اوّلین نامَه قورَنتیانیرا 1:7 - کتاب مقدس به زبان تالشی شمالی

⁷ هَتَه که شِمَه، چَمَه خِداوند عیسایِ مسیح آگردِستِه مُنتظِریرونه، هیچ هدیه ای کا بی نصیب نیرونه.

کتاب مقدس به زبان تالشي - گویش مرکزی

⁷ هَته کن شمَه چَمه خداوند عیسی مسیح ویگَردستِه مونتَظِریرون، هیچ خَلا ایکا بی نَصیب نیرون.

اوّلین نامَه قورَنتیانیرا 1:7 Iomraidhean Croise

مَتّی 25:1

آسِمونی پاُتشایی دَه گِله باکِرَه کِلَه شیوارَه که وَیو رَفِقی نَه و اِشتَن گِرسوزَه چِرا اون پِگِرِن و بَشین زِما پیشواز.

انجیل لوقا 12:36

کسونی شیوار بِبییَه که منتظری نَه چَوون اَرباب عروسی نَه آگَردِه کَ، تا وختی راه نَه آرَستِه و بَر بِژنِه، اَلبَحَل بَری اَیی را آکَرِن.

انجیل لوقا 17:30

روزی که اِنسانی زوعَه ظهور بِکَرِه نی هِنتَه بَبی.

رومی کلیسارا نامه 8:19

چوم که خِلقت، تمون اِشتیاقی نَه خِدا زوعَه اون ظاهر آبییِه منتظرَه.

رومی کلیسارا نامه 8:23

و نِه فقط خِلقت، بَلکَم اَمَه اِشتَن که خِدا روح نوبری هِستِمونه، چَمَه دیلی دیلَه کا ناله بَکَردیمون، هَتَه که اِشتیاقی نَه زوعَه اون مقامی کا، فرزند خوندَگی مُنتظریمونه، یعنی چَمَه بَدَنون رهایی.

اوّلین نامَه قورَنتیانیرا 4:5

بَس هیچی درباره، پیش از موعود قِضاوت مَکَرَه، تا اِم که خِداوند با. هَ خِداوندی که اَ چیی که حِسَه تاریکی کا نِینَه، روشونایی کا نمایان بَکَردی و دیلون نیّتون بَرمَلا بَکَردی. دومله هَر کسی اِشتَن تعریف تَمجیدی، خِدا کا ویگِرِه.

دوومین نامه قرنتیانیرا 12:13

چوم که چِه چی کا اَلباقی کلیسااون کا کمتر شِمَه را لطف بَه، اِمی غِیراز که از اِشتَن هرگز شِمَه دوشی سَری کا باری نِبیمَه؟ چِمِن اِم خطا بِبَخشه!

نامه غلاطیَه کلیسارا 5:5

چوم که اَمَه خِدا روح واسطه نَه، ایمانی نَه، اَ صالِحی مُنتظریمونه که چَمَه اُمیدَه.

نامَه فیلیپی کلیسا را 3:20

حِسَه اَمَه آسِمونی شِنیمونه و خِداوند عیسایِ مسیح مُنتظریمونه که ایلَه نجات دَهنده یَه.

نامَه کُولُسی کلیسا را 3:4

وختی مسیح، که شِمَه زندگی یَه، آشکار بِبو، دومله شِمَه نی اَیی نَه جلالی کا آشکار بَبیرون.

اوّلین نامَه تَسالونیکی کلیسا را 1:10

و تا آسِمونی کا خِدا زوعَه اومِه منتظر بِبییَه، که خِدا اَیی مَردَه اون دیلَه کا زِنده آکَردِشه، یعنی عیسی، که اَمَه اَ غضبی کا که در پیشَه رهایی بَدای.

دوّمین نامَه تَسالونیکی کلیسا را 1:7

و شِمَه که عذاب کَشَرونه و هَتَه اَمَه نی راحتی بَدای، اَ موقع که خِداوند عیسی اِشتَن نیرمندَه ملائیکه اون همراه، آسِمونی کا ظاهر آبو،

دِوُّمین نامَه تیموتائوسیرا 4:8

حِسَه نَه بِه بعد، اَ صالِحی تاج، بَه مِرا آمادَه یَه، تاجی که خِداوند، اَ عادلَ داور، اَ روزی کا بَه مِن آدوشَه- نِه فقط بَه مِن، بَلکَم گِردِ کسونی که چَیی ظهوری مشتاق بینَه.

نامَه تیتوسیرا 2:13

و چَمَه اَ مِوارکَه اُمیدی مُنتظِر بومونَم، یعنی چَمَه خِدای عظیم و چَمَه نجات دَهنده عیسایِ مسیح جلالی آشکار آبییِه،

نامَه، عِبرانیه نَتاجَه مسیحیونرا 9:28

بَس مسیح نی که ایی کَرَه قِربونی بَه تا وِر کسون گناه اون از بِین بِبَرِه، دوّمین کَرَه نی بومَی، ولی نِه گناه اون از بِین بَردِه را، بَلکَم تا کسونی نجات دوعِه را که ذوق و شوقی نَه چَیی چِم بِه رایی نَه.

پطروسی اوّلین نامَه 1:13

بَس شِمَه فیکرون آمادَه آکَرَه عمل کَردِه را، شِمَه هَواس جمع بِبو، و شِمَه امید تمام کمال اَ فیضی کا بِبو که عیسایِ مسیح ظهوری موقع شِمَه آدوعه بَبی.

پطروسی اوّلین نامَه 4:13

بَلکَم شاد بِبییَه اِمی واسی که مَسیح رنجون کا شَریک بِبییَه، تا اَ موقع که چَیی جلال آشکار آبو، شِمَه نی شادی بِکَرَه و وَشت واز بِکَرَه.

پطروسی اوّلین نامَه 5:4

و اَ وختی که شوونَه اون رئیس ظهور بِکَرِه، اَ تاج جلالی که از بِین نِشو، بِه دَس بواَردیرون.

پطروسی دومین نامه 3:12

خِدا روزی را چِم بِه راه بِبییَه و اِمی واسی که خِدا روز زودتَر با تَقَّلا بِکَرَه. اَ روزی کا که آسِمونِن آتش بَگَتین و نابود بَبین و آسِمونِن، ستاره اون آتَشی گرمی کا ذوب آبون.

یوحنا اوّلین نامَه 3:2

اِی عَزیزِن، حِسَه اَمَه خِدا خِردَنیمونه، و اَ چیی که قَرارَه بِبَم حَلا آشکار آبَه نییَه. امّا بَزنیمون اَ موقع که اَ ظهور بِکَرِه، چَیی شیوار بَبیمون، چوم اَیی هَتَه که اِستَه بَویندیمون.

یهودا نامه 1:21

و اِشتَن خِدا محبتی دیلَه کا غَم بَرَه، هَتَه که چَمَه خِداوند عیسایِ مسیح رحمتی مُنتظریرونه تا شِمَه اَبَدی یَه زِندگی را راهنمایی بِکَرِه.