویندیرون اِستیمَه خِدا فیضی واسی یَه که اِستیمَه و اَ فیض بَه مِرا بی فایدَه نِبَه. بَرعکس، از چَوون گِردی کا چَتینتَر کار کَردِمَه، امّا نِه اِشتَن، بَلکم خِدا فیضی واسی که مِنه یَه.

اوّلین نامَه قورَنتیانیرا 3:5

مَگم آپولُس کییَه؟ پولُس کییَه؟ اَوِن فقط خادِمونی اِستینه که خِدا هَر کَمیله اَوون ایلَه وظیفه‌ای آدوشَه تا شِمَه چَوون واسطه نَه ایمان بواَرَه.

اوّلین نامَه قورَنتیانیرا 5:6

شِمَه اِفتخار کَردِه اَصلا درست نییَه. مَگم نیمَزنه که روکَته ای خَمیرَه مایَه بَشای خمیری گِردی وَر بواَرِه؟

اوّلین نامَه قورَنتیانیرا 7:7

کَشکی گِرد چِمِن شیوار بِبین، امّا هَر کس اِشتَن عَطیه خِدا کا ویگِتَشه؛ ایی نفر ایی جور عَطیه هِستِشه و اَ ایلَه ایی جور دییَر.

یعقوبی نامَه 1:17

هَر چاکَ هدیه ای و هَر کامل هدیه ای آسِمونی کا اِستَه، نورون دَده طرفی کا که چَیی دیلَه کا هیچ تغییری نییَه، و نِه هیچ سایی که تغییری کا به وجود اومَه بِبو.

پطروسی اوّلین نامَه 4:10

شِمَه هَر کَمیله طبق اَ عَطیه ای که ویگِتَرونَه، اَیی یَندی خدمَت کَردِه را بِه کار بِگرَه، ایلَه خِدمتکاری شیوار که خِدا جور بَه جورَه فیضی را خِدمت بَکَردی.