اوّلین نامَه قورَنتیانیرا 3:3 - کتاب مقدس به زبان تالشی شمالی

³ چوم که حَلا جِسمانی یَه چییون دومله کا ایرونه. وختی شِمَه دیلَه کا حَسودی و دعوا مُرافه یَه، مَگم هِم نیشون نِدَه که جِسمانی یَه چییون دومله کا ایرونه و بَشری یَه راه دیلَه کا رفتار بَکَردیرون؟

کتاب مقدس به زبان تالشي - گویش مرکزی

³ چیرا کن هَنوزَنی جیسمانیَه چییون دوملَه ایرون. وقتی شِمَه دِلَکا زِرَبَردِ و ژِژِ هِستَه، مگَم شمَه هِم کار آنییَموست کن جیسمانییَه چییون دوملَه ایرون و اینسانییَه راه دلَکا رفتار بَکَرون؟

اوّلین نامَه قورَنتیانیرا 3:3 Iomraidhean Croise

رومی کلیسارا نامه 13:13

بایَه اِنتَه دُرست رفتار بِکَرم که کَسونی شَئنی کایَه که روزی روشونی کا زندگی بَکَردین. نِه عَیاشی و عَرق هَری کا، نِه زِنا و هَرزِگی کا، نَه جنگ و جَدل و حَسودی کا.

اوّلین نامَه قورَنتیانیرا 1:10

اِی بِرااِن، چَمَه خِداوند عیسایِ مسیح نومی واسی شِمَه کا خواهیشت بَکَردیم که یَندی نَه یَکدیل بِبییَه، و شِمَه دیلَه کا جِدایی مَبو، بَلکَم هَم فیکر کَردِه کا و هم رأی کا ایلَه بِبییَه.

اوّلین نامَه قورَنتیانیرا 1:11

چوم که، چِمِن بِرااِن، خْلوئه کَ آدَمِن، بَه مِن خَوَر دوعَشونه که شِمَه دیلَه کا دعوا مرافعه یَه.

اوّلین نامَه قورَنتیانیرا 11:18

اوّل اِم که دَرَسِم، اَ موقَعی که کلیسا را یَندی نه جمع آبییَه، شِمَه دیلَه کا دِ دَسته ای دَلَکِه، و اِمی تِلی باوَر بَکَردیم.

اوّلین نامَه قورَنتیانیرا 3:4

چوم که وختی ایی نفر بَواتی: «از پولُسی کا پیروی بَکَردیم،» و اَ ایلَه بَواتی: «از آپولُسی کا پیروی بَکَردیم،» مَگم بقیه آدَمون شیوار نیرونَه؟

دوومین نامه قرنتیانیرا 12:20

چوم که از تَرسِم بام شِمَه وَر شِمَه اَته که اِنتظار هِستِمَه مَوینِم، و شِمَه نی اَته که اِنتظار هِسترونه، مِن مَوینه. شاید شِمَه دیلَه کا جَنگ و جَدَل، حَسودی، خشم، دِشمِنی، بُختون، غیبت، غرور و هَرکی هَرکی بِبو.

نامه غلاطیَه کلیسارا 5:15

ولی اَگم یَندی بِگَزَه و ویبَره، ویرا بِبییَه که یَندی دَسی نَه اَز بین مَشَه.

نامَه تیتوسیرا 3:3

چوم که اَمَه نی ایی زَمانی نادون بیمونه، نافرمون و گمراه بیمونه، همه جورَه هَواهَوسون و خوشیون نوکر بیمونه؛ و کینه و حسودی نَه زِندگی بَکَردیمون. مردم اَمَه کا بیزار بینَه و اَمَه نی یَندی کا.

یعقوبی نامَه 3:16

چوم هَر جِگا کا حَسودی و خودخواهی بِبو، اوآ کا بَلوا و هَر جورَه زِشتَ کِردِکار نی بَبی.

پطروسی اوّلین نامَه 4:2

و باقی عُمری جِسمی کا، نِه آدَمی هَواهَوسی نَه، بَلکَم خِدا اراده کا زندگی بَکَردی.