اوّلین نامَه قورَنتیانیرا 2:7 - کتاب مقدس به زبان تالشی شمالی

⁷ بَلکم اَمَه خِدا حِکمتی کا که ایلَه نِینَ سِرّی یَه گف ژَنَم. اَ حِکمتی که خِدا، دنیا خَلق کَردِه پیش، چَمَه جلالی را معّین کَردِشه.

کتاب مقدس به زبان تالشي - گویش مرکزی

⁷ بَلکَم خدا نون آبَه حیکمَتیکا گَف بَژَمون کن ایلَه رازَه و جیگاش هردیَه، اَ حیکمت کن خدا دِنیا خلق بِه بَه نَ، چَمه شکوه و جَلالیرا تَیین کَردَشه.

اوّلین نامَه قورَنتیانیرا 2:7 Iomraidhean Croise

مَتّی 11:25

هَ موقع عیسی واتِشه: «اِی دَده، اِی آسِمون و زمینی خِداوند، تِه شُکور بَواتیم كه اِم چییون، دانایون و عاقل آدَمون کا نِین آکَردَرَه و خِردَنون را آشکار آکَردَرَه.

مَتّی 13:35

اِنتَه بَه تا اَ چیی که پیغمبری واسطه نَه واتَه بییَه بَه، اِتِفاق دَلکِه که: «از مَثَّلون نَه گَف بَژَیم، و هَر چیی که دنیا، اوّلِ صِفته کا نِین مَنده، بَواتیم.»

رومی کلیسارا نامه 11:25

اِی بِرااِن، نِپیستِمه اِم سِرّی کا بیخَوَر بِبییَه- نَبادا اِشتَن دانا بِزونَه- که دیل سختی بعضی اِسرائیلی یون سَری کا حُکمفرما بییَه، تا کسونی تعداد که قَرارَه غیریهودیون دیلَه کا بِه مسیح ایمان بواَرِن کامِل آبو.

رومی کلیسارا نامه 8:29

چوم کسونی که خِدا پیشتَری آزونِستَشه، پیشتر، اَوون مُعیین کَردِشه تا چَیی زوعَه شیوار بِبون، تا اَتَه مسیح، اِشتَن وِرَه بِرااون دیلَه کا، اَوّلین خِردَن بِبو.

رومی کلیسارا نامه 8:30

و کسونی که پیشتَری تعیین کَردَشه نی، دَخوندَشه؛ و کسونی که دَخوندَشه، صالِح بِه حساب وَردِشه؛ و کسونی که صالِح بِه حساب وَردِشه نی، جلال بَخشِستِشه.

اوّلین نامَه قورَنتیانیرا 2:1

اِی بِرااِن، از نی وختی که اومیمَه شِمَه وَر، نومیمَه که خِدا سِرّون شِمَه را یال یالَه گفون، یا حکمتی نَه اِعلام بِکَرِم.

نامَه اَفسوسی کلیسارا 1:4

چوم دنیا خَلق بییِه پیش، اَمَه مسیح دیلَه کا اِنتخاب کَردِشه تا چَیی حضوری کا مقدّس و بی‌عیب بِبَیم. محبتی کا،

نامَه اَفسوسی کلیسارا 3:10

تا کلیسا واسطه نَه، خِدا جور بَه جور حِکمت، رئیسِن و قدرتِن، آسمونی یَه جِگا اون کا آشکار آبو.

دِوُّمین نامَه تیموتائوسیرا 1:9

خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،

نامَه، عِبرانیه نَتاجَه مسیحیونرا 1:2

امّا اِم آخِرَه روزون کا اَ اِشتَن زوعَه واسطه نَه، اَمَه نَه گَف ژَندِشَه، هَ زوعَه ایی که اَیی ایلَه وارثی شیوار گِردِ چیون کا تَعیین کَردِشه و چَیی واسطه نَه جهانی خَلق کَردِشَه.

نامَه، عِبرانیه نَتاجَه مسیحیونرا 11:3

اَمَه ایمانی نَه بَفهمستیمون که جهان، خِدا کلامی نَه خَلق بَه، اِنتَه که اَ چیونی که ویندَه بَبی، اَ چییونی کا وَج آبینَه که نییَب ویندِه.

پطروسی اوّلین نامَه 1:11

اَوِن تَقَّلا بَکَردین بِفهمِن وختی که مَسیح روح چَوون دیلَه کا مسیح جَلالون و عذابون که چَیی پَش بومیَ، پیشگویی بَکَردی، کِی یا چِه زمانی نیشون بَدای.

پطروسی اوّلین نامَه 5:1

اَز که اِشتَن ایلَه مشایخون کا ایمَه و مسیح رَنجون شاهد بیمَه و اَ جلالی کا که آشکار بَبی شَریکیمَه، اَ مشایخی که شِمَه دیلَه کا اینَه سفارش بَکَردیم:

پطروسی اوّلین نامَه 5:10

و دومله روکَتِه رنج و عذاب کَشِه پَش، خِدای پُور فیض،که شِمَه مسیح کا دَعوت کَردشَه، تا چَیی اَبَدی یَه جلالی کا شریک بِبییَه، شِمَه از نو بینا بِکَردی و پایدار و پُور قدرت و پابَرجا بَکَردی.

پطروسی دومین نامه 1:3

چَیی قدرت الهی هَر چیی که زِندگی و دینداری را اِحتیاج دارَم اَمَه بَخشِستَشه. چَیی آزونستِه نَه یَه که اَمَه اِشتَن جلال و چاکی را دعوت کَردَشه.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.