اوّلین نامَه قورَنتیانیرا 4:6 - کتاب مقدس به زبان تالشی شمالی

⁶ اِی بِرااِن، از گِردِ اِم گفون، چِمِن و آپولُسی درباره شِمَه خیر و صلاح را واتِمَه، تا شِمَه اَمَه کا اِم گفون معنی باموجَه که: «اَ چیی کا که نیویشته بییَه، پیشتَر مَشَه.» تا هیچ گِلَه شِمَه کا، اَ ایلَه پیشی کا پوز مَدَه.

کتاب مقدس به زبان تالشي - گویش مرکزی

⁶ برااِن، اَز اِم گفون گردی، اِشتَن خونه و آپولوسی خونه، شمه خیر و صلاح خاطر واتم تا شمَه اَمَکا اِم گَفون مَعنی آموج بیگِرَ کن: «اَ چیی ایکا کن نوشتَه آبَه یَه، کفاتر مشَه.» تا هیچ کِرَم شِمَکا دییَری سَردِرِ، پوز نِدَرِ.

اوّلین نامَه قورَنتیانیرا 4:6 Iomraidhean Croise

رَسولون اَعمال 18:24

اَ روزون کا، ایلَه یَهودی، که چَیی نوم آپولس بَه و اِسکندریه آدمون کا بَه، اومَه اَفِسُس. اَ، گفَ ژَنی کا اوستا بَه و مقدّس نیویشته اون کا وِر بَزنی؛

رَسولون اَعمال 19:1

ولی موقعی که آپولس قُرِنتُسی شهری کا بَه، پولس بعد از اِم که اَ منطقه اون خِشکی راه کا دَوییَردَه، آرَستَه اَفِسُسی شهری را. اوآ کا چَن گِله شاگِردون تِلَفتِشه

رومی کلیسارا نامه 12:3

چوم فیضی واسطه نَه که بَه مِن آدوعَه بییَه، شِمَه هَر کمیله نَه بَواتیم که اِشتَن اَ چیی کا که اِستیرونه، وِرتَر مَزونه، بَلکَم هَر کمیله اَ ایمانی اَندازه که خِدا، شِمَه بَخشِستَشه، دُرست قِضاوت بِکَرَه.

اوّلین نامَه قورَنتیانیرا 1:12

چِمِن منظور اِمَه که شِمَه کا ایی نفر بَواتی: «از پولُسی پِیرویمَه»؛ اَ ایلَه بَواتی: «از آپولُسی پِیرویمَه»؛ ایی نفر دییَر بَواتی: «از پِطرسی پِیرویمَه»؛ و اَ ایلَه نی بَواتی که: «از مسیح پِیرویمَه.»

اوّلین نامَه قورَنتیانیرا 1:19

چوم که اِشعَیای پِیغمبری کیتابی کا نیویشته بییَه که: «حَکیمون حِکمتی از بِین بَبَردیم و فهمیده آدَمون فَهمی، هیچ بَکَردیم.»

اوّلین نامَه قورَنتیانیرا 1:31

تا هَتَه که اِرمیای پِیغمبری کیتابی کا نیویشته بییَه: «هَر‌ کسی که اِفتخار بَکَردی، بِه خِداوند اِفتخار بِکَرِه.»

اوّلین نامَه قورَنتیانیرا 13:4

محبت میهروون و صبورَه؛ محبت حَسودی نِکَرِه و فَخر نِکَرِه، محبت غرور نیشَه.

اوّلین نامَه قورَنتیانیرا 3:19

چوم که اِم دنیا حِکمت، خِدا نظری کا نادونی یَه. هَتَه که ایوبی کیتابی کا نیویشته بییَه که: «حَکیمَ آدَمون چَوون اِشتَن فَنی نَه گیرفتار بَکَردی.»

اوّلین نامَه قورَنتیانیرا 3:21

بَس دِ کسی بِه آدَمون اِفتخار مَکَرِه. چوم گِردِ چیی اِن شِمَه شِنی نه،

اوّلین نامَه قورَنتیانیرا 5:2

و شِمَه حَلا پوز بَدایرون! مَگم نَبی ماتَم بِگِرَه؟ کسی که اِنتَه کَردَشه شِمَه دیلَه کا بَرکَرَه بِرون.

اوّلین نامَه قورَنتیانیرا 5:6

شِمَه اِفتخار کَردِه اَصلا درست نییَه. مَگم نیمَزنه که روکَته ای خَمیرَه مایَه بَشای خمیری گِردی وَر بواَرِه؟

اوّلین نامَه قورَنتیانیرا 8:1

و حِسَه بُتون را قِربونی بییَه غذا درباره: بَزنیمون که «اَمَه گِرد آدَمونی دانا ایمونه.» اِم دانایی، غرور بواَردی، امّا محبت آدَمی بَنا بَکَردی.

اوّلین نامَه قورَنتیانیرا 9:23

از گِردِ اِم کارون اِنجیلی واسی بَکَردیم، تا بَلکَم چَیی بَرکَتون کا سهم بِدارِم.

دوومین نامه قرنتیانیرا 10:12

نِه اِمکه اَمَه جُرئت بَکَردیمون اِشتَن کسونی کا بِزونَم که اِشتَن کا تعریف بَکَردین یا اِشتَن یَندی نَه مقایسه بَکَردین. ولی اَ موقع کسونی که اِشتَن یَندی نَه سبُک سنگین بَکَردین و اِشتَن یَندی نَه مقایسه بکَردین، نِفَهمِن.

دوومین نامه قرنتیانیرا 10:15

اَمَه چَمَه حَدی دارَم و چیی را که خَلک زحمت کَشَشونه اِفتخار نِکَرَم. ولی اَمَه اُمید هِستِمونه که هَر چِه شِمَه ایمان وِرتَر ترقی بِکَرِه، چَمَه خدمتی حَد نی شِمَه دیلَه کا وِرتَر آبو،

دوومین نامه قرنتیانیرا 10:7

دَیِسَه، بِوینه شِمَه چِمی پیشی کا چِه نوعَه. اَگم کسی مطمئنَه که مسیح شِنَه، اَ آدَم بَسی بِزونه هَتَه که اَ مسیح شِنَه اَمَه نی مسیح شِنیمونه.

دوومین نامه قرنتیانیرا 11:4

چوم که اَگم ایی نفر با شِمَه وَر و شِمَه ایلَه دییَر عیسی نَه اَ عیسی غِیراز که اَمَه بِه شِمَه اِعلام کَردِمونه، اِعلام بِکَرِه، یا اَگم شِمَه ایلَه دییَر روح، روح القدوسی غِیراز که ویگِتَرونه، ویگِرَه یا اَگم اِنجیلی پِیغومی اَ اِنجیلی پِیغومی غِیراز که قبول کَردَرون بَه قبول بِکَره، شِمَه راحت اَیی تحمل بَکَردیرون.

دوومین نامه قرنتیانیرا 12:19

مَگم تا حِسَه خَیال بَکَردیرون که اَمَه تَقَّلا بَکَردیمون که شِمَه پیشی کا اِشتَن کا دفاع بِکَرَم؟ اَمَه خِدا حضوری کا کسونی شیوار گف ژَنَم که مسیح کا اینَه، اِی عزیزِن، هَر چیی که بَکَردیمون، شِمَه ایمانی تقویت کَردِه را یَه.

دوومین نامه قرنتیانیرا 12:20

چوم که از تَرسِم بام شِمَه وَر شِمَه اَته که اِنتظار هِستِمَه مَوینِم، و شِمَه نی اَته که اِنتظار هِسترونه، مِن مَوینه. شاید شِمَه دیلَه کا جَنگ و جَدَل، حَسودی، خشم، دِشمِنی، بُختون، غیبت، غرور و هَرکی هَرکی بِبو.

دوومین نامه قرنتیانیرا 12:6

هَر چَن اَگم پیستِمه اِفتخار بِکَرِم، بیفَهم نِبوم، چوم حقیقتی بَواتیم. امّا اِم کاری کا پرهیز بَکَردیم تا نَبادا کسی خیال بِکَرِه از، اَ چیی کا که بَه مِن کا بَویندی و بَه مِن کا دَرَسِه یالتَریمَه.

دوومین نامه قرنتیانیرا 4:15

اِمِن گِرد شِمَه واسی اِستینَه، تا هَر چَدَه که خِدا فیض مردمی سَری کا وِرتَر و وِرتَر آبو، شُکرکَردِه نی خِدا جلالی را وِرتَر آبو.

نامَه کُولُسی کلیسا را 2:18

مَرزَه کسی شِمَه محروم بِکَرِه اِم اِصراری نَه که بَدنی بَسی چاک غَم هَردِه و ملائیکه اون پرستش کَردِه. اِنتَه رَه آدَمی فقط اِشتَن خَیالاتی تَکیه بَکَردی و بی اِمکه دلیلی بِدارِه اِشتَن پوچَ فیکرون نَه مغرور بَبی.

اوّلین نامَه تَسالونیکی کلیسا را 1:5

چوم که چَمَه اِنجیل فقط گفی نَه آنِرَسته بِه شِمَه، بَلکَم قوّتی نَه و روح القدسی نَه و کاملَ اِطمینانی نَه آرَستَه بِه شِمَه؛ هَتَه که بَزنیرون شِمَه واسی چِنتَه شِمَه دیلَه کا رفتار کَردِمونه.

دِوُّمین نامَه تیموتائوسیرا 2:10

اِمی واسی از گِردِ چییون، اِنتخاب بییَه اون واسی تاو بواَردیم، تا اَوِن نی اَ نجاتی که مسیحْ عیسی کایَه، اَبَدی یَه جلالی نَه بِه دَس بواَرِن.