اوّلین نامَه قورَنتیانیرا 1:2 - کتاب مقدس به زبان تالشی شمالی

² خِدا کلیسا را که قُرِنتُسی شهری کایَه، و کسونی که مسیحْ عیسی کا تقدیس بَیینه و دَعوت بَیینه تا یَندی نَه مقدّس بِبون، گِردِ کَسونی همراه که هَر جِگایی کا چَمَه خِداوند مسیحِ عیسی نومی دَخونِن، که چَمَه خِداوند و چَوون خِداوندَه:

کتاب مقدس به زبان تالشي - گویش مرکزی

² خدا کلیسارا کن شهر قورنتوسیکارَ، و اَیِنی کن مَسیح عیساکا تَقدیس بَه اینه و اَیِنشون صَلا ژَیه تا یندِنه موقَدس ببون، گِردِ اَیِنی نَه کن هر دییَرَ جِگاکا چَمه خداوند عیسی مسیح نومی خِلِه بَکَن، کن چَمه خداوند و چَوون خِداوندَ:

اوّلین نامَه قورَنتیانیرا 1:2 Iomraidhean Croise

رَسولون اَعمال 10:36

خِدا طبق اِشتَن کلام که یهودی قومی را ویسا آکَردِشه، صُلح و سَلامتی و شادَه خَوَری عیسایِ مسیح واسطه نَه که گِردی خِداوندَه، اِعلام کَردِشه.

رَسولون اَعمال 15:9

خِدا چَمَه و چَوون میانه کا هیچ فرقی نِنوشه، بَلکَم ایمانی واسی، چَوون دیلون پاک آکَردِشه.

رَسولون اَعمال 18:1

چَیی پَش، پولس آتِنی شهری کا اومَه بِرون و شَه قُرِنتُسی شهری را.

رَسولون اَعمال 22:16

حِسَه چِه چیی منتظریش؟ پِرِز و چَیی نومی دَخون و غُسل تعمید بِگه، اِشتِه گناه اون کا پاک آبو!“

رَسولون اَعمال 26:18

تا چَوون چِمون آکَری، جوری که تاریکی کا نوری را، و شیطانی قدرتی کا آگَردِن خِدا طرف، تا چَوون گناه اِن بَخشِسته بِبون، و اَ ایمانی واسی که بَه مِن هِستِشونَه، کسونی دیلَه کا که مقدّس بَیینه، جِگا بِدارِن.“

رَسولون اَعمال 9:13

امّا حَنانیا جَواو دوشَه: «خِداوندا، وِر کَسون کا اِم مِردی درباره دَرَسَمَه که اِشتِه مقدسون اورشلیمی کا اَذیت آزار کَردَشه.

رَسولون اَعمال 9:14

و اییاکا نی سَران کاهِنون کا اِم اِختیاری اِستِشه تا هَر کسی که اِشتِه نومی بَواتی دستیگر بِکَرِه.»

رَسولون اَعمال 9:21

هَر کسی چَیی پیغومی دَرَسی مات و مبهوت بَبی و بَواتی: «مَگم اِم هَ کسی نییَه که اورشلیمی کا کسونی دیلَه کا که عیسی نومی اِشتَن زوونی سَر بواَردین آشوب بِه پا بَکَردی. مَگم اِمی واسی اومَه نییَه اییا که اَوون دَستگیر بِکَرِه و بِبَرِه سَران کاهِنون وَر؟»

رومی کلیسارا نامه 1:7

گِردِ کسونی را که رومی شهری کا اینه که خِدا اَوون نه خِشَه و دعوت بَیینه تا مقدّسون کا بِبون: فیض و صُلح و سلامتی چَمَه دَدَه، خِدا و عیسایِ مسیحِ خِداوندی طرفی کا، شِمَه را با.

رومی کلیسارا نامه 10:12

چوم یَهود و یونانی فرقی نِکَرِه، چیرا که هَ خِداوند، گِردی خِداوندَه و گِردِ کسونی که اَیی دَخونِن، فَت و فَراوون بَرکت بَدای.

رومی کلیسارا نامه 3:22

اِم صالِحی ای که خِدا کایَه، عیسایِ مسیح ایمان داشتِه راه نَه، و گِردِ کسونی نصیب بَبی که ایمان بواَرِن. چوم هیچ فرقی نییَه.

رومی کلیسارا نامه 8:28

بَزنیمون کسونی حقی کا که خِدا نَه خِشی نَه و طبق چَیی پیستَه دعوت بَیینه، گِردِ چییِن یَندی نَه چَوون خیریَتی را کار بَکَردین.

اوّلین نامَه قورَنتیانیرا 1:30

چَیی واسی یَه که شِمَه مسیحْ عیسی کا ایرونه. اَ مسیحْ عیسی که خِدا طرفی کا اَمَه را حِکمت بییَه، یعنی صالحی، قدّوسیت و آزادی.

اوّلین نامَه قورَنتیانیرا 10:32

هیچ‌کسی ناراحت مَکَرَه، چِه یهودیون، چِه یونانیون و چِه خِدا کلیسا،

اوّلین نامَه قورَنتیانیرا 12:27

اِنتَه، شِمَه مسیح بَدَنیرونه و گِلَه بِه گِلَه چَیی اَعضا ایرونه.

اوّلین نامَه قورَنتیانیرا 8:6

با اِم حال اَمَه فقط ایلَه خِدا هِستِمونه، یعنی آسمونیَه دَده، که گِردِ چیی اِن اَیی کا اینه و اَمَه چَیی شِنیمونه؛ و فقط ایلَه خِداوند اِستَه، یعنی عیسایِ مسیح، که گِردِ چیی اِن چَیی واسطه نَه یَه و اَمَه چَیی واسطه نَه ایمونه.

دوومین نامه قرنتیانیرا 1:1

پولُسی طرفی کا که خِدا پیسته نَه، مسیح عیسی رسولَه، و چَمَه بِرا کا تیموتائوس، خِدا کلیسا را قُرِنتُسی شهری کا، و گِردِ مقدسون را، اَخائیه ولایتی سَرتاسری کا:

دوومین نامه قرنتیانیرا 4:5

چوم که اَمَه چَمَه را موعظه نِکَرَم، بَلکَم اِعلام بَکَردیمون که عیسایِ مسیح خِداوندَه، و اِشتَن کا فقط عیسی واسی، و اَ نی فقط شِمَه خِدمتکارون شیوار گَف ژَنَم.

نامه غلاطیَه کلیسارا 1:2

و هِنتَه نی گِردِ بِرااونی که مِنه اینه، غَلاطیه کلیسا اوون را:

نامَه اَفسوسی کلیسارا 5:26

تا اَیی خِدا کلامی آوی نَه پاک آکَرِه و اِنتَه کلیسا تقدیس بِکَرِه،

اوّلین نامَه تَسالونیکی کلیسا را 1:1

پولُس و سیلاس و تیموتائوسی طرفی کا، تَسالونیکی شهری کلیسا را که خِدای دَده و چَمَه خِداوندْ عیسای مسیح کا اِستینه: فیض و صُلح و سلامتی شِمَه را با.

اوّلین نامَه تَسالونیکی کلیسا را 4:7

چوم خِدا اَمَه نِه ناپاکی را، بَلکَم مقدّس بییِه را دَعوت کَردَشه.

دوّمین نامَه تَسالونیکی کلیسا را 1:1

پولُس و سیلاس و تیموتائوسی طرفی کا، تَسالونیکی شهری کلیسا را، که چَمَه دَده خِدا و خِداوندْ عیسایِ مسیح کا اِستینَه:

اوّلین نامَه تیموتائوسیرا 2:8

بَس چِمِن آرزو اِمَه که مِردَکِن گِردِ جِگا کا، دعا بِکَرِن و مقدّس دَسون بی خَشم و دعوا مُرافه راست آکَرِن؛

اوّلین نامَه تیموتائوسیرا 3:15

اَگم چِمِن اومِه عَری آبَه، بِزونی که خِدا خانوادَه دیلَه کا، که خِدای زِنده کلیسا و ستون و حَقیقَتی پایَه یَه، چِنتَه بَسی رَفتار کَردِه.

دِوُّمین نامَه تیموتائوسیرا 1:9

خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،

دِوُّمین نامَه تیموتائوسیرا 2:19

با اِم حال، اَ مُحکمَه پاکاری که خِدا نوعَشه، پابَرجایَه و اِمی نَه مُهر بییَه که: «خِداوند اِشتَن آدَمون آزونِه،» و «هَر‌ کسی خِداوندی نومی اِقرار بِکَرِه، بَسی نادُرستی کا دوری بِکَرِه.»

دِوُّمین نامَه تیموتائوسیرا 2:22

بَس جَوونی هَواهَوسی کا دَوز، و کسونی نَه که پاکَه دیلی نَه خِداوندی دَخونِن، صالِحی، ایمان، محبت، صُلح و سلامتی دومله بِبَش.

نامَه، عِبرانیه نَتاجَه مسیحیونرا 10:10

اَمَه عیسایِ مسیح بَدنی قِربونی کَردِه واسطه نَه، ایی کَرَه همیشه را، چَیی را وقف بیمونَه.

نامَه، عِبرانیه نَتاجَه مسیحیونرا 13:12

هَتَه نی، عیسی نی شهری بَرنگاه بِرونی کا عذاب کَشِشَه تا اِشتَن خونی واسطه نَه، مردمی تَقدیس بِکَرِه.

نامَه، عِبرانیه نَتاجَه مسیحیونرا 2:11

چوم اَ کسی که تقدیس بَکَردی و کسونی که تقدیس بَبین، گِرد ایلَه سَرچِشمه هِستِشونَه. چوم که عیسی عار نیَشه اَوون بِرا دَخونِه،

یهودا نامه 1:1

یهودا طرفی کا، عیسی مسیح نوکر و یعقوبی بِرا، کسونی را که دعوت بَیینه و خِدای دَده کا عزیزگِرامی اینه، و کسونی که عیسایِ مسیح واسی حفظ بَیینه:

یوحنا موکاشیفَه 19:16

چَیی اَبا و رونی سَری کا ایلَه نوم نیویشته بییَه: ’شاه شاهان و خِداوندون، خِداوند.‘