اوّلین نامَه قورَنتیانیرا 3:12 - کتاب مقدس به زبان تالشی شمالی

¹² حِسَه اَگم کسی اِم پاکاری سَری کا اَ عِمارتی، طِلا و نِقرَه یا گِرونه سِنگون کا یا چو و واش یا کِلَشی کا وَج آکَرِه،

کتاب مقدس به زبان تالشي - گویش مرکزی

¹² ایسَه اَگَم کَسی اِم هیمی سَردِرِ ساختیمانی طِلِه و نِقرَ یا گِرونه سِه اونَّه یا چو یا واش یا سِمبَرینه سِی آکَرِ،

اوّلین نامَه قورَنتیانیرا 3:12 Iomraidhean Croise

رَسولون اَعمال 20:30

حتی شِمَه اِشتَن دیلَه کا کسونی پِرِزن که حقیقتی آگاردِنِن تا شاگِردون بِکَشونِن اِشتَن دومله و اَوون راه کا بَرکَرِن.

رومی کلیسارا نامه 16:17

اِی بِرااِن، پیستِمَه شِمَه کا خواهیشت بِکَرِم اَ کسونی ویرا بِبییَه که جِدایی باعیث بَبین و شِمَه راه کا سَد بَناین و تعلیمی نَه که شِمَه یاد گِتَرونه، مخالفت بَکَردین؛ اَوون کا دوری بِکَرَه،

اوّلین نامَه قورَنتیانیرا 3:11

چوم هیچ‌کس نیمَشا اَ پاکاری غِیراز که نوعَه بییَه، یعنی عیسایِ مسیح، ایلَه دییَر پاکاری بِنَه.

اوّلین نامَه قورَنتیانیرا 3:13

هَر کسی کار آشکار بَبی، چوم که اَ ’روز‘ گِردِ چییون بَرمَلا بَکَردی. چوم آتش کاری نتیجه معلوم بَکَردی، و آتش هر جورَه کاری که آدَمِن بِکَرِن آزمایش بَکَردی.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 4:2

بَلکَم نِینَکی راه اون کا و شرم آوَرَه راه اون کا دوری کَردَمونه و کلاهبرداری نَه ناری را نِشییَم و خِدا کلامی دَستکاری نِکَرَم بَلکَم حَقیقَتی واضِح بَواتیمون، تقّلا بَکَردیمون خِدا حضوری کا گِردی وجدانی کا تصدیق بِبییَم.

نامَه کُولُسی کلیسا را 2:8

شِمَه هَواس جمع بِبو تا، هیچکس شِمَه فَلسفَه و پوچَ حُقّه نَه گیریفتار مَکَرِه، که نِه مَسیح سَری کا، بَلکَم آدَمون دَب و اِم دنیا اُصولی سَری کا پابَرجایَه.

اوّلین نامَه تیموتائوسیرا 6:3

اَگم کسی جور دییَری تعلیم بِدَه و چَمَه خِداوند عیسایِ مسیح، دُرستَه کلامی و اَ تعلیمی نَه که دینداری راه دیلَه کایَه جور مَبو،

دِوُّمین نامَه تیموتائوسیرا 2:20

حِسَه ایلَه یالَ کَ کا، فقط طِلا و نِقره قَبِن نییَه، بَلکَم چویَه قَب و گِلی نی اِستَه؛ بعضی اِن مهم کارون را استفادَه بَبین و بعضی اِن نی دَم دَسی را.

دِوُّمین نامَه تیموتائوسیرا 3:13

امّا شرورَه آدَمِن و حُقَه بازِن بَدی کَردِه کا بدتَر بَبین؛ گول ژَنِن و گول بَردین.

دِوُّمین نامَه تیموتائوسیرا 3:7

اِم ژِنَکِن هَمیشه تعلیم بَگتین، ولی هَرگز نیمَشان حقیقتی آزونِن.

دِوُّمین نامَه تیموتائوسیرا 4:3

چوم زمانی بومَی که مردم دُرستَ تعلیمون تاو نِوَرِن، بَلکَم معلمونی اِشتَن دور جمع آکَرِن تا اَ چیی دَرَسِن که چَوون گوش خِشَه دَرَسِه و چَوون هَواهَوسون نه جور دَر بومَی؛

نامَه، عِبرانیه نَتاجَه مسیحیونرا 13:9

جور بَه جور و عَجیبَه تعلیمون نَه راه کا بَمَرشَه؛ چوم اِم چاکَه که اِنسانی دیل، فیضی کا قوّت بِگِرِه، نِه اَ غذا اونی کا که کسونی را که چَوون دومله بَشین هیچ مَنفعی نیشَه.

پطروسی اوّلین نامَه 1:7

تا شِمَه ایمانی اِصالت، آزمایشی کا ثابت بِبو و اَ روزی که عیسایِ مَسیح ظهور بِکَرِه، ستایش و جلال و اِحترامی باعیث بِبو، هَ ایمان که طِلا کا وِر با اِرزِشتَرَه که هَر چَن از بِین بَشی، ولی آتشی نَه آزمایش بَبی.

یوحنا موکاشیفَه 2:14

«امّا از، روکَتِه شکایت بَه تِه کا هِستِمَه. اوآ کا کسونی هِستِرَه که بَلعامی تعلیمی دَچیکه اینَه؛ هَ که بالاقی آموتِشه که قوم اِسرائیلی پیشی کا سِنگی بِبو که بَلَکِه باعیث بِبو، تا اَ غذایی که بُتون را تقدیم بَبی بَرِن و بی‌عفتی بِکَرِن.

یوحنا موکاشیفَه 21:18

شهری حصار یَشمی کا وَج آبَه بَه، و شهر خالِصَ طلا کا شیشه شیوار شفاف بَه.

یوحنا موکاشیفَه 3:18

تِه نصیحت بَکَردیم خالِصَه طِلایی که آتشی کا دَوییَردَه بَه مِن کا بِخِری تا دولتمند بِبی؛ و ایسبی خَلا اون، تا دَکَری و اِشتِه لُخت و سُختی شرم‌ ویندَه مَبو و مَرهم، که اِشتِه چمون کا دَسونی تا بِوینی.